Ente Malayalam News

Follow Us

Showing posts with label Technology. Show all posts
Showing posts with label Technology. Show all posts

Sunday, 20 May 2018

കംപ്യൂട്ടർ കളി കൂടിയാൽ കുഞ്ഞുങ്ങൾക്ക് ആപത്ത്


കംപ്യൂട്ടറിനും ഫോണിനുമൊക്കെ മുന്നിൽ തുടർച്ചയായി സമയം ചെലവഴിക്കുന്ന പ്രവണതയിപ്പോൾ കുട്ടികളിൽ ഏറിവരികയാണ്. ഇതിന്റെ  നിരന്തര ഉപയോഗം പലവിധ ശാരീരിക മാനസിക വിഷമതകൾക്കും വഴി തെളിച്ചേക്കാം.

  1. ഗെയിമുകൾ സ്വാധീനിക്കും                                                                                                                                                                                                                                                കുട്ടികൾ തുടർച്ചയായി ഗെയിമുകളിൽ ഏർപ്പെടുന്നതിൽ ശ്രദ്ധയും നിയന്ത്രണവും ആവശ്യമാണ്. അവരിൽ അക്രമവാ സന വളർത്താൻ ചില ഗെയിമുകൾ വഴിതെളിക്കും കൂടാതെ ബുദ്ധിപരമായ വികാസത്തിനും തടസ്സമാകാറുണ്ട്. പഠനത്തിൽ പിന്നാക്കം പോകാനും മനസ്സിൽ പരാജയഭീതി വളർത്താനും ശ്രദ്ധക്കുറവിനും ഇതിടയാക്കിയേക്കാം. ദൈനംദിന പ്രവൃത്തി കൾ ചെയ്യാൻ കുട്ടികളിൽ വിമുഖതയുണ്ടാകും. മറ്റുള്ളവരുമാ യി സൗഹൃദം സ്ഥാപിക്കാനും പുറത്തെ കളികളിൽ ഏർപ്പെ ടാനും ക്രമേണ താൽപര്യവും ഇല്ലാതാകും.                                                              
  2. പ്രത്യേക ശ്രദ്ധവേണം                                                                                                                                                                                                                                                         കഴിവതും ചെറിയ കുട്ടികൾക്കു സമ്മാനമായി മൊബൈൽ, കംപ്യൂട്ടർ ഇവയൊക്കെ വാങ്ങിക്കൊടുത്ത് പ്രോത്സാഹിപ്പിക്കാ തിരിക്കുക. വീട്ടിലെ കംപ്യൂട്ടർ പ്രധാന മുറിയിൽ വച്ചു മാത്രം പ്രവർത്തിപ്പിക്കാൻ അവർക്കു നിശ്ചിത സമയം അനുവദിച്ചാൽ മതി. സ്ഥിരമായി കംപ്യൂട്ടർ ഉപയോഗിക്കുന്ന കുട്ടികളു ടെ മേൽ രക്ഷിതാക്കളുടെ ഒരു കണ്ണ് എപ്പോഴും ഉണ്ടായിരി ക്കണം. സ്ഥിരമായി ഇരിക്കാൻ അനുവദിക്കാതെ ഇടയ്ക്കിടെ എഴുന്നേറ്റു നടക്കാനും ആവശ്യത്തിനു വെള്ളം കുടിക്കാനും നിർദേശിക്കാം. അതു പോലെ മൊബൈൽ ഉപയോഗത്തിനും കർശനമായ നിയന്ത്രണം അനിവാര്യമാണ്. ചെറുപ്രായത്തിൽ കുട്ടികൾ മൊബൈൽ എടുത്ത് ഉപയോഗിക്കുന്നത് അനുവദി ക്കരുത്. കിടന്നുകൊണ്ടു ഗെയിമുകൾ കളിക്കുന്നതും വില ക്കണം.                                                                         
  3. ശാരീരിക പ്രയാസങ്ങള്‍                                                                                                                                                                                                                                                       കുട്ടികളിൽ അമിത ക്ഷീണം, വ്യക്തിത്വ വൈകല്യം, വിഷാദം, ഉന്മേഷക്കുറവ്, ഉറക്കമില്ലായ്മ എന്നിവയ്ക്കൊക്കെ ഇടയാക്കും.  ഇവരുടെ ത്വക്ക് നേർത്തതായതിനാൽ മൊബൈലിന്റെ നിരന്തര ഉപയോഗം റേ‍ഡിയേഷനുണ്ടാകാനും ബ്രെയിൻ, ചെവി കാൻസറിനും സാധ്യതയുണ്ട്. കുട്ടികളുടെ കൈവിരലു കളിൽ വേദന ഉണ്ടാകുക. ശരീരഭാരത്തിൽ കുറവു വരിക. പഠനത്തിനുള്ള താൽപര്യം നഷ്ടമാകുക. ശരിയായ കാഴ്ചയ്ക്കു വരൾച്ച ഉണ്ടാകുക.                                                                                                                                                                                                        നിരന്തരമായ ഉപയോഗം ശരീരത്തിന്റെ മെറ്റബോളിസം കുറയ്ക്കുന്നു. തുടർച്ചയായ ഇരിപ്പ് പൊണ്ണത്തടിക്കും ഇടയാക്കും.                                                                                                      
  4. ശാരീരിക മാനസിക ആരോഗ്യം                                                                                                                                                                                                                                                 ശരിയായ കാര്യങ്ങൾക്കു വേണ്ടി മാത്രമേ കംപ്യൂട്ടറും മൊബൈലും ഉപയോഗിക്കാവൂവെന്ന് അവരെ പറഞ്ഞു മനസ്സിലാക്കണം. ഇടയ്ക്കിടെ നല്ല പുസ്തകങ്ങൾ തിരഞ്ഞെടുത്തു വായിക്കാനും നിർദേശിക്കണം. കുട്ടികളെ അവർക്കിഷ്ടപ്പെട്ട ഒരു ഹോബി കണ്ടെത്താൻ സഹായിക്കാം. കൂട്ടുകാർക്കൊപ്പം കളികളിൽ ഏർപ്പെടാനും അവസരം നൽകണം. ടിവിയിൽ നല്ല വിജ്ഞാനപ്രദമായ പരിപാടികൾ കാണാനും പാട്ടു കേൾക്കാനും അവർക്കു നിർദേശം നൽകാം. യോഗ, നടത്തം, സൈക്കിളിങ് പോലുള്ള പ്രവൃത്തികളിൽ ഏർപ്പെടുന്നതു കുട്ടികൾക്കു മാനസികമായും ശാരീരികമായും ഉണർവു പകരും. ബിഹേവിയർ തെറപ്പി ഇന്നു ലഭ്യമാണ്. അങ്ങനെ കംപ്യൂട്ടറിന്റെ അമിതോപയോഗം കുറയ്ക്കാനാവും. കൂടാതെ വിഷാദാവസ്ഥ, ഉത്കണ്ഠ, മാനസിക വിഷമത എന്നിവയെ യും നിയന്ത്രിക്കാം. ആവശ്യമെങ്കിൽ ശരിയായ കൗൺസലിങ്ങും സ്വീകരിക്കണം. ഇതോടൊപ്പം ഔഷധ ചികിത്സയും ഫലം ചെയ്യും.

Monday, 30 April 2018

ഇടിമിന്നൽ സമയത്ത് മൊബൈൽ ഉപയോഗിച്ചാൽ എന്തു സംഭവിക്കും?

Is it safe to use cell phones during lightning
Designed by Freepik        
മൊബൈൽ ഫോൺ ഉപയോഗിക്കാൻ തുടങ്ങിയ കാലം മുതലെ കേൾക്കുന്ന ഒന്നാണ് ഇടിമിന്നലുണ്ടാകുമ്പോൾ മൊബൈൽ ഫോൺ ഉപയോഗിക്കരുത്. ഉപയോഗിക്കുന്നവർക്ക് മിന്നലേൽക്കാൽ സാധ്യത കൂടുതലാണ്. എന്നാൽ ഇതിലൊന്നും ഒരു കാര്യവുമില്ലെന്നും എല്ലാം തെറ്റിദ്ധാരണകളാണെന്നും വ്യക്തമാക്കുകയാണ് ഇലക്ട്രോണിക്സ് വിദഗ്ധനായ ടോട്ടോ ചാൻ എന്ന പേരിലുള്ള ഫെയ്സ്ബുക് ഉപയോക്താവ്. ഫെയ്സ്ബുക് കുറിപ്പ് വായിക്കാം.

  നാട്ടിൽ ഏറെ തെറ്റിദ്ധരിക്കപ്പെടുന്ന സരള യുക്തിയുടെ ഉൽപന്നമാണ് മൊബൈൽ ഫോൺ ഇടിമിന്നൽ സമയത്ത് ഉപയോഗിക്കരുത് എന്നത്. മിന്നൽ എടുക്കുമ്പോൾ മൊബൈലിൽ സംസാരിച്ചത് കൊണ്ടു നമുക്കോ ഉപയോഗിക്കുന്ന ഉപകരണത്തിനോ ഒന്നും സംഭവിക്കില്ല.

നമ്മുടെ കൈയ്യിലുള്ള മൊബൈൽ ഫോൺ ഒരു ലോപവർ വൈദ്യുത കാന്തിക ഉപകരണമാണ്. വൈദ്യുത കാന്തിക തരംഗം എന്നൊക്കെ കേട്ടു ഉടനെ മിന്നൽ പിടിക്കുമൊന്നും തെറ്റിദ്ധരിക്കണ്ടാ. നമ്മൾ കാണുന്ന പ്രകാശം പോലും വൈദ്യുത കാന്തിക തരംഗമാണ്. മൊബൈൽ ഫോണിൽ നിന്നു പുറപ്പെടുന്ന തരംഗത്തിനു മിന്നലിനെ ആകർഷിക്കാനുള്ള കഴിവൊന്നുമില്ല.

ഒന്നോ രണ്ടോ വാചകത്തിൽ പറഞ്ഞാൽ മേഘക്കൂട്ടത്തിൽ വെച്ചു ഐസ് പരലുകളും ജലത്തിന്റെ ഫ്ലേക്ക് പോലെയുള്ള ചാർജ് ചെയ്യപ്പെട്ട graupel നിരന്തരം സമ്പർക്കത്തിൽ തെന്നി നീങ്ങി വലിയ ചാർജ് സംഭരിക്കുകയും ചെയ്യുന്നു. ഇതു ഭൂമിയിലേക്ക് അതിഭീകരമായി ഡിസ്ചാർജ് ചെയ്യപ്പെടുന്നു. ഈ ഡിസ്ചാർജ് നടക്കുമ്പോൾ അതിന്റെ പാതയിൽ എന്തൊക്കെ ഉണ്ടോ അതിലൂടെയൊക്കെ ചാർജ് ഒഴുകുന്നു. ഇതിന്റെ പരിണിതഫലം മിന്നലിന്റെ തീവ്രതക്കും ചാർജുകൾ പാസ് ചെയ്യുന്ന വസ്തുവിന്റെ സ്വഭാവത്തിനെയും ആശ്രയിച്ചിരിക്കും.

ഇങ്ങനെ ഭൂമിയിലേക്ക് വരുന്ന ചർജിനെ ഇവിടെയുള്ള ഉയർന്നു നിൽക്കുന്നതും ഒറ്റപ്പെട്ടു നിൽക്കുന്നതോ തുറസായ സ്‌ഥലത്തുള്ളതോ ആയ വസ്തുക്കൾ ’വഴികാട്ടി’ ആയെന്നു വരാം. അഥവാ ഈ വസ്തുക്കളിൽ നിന്നും (ചിലപ്പോൾ നമ്മൾ തന്നെയും) സ്ട്രീമർ ഉറവിടമായി മാറിയേക്കാം. മുകളിൽ നിന്നും വരുന്ന ഡിസ്ചാർജ് (ഇതിനെ Stepleader-, എന്നു വിളിക്കുന്നു, മിന്നൽ ഉണ്ടാകുമ്പോൾ കാണുന്ന വർണ്ണ വര.) ആയി ഈ സ്ട്രീമർ സംഗമിക്കുന്നു. അതുവഴി ഭൂമിയിലേക്ക് വൈദ്യുതി എളുപ്പം ഡിസ്ചാർജ് ആവുന്നു.

നമ്മൾ കുന്നിലോ, ഉയർന്ന പ്രദേശത്തോ ആണെങ്കിൽ മിന്നല്‍ പിണറിനെ ’സ്വീകരിക്കാൻ’ നമ്മുടെ ശരീരത്തിൽ നിന്ന് തന്നെ സ്ട്രീമർ പോയി അപകടം ക്ഷണിച്ചു വരുത്തുമെന്ന് സാരം. അതുകൊണ്ടാണ് ഒറ്റപ്പെട്ടതും ഉയർന്നതുമായ മരങ്ങൾ അപകടകാരികളാവുന്നത്. താരതമ്യേന കുറഞ്ഞ ഭാഗത്തായി സ്ഥിതി ചെയ്യുന്ന തെങ്ങുകൾ ഇടിയുടെ സ്ഥിരം വേട്ടമൃഗം ആവുന്നതും ഇതുകൊണ്ടാണ്.

ഞാൻ ഇതൊക്കെ പറഞ്ഞത്, നിങ്ങൾ ആരെങ്കിലും മൊബൈൽ ഓണാക്കിയോ, ഓഫാക്കിയോ, ഫ്ലൈറ്റ് മോഡിലിട്ടോ, കാൾ ചെയ്തോ, ചാറ്റ് ചെയ്തതോ കൊണ്ടു ഇടിമിന്നലൊന്നും ചെയ്യാൻ പോന്നില്ല. സ്വാഭാവികമായും ഇതിനോടു പലർക്കും പല വ്യക്തിപരമായ അനുഭവങ്ങളും പറയാൻ ഉണ്ടാകും (മൊബൈൽ ഉപയോഗിക്കുമ്പോഴാണ് മിന്നലേറ്റത്).

'ഇടി മിന്നലേറ്റത് മൊബൈൽ ഫോൺ ഉപയോഗിച്ചത് കൊണ്ടല്ല, മൊബൈൽ ഫോൺ ഉപയോഗിക്കുമ്പോൾ മിന്നലേറ്റത് ആണ്. ഫോൺ ഉപയോഗിച്ചില്ലെങ്കിലും നിങ്ങൾക്ക് മിന്നൽ ഏൽക്കുമായിരുന്നു’. പിന്നേ വേറൊരു കാര്യം വയേഡ് ലാൻഡ് ഫോൺ ഉപയോഗിക്കരുത്. കിലോമീറ്റർ നീണ്ടു കിടക്കുന്ന ലൈനിൽ എവിടെയെങ്കിലും മിന്നൽ സ്ട്രൈക്ക് ചെയ്താൽ അപകടം സംഭവിക്കാൻ സാധ്യത കൂടുതലാണ്.

നാട്ടിൽ ഒരു അപകട മരണം സംഭവിച്ചപ്പോൾ ഇടിമിന്നൽ പേടിച്ചു മിക്ക മൊബൈലും ഓഫ്‌ ചെയ്തു വെച്ചിരുന്നതു കൊണ്ടു നിർണ്ണായക വേളയിൽ വിവര വിനിമയത്തിനു തൽക്കലികമായി തടസ്സം നേരിട്ട അനുഭവത്തിൽ എഴുതിയത്.

PS: ഇടിമിന്നലിനെ അവഗണിക്കരുത്, ഫോൺ ഉപയോഗിച്ചാലും ഇല്ലെങ്കിലും മറ്റു മുൻകരുതലുകൾ എടുക്കുക.

Tuesday, 13 March 2018

13,999 രൂപയ്ക്ക് ഷവോമി സ്മാർട് ടിവി; 120 സെക്കന്റിൽ വിറ്റുതീർന്നു

Mi LED Smart TV 4A

രാജ്യത്തെ മുൻനിര സ്മാർട് ഫോൺ വിതരണ കമ്പനിയായ ഷവോമിയുടെ സ്മാർട് ടെലിവിഷനുകളും ചൂടപ്പം പോലെയാണ് വിറ്റുപോകുന്നത്. കൃത്യം ഒരു മാസം മുൻപ് ഇന്ത്യയിൽ തുടങ്ങിയ സ്മാർട് ടിവി വിൽപ്പനയിൽ ഷവോമി ബഹുദൂരം മുന്നേറിയിട്ടുണ്ട്. 55 ഇഞ്ച് മോഡൽ ടിവിയുടെ ഫ്ലാഷ് സെയിലുകൾ വൻ വിജയമായിരുന്നു. ഇതോടെയാണ് വിലകുറഞ്ഞ സ്മാർട് ടിവികളും ഷവോമി അവതരിപ്പിച്ചത്.

ഷവോമിയുടെ എംഐ ടിവി 4എയുടെ ആദ്യ ഫ്ലാഷ് സെയിലാണ് ചൊവ്വാഴ്ച ഉച്ചയ്ക്ക് 12ന് നടന്നത്. ഫ്ലിപ്കാർട്ട്, എംഐ ഡോട് കോം വഴി നടന്ന ഫ്ലാസ് സെയിലിൽ കേവലം 120 സെക്കന്റുകള്‍ക്കുള്ളിലാണ് എംഐ ടിവി 4എയുടെ 43, 32 ഇഞ്ച് വേരിയന്റുകൾ വിറ്റുപോയത്. 55 ഇഞ്ച് മോഡൽ ഉണ്ടായിരുന്നുവെങ്കിലും അതും ആദ്യ അഞ്ചു മിനിറ്റിൽ തന്നെ സ്റ്റോക്ക് തീർന്നു.

എംഐ ടിവി 4എയുടെ 32 ഇഞ്ച് വേരിയന്റിന്റ വില 13,999 രൂപയും എംഐ ടിവി 4എയുടെ 43 ഇഞ്ച് വേരിയന്റിന്റെ വില 22,999 രൂപയുമാണ്. ഇതോടൊപ്പം ജിയോയുടെ ജിയോഫൈ കണക്‌ഷനും 2,200 രൂപ ക്യാഷ് ബാക്ക് ഓഫറും നൽകുന്നുണ്ട്. അടുത്ത ഫ്ലാഷ് സെയിൽ മാർച്ച് 16ന് ഉച്ചയ്ക്ക് 12 നാണ്.

Tuesday, 6 March 2018

ജിയോ സൗജന്യമായി നല്‍കുന്നു, എല്ലാവര്‍ക്കും 10 ജിബി അധിക ഡാറ്റ

ബാഴ്സലോണയില്‍ അടുത്തിടെ അവസാനിച്ച മൊബൈല്‍ വേള്‍ഡ് കോണ്‍ഗ്രസില്‍ ബെസ്റ്റ് മൊബൈല്‍ വീഡിയോ കണ്ടന്റ് എന്ന പുരസ്‌കാരത്തിന് ജിയോ ടിവി ആപ്പ് അര്‍ഹമായതിന്റെ സന്തോഷവും ഈ സൗജന്യ ഡാറ്റാ ഓഫര്‍ നല്‍കുന്നതിന് കാരണമാണ്.
10GB free data for Reliance Jio users


വന്‍ വിലക്കുറവില്‍ സൗജന്യ ഡാറ്റ നല്‍കി ജനപ്രീതി നേടിയ ജിയോ വീണ്ടുമിതാ മറ്റൊരു സൗജന്യം കൂടി നല്‍കുന്നു. നിലവില്‍ ജിയോയുടെ ഡാറ്റാ പ്ലാന്‍ ഉപയോഗിക്കുന്ന എല്ലാ പ്രീപെയ്ഡ് ഉപയോക്താക്കള്‍ക്കും പത്ത് ജിബി ഡാറ്റ സൗജന്യമായി നല്‍കുകയാണ് കമ്പനി. പ്രധാനമായും ജിയോ ടിവി ഉപയോഗിക്കുന്നവരെ ലക്ഷ്യമിട്ടാണ് ഈ അധിക ഡാറ്റ നല്‍കുന്നത്.

ജിയോ ടിവിയ്ക്ക് വലിയ സ്വീകാര്യത ലഭിച്ചതും ഉപയോഗം വര്‍ധിച്ചതും പ്രതിദിനം ഉപയോഗിക്കാന്‍ കഴിയുന്ന ഡാറ്റാ പെട്ടന്ന് തന്നെ തീരുന്നതിന് കാരണമാകുന്നുണ്ട്. ഉപയോക്താക്കളുടെ ഈ ബുദ്ധിമുട്ട് പരിഹരിക്കുന്നതിനായാണ് അധിക ഡാറ്റ നല്‍കുന്നത്. ബാഴ്സലോണയില്‍ അടുത്തിടെ അവസാനിച്ച മൊബൈല്‍ വേള്‍ഡ് കോണ്‍ഗ്രസില്‍ ബെസ്റ്റ് മൊബൈല്‍ വീഡിയോ കണ്ടന്റ് എന്ന പുരസ്‌കാരത്തിന് ജിയോ ടിവി ആപ്പ് അര്‍ഹമായതിന്റെ സന്തോഷവും ഈ സൗജന്യ ഡാറ്റാ ഓഫര്‍ നല്‍കുന്നതിന് കാരണമാണ്.

ജിയോ ടിവി ഉപയോഗിക്കുന്നവര്‍ക്ക് മാത്രമാണ് ഈ ഓഫര്‍ ആക്റ്റീവ് ആവുക. അധിക ഡാറ്റ ലഭിക്കുവാന്‍ ഓഫറുകളും അക്കൗണ്ട് വിവരങ്ങളും അറിയാന്‍ സാധിക്കുന്ന ജിയോയുടെ 1991, 1299 എന്നീ ഐവിആര്‍ നമ്പറുകളിലേക്ക് വിളിക്കണം.

സൗജന്യ ഡാറ്റ ലഭിച്ചിട്ടുണ്ടോ എന്നറിയാന്‍ മൈ ജിയോ ആപ്പില്‍ മൈ പ്ലാന്‍സ് സെക്ഷന്‍ സന്ദര്‍ശിച്ചാല്‍ മതി. പ്ലാന്‍ വിവരങ്ങള്‍ക്ക് കീഴില്‍ ആഡ് ഓണ്‍ ഡാറ്റാ വിവരങ്ങള്‍ കാണാന്‍ സാധിക്കും.

ജിയോ ടിവി ഉപയോക്താക്കള്‍ക്ക് ഇനി അവരുടെ പ്രതിദിന ഡാറ്റ തീരുമെന്ന് ആശങ്കപ്പെടാതെ വീഡിയോ കാണാവുന്നതാണ്. മാര്‍ച്ച് അവസാനം വരെയാണ് ഓഫറിന് വാലിഡിറ്റി ഉണ്ടാവുക എന്നാണ് വിവരം. ജിയോ പ്രൈം സബ്‌സ്‌ക്രിപ്ഷന്‍ അവസാനിക്കുന്നതും മാര്‍ച്ച് 31 നാണ്.

583 ചാനലുകളാണ് ജിയോ ടിവി ആപ്പില്‍ ലഭ്യമാവുക. ഇതില്‍ 39 എണ്ണം വിവിധ ഇന്ത്യന്‍ ഭാഷകളിലുള്ള എച്ച്ഡി ചാനലുകളാണ്. ജിയോ ടിവിയുടെ ഇന്ത്യയിലെ മുഖ്യ എതിരാളികളിലൊന്ന് എയര്‍ടെല്‍ ടിവിയാണ്. സൗജന്യ ഓഫറുകളുമായി എയര്‍ടെല്‍ ടിവിയും മത്സരരംഗത്തുണ്ട്.

Saturday, 24 February 2018

വ്യാജ ഫെയ്‌സ്ബുക്ക് അക്കൗണ്ട് വഴി ആന്‍ഡ്രോയിഡ് മാല്‍വെയര്‍ പ്രചരിക്കുന്നു

വ്യാജ ഫെയ്‌സ്ബുക്ക് അക്കൗണ്ടുകള്‍ ഉണ്ടാക്കി സോഷ്യല്‍ എഞ്ചിനീയറിങ്ങിലൂടെ സ്‌പൈവെയര്‍ ഡൗണ്‍ലോഡ് ചെയ്യിക്കുകയാണ് ഈ ഹാക്കര്‍മാര്‍ ചെയ്യുന്നത്.
Designed by Freepik

ഫെയ്‌സ്ബുക്ക് വ്യാജ പ്രൊഫൈലുകള്‍ ഉപയോഗിച്ച് ആന്‍ഡ്രോയിഡ് ഫോണുകളില്‍ സൈബര്‍ ആക്രമണം നടത്തുന്നതായി കണ്ടെത്തല്‍. ടെപ്റ്റിങ് സെഡാര്‍ എന്ന് പേരിട്ടിരിക്കുന്ന ആന്‍ഡ്രോയിഡ് മാല്‍വെയറിന് പിന്നില്‍ ലബനീസ് ഹാക്കര്‍മാര്‍ ആണെന്ന് സൈബര്‍ സുരക്ഷാ സ്ഥാപനമായ അവാസ്റ്റിലെ ഗവേഷകര്‍ പറയുന്നു.

വ്യാജ ഫെയ്‌സ്ബുക്ക് അക്കൗണ്ടുകള്‍ ഉണ്ടാക്കി സോഷ്യല്‍ എഞ്ചിനീയറിങ്ങിലൂടെ സ്‌പൈവെയര്‍ ഡൗണ്‍ലോഡ് ചെയ്യിക്കുകയാണ് ഈ ഹാക്കര്‍മാര്‍ ചെയ്യുന്നത്.

ഇരകളാകുന്നവരുടെ ചിത്രങ്ങള്‍, കോണ്‍ടാക്റ്റുകള്‍, കോള്‍ ഹിസ്റ്ററി എന്നിവ ചോര്‍ത്താനും നിങ്ങളുടെ ആശയവനിമയത്തില്‍ നുഴഞ്ഞു കയറാനും ടെംറ്റിങ് സെഡാര്‍ സ്‌പൈ വെയറിന് സാധിക്കും. കൂടാതെ ഇരകളാകുന്നവരുടെ ലൊക്കേഷന്‍ തിരിച്ചറിയാനും പരിസരത്തുള്ള ശബ്ദങ്ങള്‍ റെക്കോഡ് ചെയ്യാനും ഈ വൈറസിനാവും.

ഈ സൈബര്‍ ആക്രമണ ശ്രമം കണ്ടെത്താന്‍ പ്രയാസമാണെന്നും. നിലവില്‍ ലഭ്യമായ വിവരങ്ങളനുസരിച്ച് ലബനീസ് ഹാക്കര്‍മാരാണ് ഇതിന് പിന്നിലെന്നുമാണ് കരുതുന്നതെന്നും അവാസ്റ്റ് ഗവേഷകര്‍ പറഞ്ഞു.

പ്രധാനമായും തൊഴില്‍ദിനങ്ങളിലാണ് ഹാക്കര്‍മാര്‍ സജീവമാകുന്നതെന്നും എന്നാല്‍ ശനിയാഴ്ചകളില്‍ വല്ലപ്പോഴും ഉണ്ടാവാറുണ്ടെന്നും അതേസമയം ഞായറാഴ്ചകളില്‍ ഹാക്കര്‍മാര്‍ പ്രവര്‍ത്തിക്കാറില്ലെന്നും ഗവേഷകര്‍ കണ്ടെത്തി. ഇതിന്റെ അടിസ്ഥാനത്തിലാണ് കിഴക്കന്‍ യൂറോപ്യന്‍, മധ്യപൂര്‍വേഷ്യന്‍ മേഖലയില്‍ നിന്നുള്ളവരാകാം എന്ന അനുമാനത്തിലെത്തിയത്.

2015 മുതല്‍ തന്നെ ടെംറ്റിങ് റഡാര്‍ സൈബര്‍ ആക്രമണം ഗവേഷകരുടെ നിരീക്ഷണത്തിലാണ്. സോഷ്യല്‍ മീഡിയ ഉപയോക്താക്കള്‍ എപ്പോഴും ആന്റി വൈറസ് ഉപയോഗിക്കാന്‍ ശ്രദ്ധിക്കണമെന്നും അപരിചിതമായ ഇടങ്ങളില്‍ നിന്നും ഒരു ഫയലുകളും ഡൗണ്‍ലോഡ് ചെയ്യരുതെന്നും അവാസ്റ്റ് മുന്നറിയിപ്പ് നല്‍കുന്നു.

Wednesday, 21 February 2018

രാജ്യത്തെ ഇന്റര്‍നെറ്റ് ഉപയോക്താക്കളുടെ എണ്ണം ഈ വര്‍ഷം 50 കോടി കവിയും

ഗ്രാമ പ്രദേശങ്ങളില്‍ മുന്‍വര്‍ഷത്തെ അപേക്ഷിച്ച് 14.11 ശതമാനം വളര്‍ച്ചയാണ് ഉണ്ടായത്. 2017 ഡിസംബറില്‍ 18.6 കോടി ഇന്റര്‍നെറ്റ് ഉപയോക്താക്കളാണ് ഗ്രാമ പ്രദേശങ്ങളിലുണ്ടായിരുന്നത്.


2018 ജൂണ്‍ മാസത്തോടെ ഇന്ത്യയിലെ ഇന്റര്‍നെറ്റ് ഉപയോക്താക്കളുടെ എണ്ണം 50 കോടി മറികടക്കുമെന്ന് ഇന്റര്‍നെറ്റ് ആന്റ് മൊബൈല്‍ അസോസിയേഷന്‍ ഓഫ് ഇന്ത്യയും (ഐ.എ.എം.എ.ഐ) മാര്‍ക്കറ്റ് റിസര്‍ച്ച് സ്ഥാപനമായ കന്റാര്‍ ഐ.എം.ആര്‍.ബിയും ചേര്‍ന്ന് പ്രസിദ്ധീകരിച്ച 'ഇന്റര്‍നെറ്റ് ഇന്‍ ഇന്ത്യ 2017' റിപ്പോര്‍ട്ട്. ഡിസംബറില്‍ ഇന്ത്യയിലെ ഇന്റര്‍നെറ്റ് ഉപയോക്താക്കളുടെ എണ്ണം 48.1 കോടിയെത്തിയിരുന്നു. 2016 ല്‍ നിന്നും 11.34 ശതമാനം വളര്‍ച്ചയാണ് ഇത്.

ഇന്ത്യയിലെ നഗരങ്ങളില്‍ 2016 ഡിസംബറില്‍ നിന്നും 9.66 ശതമാനം വളര്‍ച്ചയാണ് ഇന്റര്‍നെറ്റ് ഉപയോക്താക്കളുടെ എണ്ണത്തിലുണ്ടായത് . 29.5 കോടി ഉപയോക്താക്കളാണ് 2017 ഡിസംബറില്‍ ഉണ്ടായിരുന്നത്.

അതേസമയം ഗ്രാമങ്ങളിലെ ഇന്റര്‍നെറ്റ് ഉപയോക്താക്കളുടെ എണ്ണത്തില്‍ വലിയ വര്‍ധനവാണുണ്ടായിട്ടുള്ളത്. ഗ്രാമ പ്രദേശങ്ങളില്‍ മുന്‍വര്‍ഷത്തെ അപേക്ഷിച്ച് 14.11 ശതമാനം വളര്‍ച്ചയാണ് ഉണ്ടായത്. 2017 ഡിസംബറില്‍ 18.6 കോടി ഇന്റര്‍നെറ്റ് ഉപയോക്താക്കളാണ് ഗ്രാമ പ്രദേശങ്ങളിലുണ്ടായിരുന്നത്.

ഇന്റര്‍നെറ്റ് വ്യാപനത്തിന്റെ കാര്യമെടുക്കുമ്പോള്‍ 2017 ഡിസംബര്‍ വരെ നഗരങ്ങളില്‍ 64.84 ശതമാനവും ഗ്രാമങ്ങളില്‍ 20.26 ശതമാനവും വളര്‍ച്ചയാണുണള്ളത്. 2016 ല്‍ ഗ്രാമങ്ങളില്‍ ഇത് 18 ശതമാനവും നഗരങ്ങളില്‍ 60.6 ശതമാനവും ആയിരുന്നു.

ഇന്ത്യന്‍ നഗരങ്ങളിലെ 45.5 കോടി ജനങ്ങളില്‍ 29.5 കോടിയാളുകളും നിലവില്‍ ഇന്റര്‍നെറ്റ് ഉപയോഗിക്കുന്നവരാണെന്ന് റിപ്പോര്‍ട്ട് ചൂണ്ടിക്കാട്ടുന്നു. അതേസമയം 2011 ലെ സെന്‍സസ് അനുസരിച്ച് ഗ്രാമങ്ങളിലെ 91.18 കോടി ജനങ്ങളില്‍ 18.6 കോടി ഇന്റര്‍നെറ്റ് ഉപയോക്താക്കള്‍ മാത്രമാണുള്ളത്.

ഇന്റര്‍നെറ്റ് ഉപയോഗത്തിലെ സ്ത്രീ പുരുഷ അനുപാതം 64:36 ആണ്. 14.3 കോടി അഥവാ 30 ശതമാനം സ്ത്രീകളാണ് ഇന്റര്‍നെറ്റ് ഉപയോഗിക്കുന്നത്. സ്ത്രീകളുടെ എണ്ണത്തില്‍ മുന്‍വര്‍ഷത്തില്‍ നിന്നും സ്ഥിരമായ വളര്‍ച്ചയുണ്ടായിട്ടുണ്ടെന്നും റിപ്പോര്‍ട്ടില്‍ പറയുന്നു. ആകെ ഇന്റര്‍നെറ്റ് ഉപയോക്താക്കളില്‍ 60 ശതമാനവും യുവാക്കളും വിദ്യാര്‍ത്ഥികളുമാണെന്നും റിപ്പോര്‍ട്ട് ചൂണ്ടിക്കാണിക്കുന്നു.

Saturday, 17 February 2018

കെഎസ്ഇബി മീറ്ററിൽ വൻ മാറ്റം വരുന്നു, ഫ്യൂസ് ഇനി ഊരില്ല, പരിഹാരം റീചാർജ്

new-kseb-meter

കേരളത്തിലെ വൈദ്യുതി മീറ്ററുകൾ മാറ്റിസ്ഥാപിക്കാൻ നീക്കം നടക്കുന്നു. നിലവിലെ മീറ്ററുകളുടെ സ്ഥാനത്ത് അത്യാധുനിക ടെക്നോളജിയിൽ പ്രവർത്തിക്കുന്ന മീറ്ററുകള്‍ കൊണ്ടുവരും. വൈദ്യുതി ഉപയോഗം കുറയ്ക്കാനും മേഖലയിലെ തൊഴിൽ വെട്ടിച്ചുരുക്കാനും ഇതിലൂടെ സാധിക്കുമെന്നാണ് കരുതുന്നത്.

ഡിറ്റിഎച്ച് സംവിധാനം പോലെ റീചാർജ് ചെയ്യാവുന്ന മീറ്ററുകളാണ് വരിക. ആവശ്യത്തിന് തുക നേരത്തെ അടച്ച് റീചാർജ് ചെയ്യാം. റീചാർജ് തുക കഴിഞ്ഞാൽ ഫ്യൂസ് ഊരാനൊന്നും കെഎസ്ഇബിക്കാർ വരില്ലെന്ന് ചുരുക്കം. വീണ്ടും വൈദ്യുതി ലഭിക്കണമെങ്കിൽ ഉപഭോക്താവിന് നല്‍കുന്ന കാർഡ് റീചാർജ് ചെയ്യേണ്ടിവരും.

മൊബൈൽ ഫോൺ പോലെ തന്നെ വൈദ്യുതിയും ഉപയോഗിക്കേണ്ടി വരും. റീചാർജ് ചെയ്ത തുക തീർന്നു പോകുമെന്ന ഭയത്താൽ മിക്കവരും കുറച്ച് ഉപയോഗിക്കാൻ തുടങ്ങും. ഇതിനു പുറമെ മീറ്റർ റീഡർമാരുടെ തൊഴിലും ഒഴിവാക്കാനാകും. രാജ്യത്ത് നിരവധി സംസ്ഥാനങ്ങളിൽ പരീക്ഷിച്ച് വിജയിച്ച പദ്ധതിയാണിത്. കേരളത്തിലും ഇതിനായി ടെൻഡർ നടപടികൾ തുടങ്ങി കഴിഞ്ഞു.

ഓരോ ദിവസത്തെയും ഉപയോഗം സംബന്ധിച്ചുള്ള വ്യക്തമായ റിപ്പോർട്ടുകൾ ഉപഭോക്താവിന് നൽകും. ഇതിലൂടെ അനാവശ്യ ഉപയോഗങ്ങൾ കുറയ്ക്കാനും സാധിക്കും. അതേസമയം, 500 യൂണിറ്റിന് മുകളിൽ വൈദ്യുതി ഉപയോഗിക്കുന്നവർക്ക് റീചാർജ് മീറ്റർ മതിയെന്ന നിർദ്ദേശമുണ്ട്.

Sunday, 11 February 2018

സൈബർ യുദ്ധങ്ങളെ നേരിടാൻ‌ ഗൂഗിളിന് സ്വന്തം പടവാൾ, അതാണ് ക്രോണിക്കിൾ


ഗൂഗിളിന്റെ ഡേറ്റ സാഗരവും ഒപ്പം ആൽഫബെറ്റിന്റെ ആർട്ടിഫിഷ്യൽ ഇന്റലിജൻസ് മികവും ഉപയോഗിച്ച് ഒരു സൈബർ സുരക്ഷാ ഏജൻസി. ഗൂഗിളിന്റെ മാതൃസ്ഥാപനമായ ആൽഫബെറ്റിന്റെ കീഴിലെ എക്സ് ലാബ്‍സിൽ നിന്നുള്ള ഏറ്റവും പുതിയ സംരഭമാണ് ക്രോണിക്കിൾ എന്ന പേരിൽ അടുത്തിടെ പ്രവർത്തനം ആരംഭിച്ചത്.

സാധാരണ ആന്റിവൈറസ് കമ്പനികളെപ്പോലെയല്ല ക്രോണിക്കിൾ. സൈബർ ആക്രമണങ്ങൾ കുഴപ്പമുണ്ടാക്കും മുൻപേ തടയുക എന്നതാണ് ക്രോണിക്കിളിന്റെ ലക്ഷ്യം. വാനാക്രൈ ഉൾപ്പെടെ കഴിഞ്ഞ വർഷം ലോകത്ത് ഭീതി വിതച്ച സൈബർ ആക്രമണങ്ങളുടെ പശ്ചാത്തലത്തിലാണ് ബിഗ് ഡേറ്റ- ആർട്ടിഫിഷ്യൽ ഇന്റലിജൻസ് കരുത്തോടെ പുതിയ കമ്പനി ആൽഫബെറ്റ് അവതരിപ്പിച്ചിരിക്കുന്നത്.

വ്യക്തികൾക്ക് ഉപയോഗിക്കാവുന്ന ആന്റി വൈറസുകൾ നിർമിക്കുന്ന ഒരു കമ്പനിയല്ല ക്രോണിക്കിൾ. കോർപറേറ്റ് സ്ഥാപനങ്ങളിലെ കംപ്യൂട്ടർ നെറ്റ്‍വർക്കുകളെ സൈബർ ആക്രമണങ്ങളിൽ നിന്നു സംരക്ഷിക്കുകയാണ് ലക്ഷ്യം. കുറഞ്ഞ ചെലവിൽ സേവനം നൽകാനാണ് കമ്പനി ലക്ഷ്യമിടുന്നത്. വെബ്സൈറ്റ്: chronicle.security

Saturday, 3 February 2018

ഫെയ്സ്ബുക്കിന്റെ കാലം കഴിഞ്ഞു? ജനത്തിന് മടുത്തു, ചിലവഴിക്കുന്ന സമയവും കുറഞ്ഞു


ലോകത്തെ ഏറ്റവും വലിയ സാമൂഹ്യ മാധ്യമങ്ങളില്‍ ഒന്നായ ഫെയ്‌സ്ബുക്കില്‍ ആളുകള്‍ ചിലവഴിക്കുന്ന സമയം കുറഞ്ഞതായി കമ്പനി വെളിപ്പെടുത്തി. കണക്കു പ്രകാരം ഒരു ദിവസം ലോകമെമ്പാടും നിന്നുള്ള ഉപയോക്താക്കളുടെ കണക്കു നോക്കിയാല്‍ 50 ലക്ഷം മണിക്കൂര്‍ കുറച്ചാണ് ഫെയ്‌സ്ബുക്കില്‍ അവര്‍ അടുത്ത നാളുകളില്‍ ചിലവഴിച്ചിരിക്കുന്നത്. ഫെയ്‌സ്ബുക്കിന്റെ പുതിയ തീരുമാനങ്ങളാണ് ഇതിനു വഴിവച്ചിരിക്കുന്നതെന്നാണ് കരുതുന്നത്. സ്ഥിരമായി അൽഗോരിതം മാറ്റുന്നത് ഉപയോക്തക്കാളെ ബുദ്ധിമിട്ടിലാക്കുന്നുണ്ട്.

വാര്‍ത്ത പുറത്തു വിട്ടതോടെ ഫെയ്‌സ്ബുക്കിന്റെ ഓഹരികളുടെ വില നാലു ശതമാനം ഇടിഞ്ഞു. പക്ഷേ, താമസിയാതെ തിരിച്ചു കയറി. കഴിഞ്ഞ വര്‍ഷത്തെ അവസാന മൂന്നു മാസത്തെ ലാഭം 20 ഇരുപതു ശതമാനം (ഏകദേശം 4.26 ബില്ല്യന്‍ ഡോളര്‍) വര്‍ധിച്ചതായി കമ്പനി വെളിപ്പെടുത്തിയിരുന്നു. ഈ കാലയളവിൽ മൊത്തം വരുമാനം 13 ബില്ല്യന്‍ ഡോളർ ആണ്. ഫെയ്‌സ്ബുക്കിന്റെ ജോലിക്കാരുടെ എണ്ണവും വര്‍ധിച്ച് 25,105 ആയി.

എന്തായിരുന്നു ഫെയ്‌സ്ബുക് കൊണ്ടുവന്ന പ്രധാന മാറ്റം?

വൈറലായ വിഡിയോയും മറ്റും ഫെയ്‌സ്ബുക്കിലൂടെ ആവശ്യത്തിലധികം പ്രചാരം നല്‍കുന്നതു കുറയ്ക്കുകയാണ് അവര്‍ ചെയ്തത്. അതു മൂലമാണ് ഫെയ്‌സ്ബുക്കില്‍ ജനങ്ങൾ ചിലവഴിക്കുന്ന സമയം കുറഞ്ഞത്. ഇത്തരം കണ്ടെന്റിനു പകരം, ഉപയോക്താവിന്റെ സുഹൃത്തുക്കളും ബന്ധുക്കളുമായുള്ള സമ്പര്‍ക്കം വര്‍ധിപ്പിക്കാനാണ് കമ്പനി ശ്രമിക്കുന്നത്. താത്കാലികമായി ആളുകള്‍ ഫെയ്‌സ്ബുക്ക് ഉപയോഗിക്കുന്ന സമയം കുറഞ്ഞുവെങ്കിലും ഇത് കാലക്രമത്തില്‍ തങ്ങള്‍ക്ക് അനുകൂലമാകുമെന്നാണ് ഫെയ്സ്ബുക്ക് കരുതുന്നത്. കൂടുതല്‍ അര്‍ഥവത്തായ രീതിയില്‍ ആളുകളുടെ സമയം ചിലവഴിക്കാനാണ് തങ്ങള്‍ ഈ തീരുമാനം എടുത്തതെന്നാണ് കമ്പനി പറയുന്നത്. തെറ്റായ വാര്‍ത്തകള്‍ക്ക് തങ്ങളിലൂടെ ആവശ്യത്തിലധികം പ്രാധാന്യം കിട്ടുന്നതു തടയാനുമാകുമെന്നും അവര്‍ പറയുന്നു.

ഫാമിലി ആന്‍ഡ് ഫ്രെണ്‍ഡ്‌സിനു കൂടുതല്‍ ഊന്നല്‍ നല്‍കുന്നത് സമൂഹത്തിനും ഗുണകരമാകുമെന്നാണ് അവര്‍ പറയുന്നത്. താമസിയാതെ പ്രാദേശിക വാര്‍ത്തകള്‍ കൂടുതലായി എത്തിക്കാനും ഫെയ്‌സ്ബുക്ക് ശ്രമിക്കും. ഈ വര്‍ഷം ഫെയ്‌സ്ബുക്കിന്റെ പുതിയ കച്ചവട രീതികള്‍ കൂടുതല്‍ മികവുറ്റതാക്കാനുള്ള ശ്രമം അവര്‍ നടത്തും.

ഫെയ്‌സ്ബുക്കിന്റെ ഉടമസ്ഥതയിലുള്ള ഇന്‍സ്റ്റഗ്രാമിന്റെയും വാട്‌സാപ്പിന്റെയും പ്രവര്‍ത്തന രീതിയിലും ഈ വര്‍ഷം കാര്യമായ മാറ്റം കൊണ്ടുവന്നേക്കും. വെർച്വല്‍ റിയാലിറ്റി പ്ലാറ്റ്‌ഫോമിലുള്ള കമ്പനിയുടെ ഒക്ക്യുലസ് ഹാര്‍ഡ്‌വെയറിനും പുതുജീവന്‍ നല്‍കിയേക്കും

ഡിജിറ്റല്‍ പ്രൊഫൈലിങ്ങിലൂടെ ഉപയോക്താക്കളെക്കുറിച്ചുള്ള വിവരങ്ങള്‍ ശേഖരിച്ചു സൂക്ഷിക്കുന്നുവന്ന ഗുരുതരമായ ആരോപണം ഫെയ്‌സ്ബുക്ക്, ഗൂഗിള്‍ തുടങ്ങിയ കമ്പനികള്‍ക്കെതിരെ നിലനിര്‍ക്കുന്നുണ്ടെങ്കിലും ഇത്തരം കമ്പനികളുടെ ജനപ്രീതിയ്ക്ക് കാര്യമായ ഇടിവു തട്ടിയിട്ടില്ല.

Wednesday, 31 January 2018

സൂപ്പര്‍ ബ്ലഡ് ബ്ലൂ മൂണ്‍ ഇന്ന്


സൂപ്പര്‍ ബ്ലഡ് ബ്ലൂ മൂണ്‍ ഇന്ന് വൈകിട്ടോടെ ഭൂമിയില്‍ ദൃശ്യമാകും. മൂന്ന് അസാധാരണമായ ചാന്ദ്ര പ്രതിഭാസങ്ങള്‍ ഒത്തു വരുന്നു എന്നതാണ് ഇത്തവണത്തെ സൂപ്പര്‍ ബ്ലഡ് ബ്ലൂ മൂണിന്റെ പ്രത്യേകത. ബ്ലൂ മൂണ്‍, സൂപ്പര്‍ മൂണ്‍, ബ്ലഡ് മൂണ്‍ എന്നിവയാണ് ഒന്നിച്ചു വരിക. അത്യപൂര്‍വമായിട്ടേ ഇവ മൂന്നും ഒന്നിച്ചു സംഭവിക്കാറുള്ളു.

ഈ സമയം ചന്ദ്രന് സാധാരണ ഉള്ളതിനെക്കാള്‍ 14 ശതമാനം വലിപ്പവും 30 ശതമാനം തിളക്കവും കൂടുതലായിരിക്കും. ചന്ദ്രഗ്രഹണ സമയത്ത് ചന്ദ്രന്റെ വെളുത്ത പ്രതലം പതിയെ ഇളം ഓറഞ്ച് അല്ലെങ്കില്‍ ചുവന്ന നിറത്തിലേക്ക് മാറും. സൂര്യ രശ്മികളാണ് ഈ നിറം മാറ്റത്തിനു കാരണം. സൂര്യഗ്രഹണത്തില്‍ നിന്ന് വ്യത്യസ്തമായി ചന്ദ്രഗ്രഹണം നഗ്‌നനേത്രങ്ങള്‍ കൊണ്ട് കാണാനാകും.

മിഡില്‍ ഈസ്റ്റ്, ഏഷ്യ, റഷ്യ, ഓസ്‌ട്രേലിയ, ന്യൂസിലന്റ് എന്നിവിടങ്ങളില്‍ വൈകുന്നേരം ചന്ദ്രന്‍ ഉദിച്ചതിനു ശേഷം ഇത് ദൃശ്യമാകും.

Tuesday, 30 January 2018

3,999 രൂപയ്ക്ക് റെഡ്മി 5എ, 2ജിബി റാം, 8 ദിവസം ബാറ്ററി, ദേശ് കി സ്മാര്‍ട്ട്ഫോൺ

ചൈനീസ് സ്മാർട്ട്ഫോൺ നിർമാണ കമ്പനിയായ ഷവോമിയുടെ ഏറ്റവും പുതിയ, വിലകുറഞ്ഞ ഹാൻഡ്സെറ്റ് റെഡ്മി 5എയുടെ വില വീണ്ടും കുറച്ചു. ദേശ് കി സ്മാർട്ട്ഫോൺ എന്ന പേരിൽ അറിയപ്പെടുന്ന റെഡ്മി 5എ 3999 രൂപയ്ക്ക് ബിഗ് ബസാർ ഓഫ്‌ലൈൻ സ്റ്റോറുകളിൽ നിന്ന് വാങ്ങാം. റിപ്പബ്ലിക് ദിനത്തോടനുബന്ധിച്ച് 4,999 രൂപ വിലയുള്ള ഹാൻഡ്സെറ്റിന് ക്യാഷ്ബാക്ക്, ക്രെഡിറ്റ്, ഡെബിറ്റ് കാർഡ് ഇളവുകളും നൽകുന്നുണ്ട്. ജനുവരി 22 മുതൽ 28 വരെ ഓഫർ ലഭിക്കും.

2 ജിബി റാം, വിലയും തുച്ഛം

ഷവോമിയുടെ ഏറ്റവും പുതിയ സ്മാര്‍ട്ട്‌ഫോണ്‍ റെഡ്മി 5 എ ചൈനയിലാണ് ആദ്യം അവതരിപ്പിച്ചത്. മെറ്റല്‍ പോലെയുള്ള മാറ്റെ പ്രതലത്തിലുള്ള ബോഡിയാണ് ഈ ഫോണിന്. എന്നാല്‍ മെറ്റലിനേക്കാള്‍ ഭാരം കുറവാണ്. 137 ഗ്രാം മാത്രമാണ് റെഡ്മി 5 എയുടെ ഭാരം. റെഡ്മി 5 എയുടെ മറ്റൊരു സവിശേഷത ബാറ്ററി ലൈഫാണ്. ഒറ്റ ചാര്‍ജില്‍ എട്ടു ദിവസം വരെ ബാറ്ററി നില്‍ക്കുമെന്ന് കമ്പനി അവകാശപ്പെടുന്നു. മുന്‍ഗാമിയായ റെഡ്മി 4എയിലേത് പോലെ MIUI 9 അടിസ്ഥാനമാക്കി പ്രവര്‍ത്തിക്കുന്ന ഈ സ്മാര്‍ട്ട്‌ഫോണിന് ഫിംഗര്‍പ്രിന്റ്‌ സെന്‍സര്‍ ഇല്ല. അതേസമയം, ഡിസൈനില്‍ ചില മാറ്റങ്ങള്‍ വരുത്തിയിട്ടുണ്ട്.

ഷവോമി റെഡ്മി 5എയുടെ സവിശേഷതകള്‍
 
റെഡ്മി 4 എയുമായി താരതമ്യം ചെയ്യുമ്പോള്‍ റെഡ്മി 5എ വലിയ മാറ്റങ്ങളൊന്നും കൊണ്ടു വന്നിട്ടില്ല. 5 ഇഞ്ച്‌ എച്ച്ഡി (720x1280) ഡിസ്പ്ലേയോടെയാണ് റെഡ്മി 5 എ എത്തുന്നത്. ഡിസ്പ്ലേയുടെ പിക്സല്‍ ഡെന്‍സിറ്റി 296 പിപിഐയാണ്. 1.4 ജിഗാഹെട്സ് ക്വാഡ്-കോര്‍ ക്വല്‍കോം സ്നാപ്ഡ്രാഗണ്‍ 425 പ്രോസസറാണ് ഈ സ്മാര്‍ട്ട്‌ഫോണിന് കരുത്ത് പകരുന്നത്. 2 ജിബിയാണ് റാം. ഈ ഒരു വേരിയന്റ് മാത്രമാണ് ഇപ്പോള്‍ അവതരിപ്പിച്ചിരിക്കുന്നത്. കൂടുതല്‍ പതിപ്പുകള്‍ ഭാവിയില്‍ പ്രതീക്ഷിക്കാം. 16 ജിബി ഇന്‍ബില്‍റ്റ് സ്റ്റോറേജ് മൈക്രോ എസ്ഡി കാര്‍ഡ് വഴി 128 ജിബി വരെ വര്‍ധിപ്പിക്കാം. ഡുവല്‍ സിം റെഡ്മി 5എയുടെ ബാറ്ററി ശേഷി 3000 എംഎച്ചാണ്. റെഡ്മി 4 എയുമായി താരതമ്യം ചെയ്യുമ്പോള്‍ ബാറ്ററി ശേഷി കുറവാണ്.


13 മെഗാപിക്സല്‍ പിന്‍ക്യാമറയാണ് ഫോണിന് നല്‍കിയിരിക്കുന്നത്. ഇതിന് f/2.2 അപേര്‍ച്ചര്‍, ബേസ്റ്റ് മോഡ്, പനോരമ മോഡ്, എച്ച്ഡിആര്‍ മോഡ് തുടങ്ങിയവയുമുണ്ട്. മുന്നില്‍ f/2.0 അപേര്‍ച്ചര്‍ ലെന്‍സോടു കൂടിയ 5 മെഗാപിക്സല്‍ ക്യാമറയാണ് നല്‍കിയിരിക്കുന്നത്. ഇതില്‍ 1080p, 720p വിഡിയോകള്‍ റെക്കോര്‍ഡ്‌ ചെയ്യാന്‍ കഴിയും. 4ജി VoLTE, 3ജി, ജിപിആര്‍എസ്/എഡ്ജ്, ബ്ലൂടൂത്ത്, വൈ-ഫൈ, മൈക്രോ യുഎസ്ബി എന്നിയവാണ് റെഡ്മി 5എയിലെ കണക്ടിവിറ്റി സൗകര്യങ്ങള്‍. ഹൈബ്രിഡ് സിം സ്ലോട്ട് ഫോണില്‍ ഉള്‍പ്പെടുത്തിയിരിക്കുന്നത്.

ആന്‍ഡ്രോയ്ഡ് 7.1 അടിസ്ഥാനമാക്കിയ MIUI 9 ലാണ് റെഡ്മി 5എയിലാണ് പ്രവര്‍ത്തിക്കുന്നത്. സ്മാര്‍ട്ട്‌ അസിസ്റ്റന്റ്, സ്മാര്‍ട്ട്‌ ആപ് ലോഞ്ചര്‍, ഇമേജ് സേര്‍ച്ച്‌, ക്വിക് റിപ്ലൈ, നോട്ടിഫിക്കേഷന്‍ മാനെജ്മെന്റ്, ഹോംസ്ക്രീനിനെ മെച്ചപ്പെടുത്തലുകള്‍, ലോക്ക് സ്ക്രീനിലെ മാറ്റങ്ങള്‍, സ്പ്ളിറ്റ് സ്ക്രീന്‍ മള്‍ട്ടിടാസ്കിങ് എന്നിവ MIUI 9 ന്റെ സവിശേഷതകളാണ്.

ആപ്പിൾ ഇന്ത്യയിലെ തന്ത്രം മാറ്റുന്നു, ഐഫോൺ വിലയിൽ വൻ മാറ്റങ്ങൾ വരും


ഇന്ത്യയില്‍ ഐഫോണുകള്‍ക്ക് ടാക്‌സും എല്ലാം ചേര്‍ത്ത് നല്ല വിലയാണ് ഈടാക്കുന്നത്. ഫ്‌ളിപ്കാര്‍ട്ട്, ആമസോൺ പോലെയുള്ള ഓണ്‍ലൈന്‍ വിപണികളില്‍ ഇടയ്ക്കിടെ ലഭ്യമായിരുന്ന ഡിസ്‌കൗണ്ട് സെയിലുകളായിരുന്നു പുതിയ ഐഫോണ്‍ വാങ്ങണമെന്നുള്ളവര്‍ക്കുള്ള ഏക ആശ്വാസം. അതും താമസിയാതെ ഇല്ലാതായേക്കുമെന്നാണ് പുതിയ റിപ്പോർട്ട്. അതേസമയം, ഡിസ്‌കൗണ്ട് സെയിലുകള്‍ ഇല്ലാതാക്കാനുള്ള കാരണമാണ് ഏറ്റവും രസം.

ഇന്ത്യയിലെ പുതിയ ആപ്പിള്‍ മേധാവി മൈക്കിൾ കൊളംബിന്റെ ഭരണ പരിഷ്‌കാരങ്ങളാണ് ഈ പുതിയ സാഹചര്യത്തിനു വഴിവച്ചിരിക്കുന്നത്. വന്‍ ഓണ്‍ലൈന്‍ ഇളവുകള്‍ ഇല്ലാതാക്കി ആപ്പിളിന്റെ ഇന്ത്യയിലെ റീട്ടെയിൽ പാര്‍ട്ണര്‍മാരിലൂടെ ഐഫോണ്‍ വില്‍പ്പന തകൃതിയാക്കാനാണ് അദ്ദേഹത്തിന്റെ തീരുമാനം. അതുകൊണ്ട് വിതരണക്കാര്‍ക്കു നല്‍കിയിരുന്ന ലാഭം പകുതി വെട്ടിക്കുറച്ചു. ഇനി ഏകദേശം 1.7-2.5 ശതമാനം ലാഭമേ വിതരണക്കാര്‍ക്കു ലാഭം ലഭിക്കൂ. ഇത്ര നാളും വിതരണക്കാര്‍ക്ക്, സ്വന്തം ലാഭം അല്‍പ്പം വെട്ടിക്കുറച്ച് അവരുടെ വ്യാപാര പങ്കാളികള്‍ക്ക് ഡിസ്‌കൗണ്ടില്‍ ഐഫോണ്‍ വില്‍ക്കാന്‍ സാധിക്കുമായിരുന്നു. ഇനി വിതരണക്കാര്‍ക്ക് അതു ചെയ്യാന്‍ സാധ്യമായേക്കില്ല.

എന്നാല്‍, ഇന്ത്യയിലെ തങ്ങളുടെ ഫ്രാഞ്ചൈസികള്‍ക്ക് 4.5 മുതല്‍ 5.7 ശതമാനം വരെ മാര്‍ജിന്‍ വര്‍ധിപ്പിക്കാനും തീരുമാനം ആയിട്ടുണ്ട്. ആപ്പിളിന്റെ ഇന്ത്യയിലെ പുതിയ മേധാവി ആപ്പിള്‍ ഔട്‌ലറ്റുകളിലൂടെയുള്ള വില്‍പ്പന പ്രോത്സാഹിപ്പിക്കാനാണ് ശ്രമിക്കുന്നത്.

അതേസമയം, ആപ്പിളിന് ഇന്ത്യയില്‍ അവരുടെ സാന്നിധ്യം വര്‍ധിപ്പിക്കാന്‍ താത്പര്യവും ഉണ്ട്. 2020ല്‍ അല്ലെങ്കില്‍ 2021ലെങ്കിലും തങ്ങളുടെ സ്വന്തം ഔട്‌ലറ്റുകള്‍ സ്ഥാപിക്കാനാണ് കമ്പനി ശ്രമിക്കുന്നതത്രെ.

ഓണ്‍ലൈന്‍ ആയാലും ഓഫ്‌ലൈന്‍ വഴിക്കും വില്‍പ്പന കൂടുന്നതു നല്ലതല്ലെ? പിന്നെ എന്താണ് പ്രശ്‌നം. പുതിയ ആപ്പിള്‍ മേധാവി പറയുന്നത് ഓണ്‍ലൈന്‍ കമ്പനികള്‍ വകതിരിവില്ലാതെ തങ്ങളുടെ ഉപകരണങ്ങള്‍ക്കു ഡിസ്‌കൗണ്ട് നല്‍കുന്നത് ആപ്പിളിന്റെ ബ്രാന്‍ഡ് ഇമേജിനു നല്ലതല്ലത്രെ!

ഇന്ത്യയില്‍ ഓണ്‍ലൈനിലൂടെയാണ് പകുതിയിലേറെ ഐഫോണുകളും ചിലവാകുന്നത്. ഇതില്‍ കൂടുതലും ഓണ്‍ലൈന്‍ കമ്പനികള്‍ നടത്തുന്ന ഡിസ്‌കൗണ്ട് മേളകളിലുടെയാണ്.
ഇന്ത്യയില്‍ ഓണ്‍ലൈനിലൂടെയാണ് പകുതിയിലേറെ ഐഫോണുകളും ചിലവാകുന്നത്. ഇതില്‍ കൂടുതലും ഓണ്‍ലൈന്‍ കമ്പനികള്...

Read more at: http://www.manoramaonline.com/technology/mobiles/2018/01/30/iphone-sales-in-india.html

നിക്കോണ്‍ ഫുള്‍ ഫ്രെയിം മിറര്‍ലെസ് ക്യാമറ അണിയറയില്‍


ക്യാമറാ നിര്‍മാണത്തിലെ അതികായകരായ നിക്കോണും ക്യാനനും മിറര്‍ലെസ് ക്യാമറ നിര്‍മാണത്തില്‍ ഇതു വരെ അത്ര താത്പര്യം എടുത്തിരുന്നില്ല. ക്യാനന്റെ EOS M സീരിസ് ഒരു APS-C സെന്‍സറുള്ള ക്യാമറയായിരുന്നു. നിക്കോണ്‍ CX മൗണ്ടിലിറക്കിയ നിക്കോണ്‍ 1 മോഡലുകള്‍ 1'' വലിപ്പമുള്ള സെന്‍സറുകളെയാണ് ആശ്രയിച്ചത്. ഇവ രണ്ടും പ്രൊഫെഷണലുകളുടെ ശ്രദ്ധ പിടിച്ചുപറ്റാനുതകുന്നവ ആയിരുന്നില്ല.

എന്നാല്‍, കഴിഞ്ഞ വര്‍ഷം നിക്കോണും ക്യാനനും തങ്ങള്‍ ഗൗരവമുള്ള മിറര്‍ലെസ് ക്യാമറകള്‍ ഇറക്കുമെന്ന് അറിയിച്ചിരുന്നു. ക്യാനന്റെ മോഡലിനെ കുറിച്ച് കൂടുതല്‍ വിവരമൊന്നുമില്ല. കഴിഞ്ഞ വര്‍ഷം കേട്ടത് 2018 അവസാനമോ 2019 ആദ്യമോ അവര്‍ മിറര്‍ലെസ് ക്യാമറ ഇറക്കുമെന്നാണ്. എന്നാല്‍ നിക്കോണ്‍ മിറര്‍ലെസ് ക്യാമറാ നിര്‍മാണം ഗൗരവത്തില്‍ എടുത്തിരിക്കുന്നുവെന്നും അവര്‍ പണി തുടങ്ങിക്കഴിഞ്ഞു എന്നുമാണ് പുതിയ വാര്‍ത്തകള്‍.

എന്താണ് മിറര്‍ലെസ് ക്യാമറ?

DSLR കളുടെ മധ്യത്തില്‍ ഒരു കണ്ണാടി (മിറര്‍) പിടിപ്പിച്ചിട്ടുണ്ട്. ലെന്‍സില്‍ പ്രവേശിക്കുന്ന പ്രകാശം (കാഴ്ച) ചെരിച്ചു പിടിപ്പിച്ചിരിക്കുന്ന ഈ കണ്ണാടിയില്‍ തട്ടി പ്രതിഫലിച്ച് മുകളില്‍ വച്ചിരിക്കുന്ന പ്രിസത്തിലെത്തുന്നു. അതാണ് ഒരു DSLRന്റെ വ്യൂഫൈന്‍ഡറിലൂടെ നോക്കുമ്പോള്‍ ഫോട്ടോഗ്രാഫര്‍ കാണുന്നത്. ഈ സെറ്റ്-അപിനെ മിറര്‍ ബോക്‌സ് എന്നു വിളിക്കുന്നു. ഈ മിറര്‍ ബോക്‌സ് പൂര്‍ണ്ണമായും എടുത്തു കളഞ്ഞാല്‍ ക്യാമറാ ബോഡിയുടെ വലിപ്പം കുറയ്ക്കാനാകും. സോണിയും മറ്റും ഈ കാര്യത്തല്‍ മികവു കാട്ടിക്കഴിഞ്ഞു. മിര്‍ലെസ് ക്യാമറകളില്‍ ഫോട്ടോഗ്രാഫര്‍ക്ക് ഇലക്ട്രോണിക് വ്യൂഫൈന്‍ഡറുകളെയും എല്‍സിഡി സ്‌ക്രീനിനെയും ഉപയോഗിച്ചാണ് സബ്ജക്ടിനെ കാണാനാകുന്നത്.

DSLRല്‍ നിന്ന് മിര്‍ലെസ് ക്യാമറയിലേക്കു മാറുമ്പോഴുള്ള ഒരു പ്രധാന പ്രശ്‌നം മൗണ്ട് നിര്‍മാണമാണ്. നിക്കോണിന്റെ വിശ്രുതമായ F മൗണ്ട്, എൻജിനീയറിങ് അദ്ഭുതങ്ങള്‍ നടന്നില്ലെങ്കില്‍, (ഇതിനു തീരെ സാധ്യത ഇല്ല) മിറര്‍ലെസ് ക്യാമറയ്ക്ക് ഉപയോഗിക്കാനാവില്ല. അതുകൊണ്ട് നിലവിലുള്ള ഒരു ലെന്‍സും മിറര്‍ലെസ് ക്യാമറയില്‍ സ്വാഭാവികമായി പിടിപ്പിക്കാനായേക്കില്ല. നിക്കോണ്‍ പുതിയ മൗണ്ട് സൃഷ്ടിച്ചിരിക്കുന്നു എന്നാണ് പുറത്തു വരുന്ന വാര്‍ത്തകള്‍. ഇതിന്റെ പേര്‍ Z എന്നായിരിക്കാം. ഈ പേര് താത്കാലികമാകാനും വഴിയുണ്ട്. നേരത്തെ പറഞ്ഞതു പോലെ, ഈ മൗണ്ടിലേക്ക് നിലവിലുള്ള ഒരു DSLR ലെന്‍സും പിടിപ്പിക്കാനായേക്കില്ല എങ്കിലും അഡാപ്റ്ററിലൂടെ ഇവ പിടിപ്പിക്കാന്‍ സാധിക്കുമെന്ന കാര്യം ഉറപ്പാണ്. പക്ഷേ, അഡാപ്റ്റര്‍ എന്ന ഏച്ചു കെട്ട് ഇവിടെയുണ്ടാകും.

മറ്റൊരു കേട്ടുകേള്‍വി, നിക്കോണ്‍ ആദ്യം ഫുള്‍ ഫ്രെയിം ക്യാമറ ആയിരിക്കില്ല മറിച്ച് ഒരു APS-C ക്യാമറയായിരിക്കും ആദ്യം ടെസ്റ്റ് ചെയ്യാന്‍ ഇറക്കുക എന്നതാണ്. പക്ഷേ, കൂടുതല്‍ പേരും വിശ്വസിക്കുന്നത് നിക്കോണ്‍ ഒരു ഫുള്‍ ഫ്രെയിം ക്യാമറയ്ക്കു മേലാണ് കേന്ദ്രീകരിച്ചിരിക്കുന്നത് എന്നാണ്. ഈ വര്‍ഷം ക്യാമറ പുറത്തെത്തുമെന്നു കരുതുന്നു.

Saturday, 20 January 2018

വാട്സാപ്പ് ബിസിനസ് ആപ്പ് പുറത്തിറങ്ങി, എല്ലാം ഫ്രീ, തുടക്കം ആൻഡ്രോയ്ഡിൽ


മുൻനിര സോഷ്യൽ നെറ്റ്‌വർക്കിങ് കമ്പനിയായ ഫെയ്സ്ബുക്കിനു കീഴിലുള്ള വാട്സാപ്പിന്റെ പുതിയ പദ്ധതിക്ക് തുടക്കമായി. 'വാട്സാപ്പ് ഫോർ ബിസിനസ്' എന്ന ആശയം നടപ്പില്‍ വരുത്താനായി നിരവധി വര്‍ഷമായി പ്രവര്‍ത്തിക്കുകയായിരുന്നു കമ്പനി. ഇതിന്റെ പ്രാരംഭ പദ്ധതിയ്ക്കുള്ള ആപ്പാണ് കഴിഞ്ഞ ദിവസം അവതരിപ്പിച്ചത്.

ചെറുകിട, ഇടത്തരം ഉപഭോക്താക്കളെ ലക്ഷ്യമിട്ടാണ് വാട്സാപ്പ് ബിസിനസ് ആപ്പിന്റെ പ്രാരംഭ പദ്ധതി. കഴിഞ്ഞ വർഷം സെപ്റ്റംബറിലാണ് പദ്ധതി ഔദ്യോഗികമായി അവതരിപ്പിക്കുന്നത്. തുടർന്ന് നിരവധി പരീക്ഷണങ്ങൾക്കും നിരീക്ഷണങ്ങൾക്കും വിധേയമാക്കിയതിനു ശേഷമാണ് വാട്സാപ്പ് ബിസിനസ് ആപ്പിന്റെ ചെറിയ പതിപ്പ് പുറത്തിറക്കിയിരിക്കുന്നത്.

ബുക്ക് മൈഷോ, മെയ്ക്ക് മൈ ട്രിപ് എന്നീ കമ്പനികളുമായി സഹകരിച്ചാണ് ഇന്ത്യയിലെ പരീക്ഷണങ്ങൾ പൂർത്തിയാക്കിയത്. എന്നാൽ വാട്സാപ്പ് ബിസിനസ് ആപ്പിന്റെ ആൻഡ്രോയ്ഡ് പതിപ്പ് മാത്രമാണ് ഇപ്പോൾ പുറത്തിറക്കിയിരിക്കുന്നത്. ഗൂഗിൾ പ്ലേസ്റ്റോറിൽ നിന്ന് സൗജന്യമായി ഡൗൺലോഡ് ചെയ്യാം. നിലവിൽ ഇന്തൊനീഷ്യ, ഇറ്റലി, മെക്സികോ, ബ്രിട്ടൺ, യുഎസ് എന്നിവിടങ്ങളിൽ മാത്രമാണ് വാട്സാപ്പ് ബിസിനസ് ആപ്പ് ഉപയോഗിക്കാൻ സാധിക്കുക. വൈകാതെ ഇന്ത്യ ഉൾപ്പടെയുള്ള രാജ്യങ്ങളിൽ വാട്സാപ്പ് ബിസിനസ് ആപ്പ് ലഭിക്കുമെന്നാണ് കരുതുന്നത്. ആൻഡ്രോയ്ഡിന് പുറമെ ഐഒഎസ് പതിപ്പ് കൂടി വരും.

ചെറുകിട കമ്പനികൾക്ക് അവരുടെ ഉപഭോക്താക്കളുമായുള്ള ഇടപാടുകൾ എളുപ്പമാക്കുന്നതിന് വാട്സാപ്പ് ബിസിനസ് ആപ്പ് സഹായിക്കും. കൂടാതെ വാട്സാപ്പിലെ 1.3 ബില്ല്യൻ ഉപയോക്താക്കളുമായി ആശയവിനിമയം നടത്താനും ബിസിനസ് ആപ്പ് വഴി സാധിക്കും. ബിസിനസ് വിവരണം, ഇമെയിൽ അല്ലെങ്കിൽ സ്റ്റോർ വിലാസങ്ങൾ, വെബ്സൈറ്റ് എന്നിവ പോലുള്ള ഉപയോഗപ്രദമായ വിവരങ്ങൾ ഉപയോക്താക്കൾക്ക് കൈമാറാൻ ഈ ആപ്ലിക്കേഷൻ സഹായിക്കും.

വാട്സാപ്പ് ബിസിനസ് ആപ്പിലെ സ്മാർട് മെസേജിങ് ടൂളുകൾ ഉപയോഗിച്ച് ഉപഭോക്താക്കളുമായി പെട്ടെന്ന് സംവദിക്കാൻ സാധിക്കും. ഇതിലൂടെ സമയം ലാഭിക്കാം. പതിവായി ചോദിക്കുന്ന ചോദ്യങ്ങൾക്ക് വേഗത്തിൽ മറുപടി നൽകാം, ബിസിനസ് സംബന്ധിച്ച് ഉപഭോക്താക്കളെ പരിചയപ്പെടുത്തുന്ന സന്ദേശങ്ങൾ അയക്കാം, നിങ്ങൾ തിരക്കിലാണെന്ന് അറിയിക്കുന്ന സന്ദേശങ്ങൾ കൈമാറാം. തുടങ്ങി എല്ലാ ഫീച്ചറുകളും വാട്സാപ്പ് ബിസിനസ് ആപ്പിലുണ്ട്. അതേസമയം, ശല്യമായ മെസേജുകള്‍ ബ്ലോക്ക് ചെയ്യാനും വാട്സാപ്പ് ഉപയോക്താക്കൾക്ക് അവസരമുണ്ട്.

പത്തോ അതില്‍ കുറവോ ആളുകള്‍ ജോലിക്കാരായുള്ള ചെറിയ കമ്പനികള്‍ക്ക് അവരുടെ ബിസിനസ് മാനേജ് ചെയ്യുന്നതിന് വേണ്ടിയും ഈ ആപ്പ് ഉപയോഗിക്കാം. എജന്റുകള്‍ക്കും ഉപഭോക്താക്കള്‍ക്കും ഒരേപോലെ പ്രയോജനപ്രദം. ഡോക്ടര്‍മാര്‍ മുതല്‍ ചെറുകിട കച്ചവടക്കാര്‍ വരെ എല്ലാവരും ഇപ്പോള്‍ അവരവരുടെ ഉപഭോക്താക്കളെ നിയന്ത്രിക്കാനായി വാട്‌സാപ്പ് ഉപയോഗിക്കുന്നുണ്ട്. തികച്ചും ഔദ്യോഗികമായ ഒരു ഇമെയിലില്‍ സംസാരിക്കുന്നതിനു പകരം വാട്‌സാപ്പില്‍ സംസാരിക്കാമെന്ന് ചുരുക്കം.

വാട്സാപ്പ് ബിസിനസ് ആപ്പ് എന്താണ്?

ചെറുകിട, ഇടത്തരം കച്ചവടക്കാർക്ക് അവരുടെ ഉപഭോക്താക്കളുമായി ആശയവിനിമയം നടത്തുന്നതിന് സഹായിക്കുന്നതാണ് വാട്സാപ്പ് ബിസിനസ് ആപ്പ്.

വാട്സാപ്പ് ബിസിനസ് ആപ്പ് ലോഗോ

വാട്സാപ്പ് ബിസിനസ് ആപ്പിന്റെ ലോഗോയിൽ ഒരു 'B' കാണിക്കും. വാട്സാപ്പ് ഉപയോക്താക്കൾക്ക് പെട്ടെന്ന് മനസ്സിലാക്കാൻ വേണ്ടിയാണ് ബി ലോഗോ ചേർത്തിരിക്കുന്നത്. മെസേജ് വരുമ്പോൾ തന്നെ ബിസിനസ് സന്ദേശം ആണെന്ന് മനസ്സിലാക്കാം.

വെരിഫൈഡ് പ്രൊഫൈലുകൾ, പെട്ടെന്ന് മറുപടി

വാട്സാപ്പ് മെസഞ്ചറിൽ തന്നെ കൂടുതൽ ഫീച്ചറുകൾ അതാണ് വാട്സാപ്പ് ബിസിനസ് ആപ്പ്. കൂടുതൽ ഫീച്ചറുകൾ ഉൾപ്പെടുത്തിയിട്ടുണ്ട്. ശേഷിക്കുന്ന ഫീച്ചറുകളെല്ലാം പഴയ വാട്സാപ്പിനു സമാനമാണ്. പെട്ടെന്നുള്ള മറുപടികൾ, ഗ്രീറ്റിങ് സന്ദേശങ്ങൾ, ബിസിനസ് വിവരങ്ങൾ, മറ്റു വിവരങ്ങൾ എല്ലാം അറിയിക്കാനാകും. വെരിഫൈഡ് പ്രൊഫൈലുകൾക്ക് മാത്രമാണ് വാട്സാപ്പ് ബിസിനസ് അക്കൗണ്ട് ഉപയോഗിക്കാൻ സാധിക്കുക.

ബുക്ക്മൈ ഷോ, മെയ്ക് മൈ ട്രിപ് എന്നിവർ പരീക്ഷിച്ചു

കഴിഞ്ഞ വർഷം സെപ്റ്റംബറിൽ തുടങ്ങിയ വാട്സാപ്പ് ബിസിനസ് ആപ്പിന്റെ പൈലറ്റ് പ്രോഗ്രാം ഇന്ത്യയിലും പൂർ‌ത്തിയാക്കി. ബുക്ക് മൈ ഷോയും മെയ്ക് മൈ ട്രിപ്പും വാട്സാപ്പ് ബിസിനസ് ബീറ്റാ പതിപ്പ് ഉപയോഗിച്ച് ഈ ഫീച്ചർ പരിശോധിച്ചു.

ആൻഡ്രോയ്ഡിൽ മാത്രം

വാട്സാപ്പ് ബിസിനസ് ആപ്പ് നിലവിൽ ആൻഡ്രോയ്ഡ് ഉപയോക്താക്കൾക്ക് മാത്രമേ ലഭ്യമാകൂ. അതേസമയം, മറ്റ് പ്ലാറ്റ്ഫോമുകളിലേക്ക് ആപ്ലിക്കേഷൻ പരീക്ഷണത്തിലാണ്. എന്നാൽ എന്ന് വരുമെന്ന് വാട്സാപ്പ് അറിയിച്ചിട്ടില്ല.

വാട്സാപ്പ് ബിസിനസ് ആപ്പ് ഫ്രീ

വാട്സാപ്പ് ബിസിനസ് ആപ്പ് പ്രാരംഭ പദ്ധതി പൂർണമായും സൗജന്യമാണ്. ആപ്ലിക്കേഷൻ ഗൂഗിൾ പ്ലേ സ്റ്റോറിൽ നിന്ന് സൗജന്യമായി ഡൗൺലോഡ് ചെയ്യാം. ഒപ്പം നിയന്ത്രിത ഉള്ളടക്കമോ ഫീച്ചറുകളിലോ ആക്സസ് ചെയ്യുന്നതിന് പണം നൽകേണ്ടതില്ല.

Friday, 19 January 2018

ഫെയ്സ്ബുക്ക് പോസ്റ്റ് ചതിച്ചു, മണിക്കൂറുകൾക്കുള്ളിൽ നഷ്ടമായത് 14,584 കോടി രൂപ!


ലോകത്തെ ഒന്നടങ്കം മാറ്റിമറിക്കാൻ ശേഷിയുള്ള സോഷ്യൽമീഡിയ കമ്പനിയാണ് ഫെയ്സ്ബുക്ക്. ഫെയ്സ്ബുക്കിന്റെ ഓരോ നീക്കങ്ങളും ടെക് ലോകവും വിപണിയും വലിയ പ്രാധാന്യത്തോടെയാണ് ശ്രദ്ധിക്കുന്നത്. ഇതിനു വ്യക്തമായ തെളിവാണ് കഴിഞ്ഞ ദിവസത്തെ സക്കർബർഗിന്റെ ഫെയ്സ്ബുക്ക് പോസ്റ്റും വിപണിയിലെ അനന്തരഫലങ്ങളും.

ഫെയ്സ്ബുക്കിൽ കാലാനുസൃതമായ മാറ്റങ്ങൾ വരുത്തുമെന്നു സൂചന നൽകി മാർക്ക് സക്കർബർഗിന്റെ ഫെയ്സ്ബുക് പോസ്റ്റ് വന്നതോടെ മണിക്കൂറുകൾക്കുള്ളിൽ തന്നെ വിപണി തകർന്നു. ഫെയ്സ്ബുക്കിന്റെ ഓഹരി കുത്തനെ ഇടിഞ്ഞു. 2300 കോടി ഡോളര്‍ ( ഏകദേശം 14,584 കോടി രൂപ) നഷ്ടം നേരിട്ടെന്നാണ് രാജ്യന്തര മാധ്യമങ്ങള്‍ റിപ്പോർട്ട് ചെയ്തത്.

‌ഫെയ്സ്ബുക്കിൽ സാധാരണമായി മാറിയ പരസ്യങ്ങൾക്കും മറ്റു പ്രമോഷനൽ പ്രവർത്തനങ്ങൾക്കും തടയിടുമെന്ന സൂചനയാണ് പോസ്റ്റിലുണ്ടായിരുന്നു. ന്യൂസ് ഫീഡിന്റെ പരിഷ്കരണം ഉടനുണ്ടാകുമെന്നു സക്കർബർഗ് തുറന്നു പറഞ്ഞു. ഫീഡിൽ പരസ്യങ്ങൾ, പൊതുവായുള്ള ഉള്ളടക്കങ്ങൾ എന്നിവ കുറച്ച് ഉപയോക്താവിന്റെ കൂട്ടുകാർ, കുടുംബാംഗങ്ങൾ എന്നിവരുടെ പോസ്റ്റുകൾ ഫീഡിൽ കൂടുതൽ കൊണ്ടുവരാനാണ് നീക്കം. എന്നാൽ ഈ പ്രഖ്യാപനം വിപണിക്ക് അത്ര പിടിച്ചില്ല.

ആളുകൾ തമ്മിൽ കൂടുതൽ കാമ്പുള്ള ആശയവിനിമയം ഇതിലൂ‍ടെ കൈവരിക്കുമെന്നും അദ്ദേഹം പറയുന്നു. കുത്തഴിഞ്ഞ രീതിയിൽ ന്യൂസ്ഫീഡുകൾ പരസ്യങ്ങൾ, പൊതുപേജുകൾ എന്നിവയിലെ ഉള്ളടക്കങ്ങൾ കൊണ്ടു നിറഞ്ഞതായി വ്യാപകമായ പരാതിയുണ്ട്. ഇതിന്റെ പശ്ചാത്തലത്തിലാണ് പുതിയ നടപടി. ‘ഈ പരിഷ്കരണങ്ങളിലൂടെ ഫെയ്സ്ബുക്കിൽ ആളുകൾ ചെലവഴിക്കുന്ന സമയം കുറഞ്ഞേക്കാം. എന്നാൽ, ആ സമയം ശരിയായ രീതിയിൽ വിനിയോഗിക്കപ്പെടും. ദീർഘകാലാടിസ്ഥാനത്തിൽ അതു ഗുണം ചെയ്യുമെന്നും’– പോസ്റ്റ് പറയുന്നു.

Sunday, 14 January 2018

വാട്‌സാപ്പ് ഗ്രൂപ്പുകളിൽ ‌സുരക്ഷയില്ല, രഹസ്യങ്ങൾ ചോരുന്നു, ആളെ ചേർക്കാൻ അഡ്മിൻ വേണ്ട!


ജനപ്രിയ സോഷ്യൽമീഡിയ ആപ്ലിക്കേഷനായ വാട്സാപ്പിന്റെ ഗ്രൂപ്പുകളിൽ വൻ സുരക്ഷാ വീഴ്ച. വാട്സാപ്പ് ഗ്രൂപ്പുകളിൽ അഡ്മിന്റെ അനുവാദം ചോദിക്കാതെ മറ്റുള്ളവരെ പ്രവേശിപ്പിക്കാമെന്ന കണ്ടുപിടിത്തം നടത്തിയത് ഒരുകൂട്ടം ജര്‍മന്‍ ക്രിപ്‌ടോഗ്രാഫര്‍മാരാണ്. സ്വകാര്യത ഉറപ്പാക്കുന്നതാണ് ഇത്തരം ഗ്രൂപ്പുകള്‍ എന്നാണ് പറഞ്ഞിരുന്നതെങ്കിലും ഗ്രൂപ്പുകളിലേക്ക് ആളുകള്‍ക്ക് നുഴഞ്ഞു കയറാം.

ആപ്പിന്റെ സെര്‍വറുകള്‍ നിയന്ത്രിക്കുന്നവര്‍ക്ക് ഏതു സ്വകാര്യ ചാറ്റ് ഗ്രൂപ്പുകളിലേക്കും ആളുകളെ അഡ്മിന്റെ അനുവാദം വാങ്ങാതെ തിരുകിക്കയറ്റാനാകും എന്നാണ് കണ്ടെത്തല്‍. ഇതോടെ ആ ഗ്രൂപ്പിന്റെ സ്വകാര്യത നഷ്ടമാകും. അഡ്മിനു മാത്രമേ പുതിയ അംഗങ്ങളെ ക്ഷണിക്കാനാകൂ എന്നാണ് വാട്സാപ്പ് പറയുന്നത്. എന്നാല്‍, അതിന് നിലവിലുള്ള ഒതന്റിക്കേഷന്‍ കബളിപ്പിക്കാവുന്ന ഒന്നാണെന്നാണ് ഗവേഷകര്‍ പറയുന്നത്.

നുഴഞ്ഞു കയറുന്ന ആള്‍ക്ക് ഗ്രൂപ്പിലെ എല്ലാവരുടെയും സീക്രട്ട് കീ ഓട്ടോമാറ്റിക് ആയി ഷെയര്‍ ചെയ്യപ്പെടും. അയാള്‍ എത്തുന്നതിനു ശേഷമുള്ള ഓരോ മെസേജും അയാള്‍ക്കും ലഭ്യമാകും. പക്ഷേ, ഇതിനു മുൻപുള്ള സന്ദേശങ്ങള്‍ അയാള്‍ക്കു വായിക്കാനാവില്ലെന്നും ഗവേഷകര്‍ ചൂണ്ടിക്കാണിക്കുന്നു. വാട്‌സാപ്പ് സെര്‍വര്‍ നിയന്ത്രണത്തിലാക്കുന്നയാള്‍ക്ക് ഗ്രൂപ്പിലെ മെസേജുകള്‍ ബ്ലോക്കു ചെയ്യാനും കഴിയും. മെസേജുകളെല്ലാം ക്യാഷ് (cache) ചെയ്ത ശേഷം അവയില്‍ ഏതൊക്കെ, ആര്‍ക്കൊക്കെ അയയ്ക്കണമെന്ന് തീരുമാനിക്കാമെന്നും അവര്‍ പറയുന്നു.

വാട്‌സാപ്പ് വക്താവ് ഈ കണ്ടെത്തല്‍ ശരിവച്ചെങ്കിലും പുതിയ അംഗം ഗ്രൂപ്പിലെത്തുമ്പോള്‍ മറ്റുള്ളവര്‍ അറിയും. ഈ ബഗ് പരിഹരിക്കാന്‍ നടപടികളെടുക്കില്ലെന്നും അറിയിച്ചു. കാരണം ഇപ്പോള്‍ ഇതു ശരിയാക്കണമെങ്കില്‍ ഇന്‍വൈറ്റ് ലിങ്കുകള്‍ (invite links) വിച്ഛേദിക്കണം. പക്ഷേ, അത് ദിവസവും ലക്ഷക്കണക്കിന് ആളുകള്‍ ഉപയോഗിക്കുന്നതാണ് എന്നതാണ് അവരുടെ നിലപാട്. എന്നാല്‍ അഡ്മിനു കൂടുതല്‍ അധികാരം നല്‍കി പ്രശ്‌നം പരിഹരിക്കാനുള്ള ശ്രമം നടക്കുന്നുണ്ടെന്നും പറയുന്നു.

ഇത്തരം നുഴഞ്ഞു കയറ്റത്തിലൂടെ ചില ഗ്രൂപ്പുകളിലേക്ക് അധികാരികള്‍ക്ക് എത്താനുള്ള വഴിയാണൊ ഇതെന്നു ചിന്തിക്കുന്നവരും ഉണ്ട്. ഫെയ്സ്ബുക്കാണ് ഇപ്പോൾ വാട്‌സാപ്പിനെ നിയന്ത്രിക്കുന്നത്.

Friday, 12 January 2018

ഇന്ത്യയ്ക്ക് അഭിമാന നിമിഷം; നൂറാം ഉപഗ്രഹം വിക്ഷേപിച്ച് ഐഎസ്ആര്‍ഒ



ചെന്നൈ:ഐഎസ്ആര്‍ഒയുടെ നൂറാമത് ഉപഗ്രഹവുമായി പിഎസ്എല്‍വി-സി40 വിക്ഷേപിച്ചു.കാര്‍ട്ടോസാറ്റ് രണ്ട് വിഭാഗത്തില്‍പ്പെടുന്ന ഉപഗ്രഹം ഉള്‍പ്പെടെ 31 ഉപഗ്രഹങ്ങളാണ് പിഎസ്എല്‍വി-സി40 വിജയകരമായി വിക്ഷേപിച്ചത്.

ഇന്ന് രാവിലെ 9:29 ന് ശ്രീഹരിക്കോട്ടയിലെ സതീഷ് ധവാന്‍ ബഹിരാകാശകേന്ദ്രത്തില്‍ നിന്നായിരുന്നു വിക്ഷേപണം.ഇന്ന് പുലര്‍ച്ചെ 5:29 നാണ് കൗണ്ട് ഡൗണ്‍ ആരംഭിച്ചത്.ഐഎസ്ആര്‍ഒയുടെ 42-ാമത് ദൗത്യമാണിത്.

ഐഎസ്ആഒയുടെ നൂറാമത്തെ ഉപഗ്രഹമാണ് കാര്‍ട്ടോസാറ്റ് രണ്ട്. ഈ ശ്രേണിയില്‍പ്പെട്ട മൂന്നാമത്തെ ഉഗ്രഹത്തിനൊപ്പം വിദേശ രാജ്യങ്ങളില്‍ നിന്നുള്ള 28 നാനോ ഉപഗ്രഹങ്ങളും ഇന്ത്യയുടെ രണ്ട് ചെറുഉപഗ്രഹങ്ങളുമാണ് വിക്ഷേപിച്ചത്.

ഭൗമ നിരീക്ഷണത്തിനായുള്ള കാര്‍ട്ടോസാറ്റിന് 710 കിലോഗ്രാം ഭാരവും മറ്റ് ഉപഗ്രഹങ്ങള്‍ക്ക് 613 കിലോഗ്രാമുമാണ് ഭാരം. യു.എസ്, കാനഡ, ഫിന്‍ലന്റ്, ഫ്രാന്‍സ്, ദക്ഷിണ കൊറിയ, ബ്രിട്ടണ്‍ എന്നീ രാജ്യങ്ങളുടേതാണ് ചെറു ഉപഗ്രഹങ്ങള്‍.

ഭൂമിയില്‍ നിന്നുള്ള ഏത് വസ്തുവിന്റേയും ചിത്രം വ്യക്തതയോടെ പകര്‍ത്താനും കൃത്യമായ വിവരങ്ങള്‍ നല്‍കാനുമുള്ള മള്‍ട്ടി സ്‌പെക്ട്രല്‍ ക്യാമറയാണ് കാര്‍ട്ടോസാറ്റ് ഉപഗ്രഹത്തിന്റെ പ്രത്യേകത.

Monday, 8 January 2018

എയർടെല്ലിന്റെ 3,000 രൂപയുടെ 4ജി വൈഫൈ ഡിവൈസ് വിൽക്കുന്നത് 999 രൂപയ്ക്ക്!


രാജ്യത്തെ ടെലികോം മേഖലയിലെ മൽസരം തുടരുകയാണ്. റിലയൻസ് ജിയോ തുടങ്ങിവെച്ച ഓഫറുകളെ മറികടക്കാൻ ലക്ഷ്യമിട്ട് എയർടെൽ ശക്തമായി തന്നെ രംഗത്തുണ്ട്. ഒരു വർഷം മുൻപ് അവതരിപ്പിക്കുമ്പോൾ 3,000 രൂപ വിലയുണ്ടായിരുന്ന എയർടെൽ വൈഫൈ ഡിവൈസിന്റെ വില കുത്തനെ കുറച്ചാണ് ഇപ്പോൾ വിൽക്കുന്നത്.

കേവലം 999 രൂപയ്ക്ക് എയർടെൽ വൈഫൈ ഹോട്സ്പോട്ട് ഡിവൈസ് വാങ്ങാം. നേരത്തെ റിലയൻസ് ജിയോയുടെ വൈഫൈ ഡിവൈസും 999 രൂപയ്ക്ക് വിറ്റിരുന്നു. നിലവിൽ എയർടെൽ വൈഫൈ ഡിവൈസിന്റെ വില 1,950 രൂപയാണ്.

ജിയോഫൈ നേരിടാൻ ലക്ഷ്യമിട്ടാണ് എയർടെൽ 4ജി ഹോട്സ്പോട്ടിന്റെ വില 50 ശതമാനം കുറച്ച് 999 രൂപയ്ക്ക് വിൽക്കുന്നത്. എന്നാൽ എയർടെൽ വൈഫൈ ഡിവൈസിന് കേരളത്തിൽ മാത്രമാണ് 999 രൂപയ്ക്ക് വിൽക്കുന്നതെന്നും റിപ്പോർട്ടുകളുണ്ട്. ടെലികോം വരിക്കാരുടെ എണ്ണത്തിൽ എയർടെൽ ആണ് മുന്നിൽ.

രാജ്യത്തെ എല്ലാ റെയില്‍വേസ്റ്റേഷനിലും വൈഫൈ;പദ്ധതിയുമായി ഇന്ത്യന്‍ റെയില്‍വേ

ന്യൂഡല്‍ഹി:രാജ്യത്തെ എല്ലാ റെയില്‍വേസ്റ്റേഷനിലും വൈഫൈ സൗകര്യം ലഭ്യമാക്കാനൊരുങ്ങി ഇന്ത്യന്‍ റെയില്‍വേ.

700 കോടി രൂപ ചിലവ് വരുന്ന പദ്ധതിക്ക് കീഴില്‍ ഗ്രാമീണ മേഖകളിലുള്‍പ്പെടെയുളള റെയില്‍വേ സ്റ്റേഷനുകളില്‍ വൈഫൈ സൗകര്യമെത്തുക്കും.ഡിജിറ്റല്‍ ഇന്ത്യ പദ്ധതിയുടെ ഭാഗമായി രാജ്യത്തെ 21 റെയില്‍വേ സ്റ്റേഷനുകളില്‍ ഇതിനോടകം തന്നെ വൈഫൈ സൗകര്യം എത്തിച്ചു കഴിഞ്ഞു.

ഗ്രാമപ്രദേശങ്ങളിലും നഗരപ്രദേശങ്ങളിലും ഒരുപോലെ വൈഫൈ എത്തിക്കുന്നതോടെ ഉള്‍നാടുകളിലെ പ്രദേശവാസികള്‍ക്കും പ്രയോജനം ലഭിക്കും.

കൂടാതെ ഗ്രാമീണ മേഖലയിലെ റെയില്‍വേസ്റ്റഷനുകളില്‍ ഡിജിറ്റല്‍ ബാങ്കിങ്,ആധാര്‍ ജനറേഷന്‍സ്, ജനന മരണ സര്‍ട്ടിഫിക്കറ്റുകള്‍പ്പടെയുളള സര്‍ക്കാര്‍ സര്‍ട്ടിഫിക്കറ്റുകളുടെ വിതരണം തുടങ്ങിയ സേവനങ്ങള്‍ ലഭ്യമാക്കുന്ന വൈഫൈ സൗകര്യത്തോടുകൂടിയ ബൂത്തുകളും സ്ഥാപിക്കും.

പ്രാദേശിക തലത്തില്‍ ഇന്റര്‍നെറ്റ് ഉപയോഗം ശക്തിപ്പെടുത്തുക എന്ന ലക്ഷ്യവും റെയില്‍വേ സ്‌റ്റേഷുനുകളില്‍ വൈഫൈ സേവനം നല്‍കുന്നതിന് പിന്നിലുണ്ട്.

Monday, 1 January 2018

തമിഴ് റോക്കേഴ്‌സിനെ പൂട്ടിക്കെട്ടി മലയാളി ഹാക്കര്‍മാര്‍

ജയസൂര്യ നായകനായ പുണ്യാളന്‍ പ്രൈവറ്റ് ലിമിറ്റഡ് എന്ന മലയാള ചിത്രം വരെ തമിഴ് റോക്കേഴ്‌സ് വെബ്‌സൈറ്റിലുണ്ടായിരുന്നു.
Designed by Freepik

 കോഴിക്കോട്: വ്യാജസിനിമകള്‍ ഓണ്‍ലൈന്‍ വഴി പ്രചരിപ്പിക്കുന്ന തമിഴ്‌റോക്കേഴ്‌സ് വെബ്‌സൈറ്റുകളെ തകര്‍ത്ത് മലയാളി ഹാക്കര്‍മാര്‍. തമിഴ് റോക്കേഴ്‌സിന്റെ www.tamilrockers.tv, www.tamilrockers.ax, www.tamilrockers.ro എന്നീ വെബ്‌സൈറ്റുകളാണ് മലയാളി ഹാക്കര്‍ സംഘങ്ങള്‍ ചേര്‍ന്ന് നിഷ്‌ക്രിയമാക്കിയത്.

 ശനിയാഴ്ച രാവിലെ മുതല്‍ വെബ്‌സൈറ്റുകള്‍ ലഭ്യമല്ല. എന്നാല്‍ തമിഴ് റോക്കേഴ്‌സ് എന്ന പേരില്‍ ഒരു വ്യാജ വെബ്‌സൈറ്റ് ഓണ്‍ലൈനിലുണ്ട്. 

 ജയസൂര്യ നായകനായ പുണ്യാളന്‍ പ്രൈവറ്റ് ലിമിറ്റഡ് എന്ന മലയാള ചിത്രം വരെ തമിഴ് റോക്കേഴ്‌സ് വെബ്‌സൈറ്റിലുണ്ടായിരുന്നു. മലയാള സിനിമകള്‍ക്കായി പ്രത്യേകം ഫോള്‍ഡറും വെബ്‌സൈറ്റിലുണ്ടായിരുന്നു.

 നേരത്തെ തമിഴ് നടന്‍ വിശാലിന്റെ നേതൃത്വത്തില്‍ തമിഴ് റോക്കേഴ്‌സിനെ തടയിടാനുള്ള ശ്രമം നടന്നിരുന്നു. ഏറ്റവും പുതിയ തമിഴ് സിനിമകളുടെ വ്യാജന്‍  ഓണ്‍ലൈനില്‍ ലഭ്യമാക്കി ഇവര്‍ നിരന്തരം തമിഴ് സിനിമാ ലോകത്തെ വെല്ലുവിളിച്ചിരുന്നു. 

 കഴിഞ്ഞ ദിവസം ആട് 2 സിനിമയുടെ ദദൈര്‍ഘ്യം കുറഞ്ഞ ഭാഗങ്ങള്‍ ഫെയ്‌സ്ബുക്കിലോ യൂട്യൂബിലോ പങ്കുവെക്കുകയാണെങ്കില്‍ ആ അക്കൗണ്ട് ഡീ ആക്റ്റിവേറ്റ് ആവുമെന്ന് ജയസൂര്യയും ചിത്രത്തിന്റെ സംവിധായകനുമായ വിജയ്ബാബു മുന്നറിയിപ്പ് നല്‍കിയിരുന്നു. പൈറസി തടയുന്നതിനായി മലയാള സിനിമാ പ്രവര്‍ത്തകര്‍ സ്വകാര്യ സൈബര്‍ സുരക്ഷാ ഏജന്‍സികളുടെ സഹായം തേടിവരുന്നുണ്ട്.

Comments System

Disqus Shortname