Ente Malayalam News

Follow Us

Showing posts with label facebook. Show all posts
Showing posts with label facebook. Show all posts

Wednesday, 7 February 2018

ഫെയ്‌സ്ബുക്കിലൂടെ വിഷാദം വരുന്ന വഴി

ഈ താരതമ്യ പഠനത്തെ നെഗറ്റീവ് ആയും പോസിറ്റീവായും വിലയിരുത്താം. സ്വയം നന്നാവാനുള്ള, സ്വന്തം കഴിവുകള്‍ വികസിപ്പിക്കാനുള്ള അവസരമായും എന്നാല്‍ മറ്റുള്ളവരുടേതുമായി താരതമ്യപ്പെടുത്തി ഒന്നും ചെയ്യാനാവുന്നില്ലല്ലോ എന്ന ചിന്തയും ഇതുവഴി ഉണ്ടായേക്കാം.
Designed by Freepik

മറ്റുള്ളവരുമായി താരതമ്യപ്പെടുത്തി സ്വയം അളക്കുന്ന സ്വഭാവം നമുക്കെല്ലാമുണ്ട്. അത് മനുഷ്യസഹജമാണ്. അത്തരമൊരു താരതമ്യ പഠനത്തിന് സോഷ്യല്‍ മീഡിയ വലിയ സാധ്യതയാണ് തുറക്കുന്നത്.


ഈ താരതമ്യ പഠനത്തെ നെഗറ്റീവ് ആയും പോസിറ്റീവായും വിലയിരുത്താം. സ്വയം നന്നാവാനുള്ള, സ്വന്തം കഴിവുകള്‍ വികസിപ്പിക്കാനുള്ള അവസരമായും എന്നാല്‍ മറ്റുള്ളവരുടേതുമായി താരതമ്യപ്പെടുത്തി ഒന്നും ചെയ്യാനാവുന്നില്ലല്ലോ എന്ന ചിന്തയും ഇതുവഴി ഉണ്ടായേക്കാം.

സ്വന്തമായി അധികം പോസ്റ്റുകളോ കമന്റുകളോ ഒന്നും ഇടാതെ വെറുതെ മറ്റുള്ളവരുടേത് നോക്കിയിരിക്കുക മാത്രം ചെയ്യുന്ന ശീലം വിഷാദജനകമാവാറുണ്ട്. നോട്ടിഫിക്കേഷനുകള്‍ക്ക് വേണ്ടി സദാ ജാഗരൂഗതയോടെ കാത്തിരിക്കുന്നതും ഒരു പെര്‍ഫെക്ട് ഇമേജ് പ്രദര്‍ശിപ്പിക്കാനുള്ള ശ്രമങ്ങളും കോര്‍ട്ടിസോള്‍ എന്ന ഹോര്‍മോണിന്റെ ഉത്പാദനം വര്‍ധിപ്പിക്കുകയും അതുവഴി മാനസിക സമ്മര്‍ദ്ദത്തിനും വിഷാദത്തിനും അമിത ഉത്കണ്ഠയ്ക്കും വഴിയൊരുക്കുകയും ചെയ്യും.

വിഷാദരോഗം ഉണ്ടാക്കുന്ന സാധ്യതയ്ക്ക് പുറമേ ഐ.ക്യൂ കുറയുന്നതും വൈകാരിക ബുദ്ധി ദുര്‍ബലമാവുന്നതും ഏകാഗ്രത കുറയുന്നതിനുമൊപ്പം സ്മാര്‍ട്ട്‌ഫോണുമായി ബന്ധപ്പെട്ട നോമോഫോബിയ, റിംഗ്‌സൈറ്റി, ഫോമോ തുടങ്ങിയ മാനസിക പ്രശ്‌നങ്ങളെ നിങ്ങളെ ബാധിച്ചേക്കാം.

എല്ലാ സൂചനകളുടേയും അന്തിമഫലം നിങ്ങളുടെ ആരോഗ്യത്തെ പൂര്‍ണമായും നശിപ്പിച്ചു കൊണ്ടുള്ള ശാരീരീകാവസ്ഥയാവും നിങ്ങള്‍ക്ക് സമ്മാനിക്കുക. അതിനാല്‍ സ്മാര്‍ട്ട് ഫോണുകള്‍ കൊണ്ട് എത്രയൊക്കം ഉപകരങ്ങള്‍ ഉണ്ടെങ്കിലും അത് നിങ്ങളുടെ ദൈനംദിന ജീവിതത്തെ കീഴടക്കുന്ന അവസ്ഥ ഉണ്ടാക്കാതെ ശ്രദ്ധിക്കേണ്ടത് നിങ്ങളുടെ മാത്രം ഉത്തരവാദിത്തമാണ്.

Saturday, 3 February 2018

ഫെയ്സ്ബുക്കിന്റെ കാലം കഴിഞ്ഞു? ജനത്തിന് മടുത്തു, ചിലവഴിക്കുന്ന സമയവും കുറഞ്ഞു


ലോകത്തെ ഏറ്റവും വലിയ സാമൂഹ്യ മാധ്യമങ്ങളില്‍ ഒന്നായ ഫെയ്‌സ്ബുക്കില്‍ ആളുകള്‍ ചിലവഴിക്കുന്ന സമയം കുറഞ്ഞതായി കമ്പനി വെളിപ്പെടുത്തി. കണക്കു പ്രകാരം ഒരു ദിവസം ലോകമെമ്പാടും നിന്നുള്ള ഉപയോക്താക്കളുടെ കണക്കു നോക്കിയാല്‍ 50 ലക്ഷം മണിക്കൂര്‍ കുറച്ചാണ് ഫെയ്‌സ്ബുക്കില്‍ അവര്‍ അടുത്ത നാളുകളില്‍ ചിലവഴിച്ചിരിക്കുന്നത്. ഫെയ്‌സ്ബുക്കിന്റെ പുതിയ തീരുമാനങ്ങളാണ് ഇതിനു വഴിവച്ചിരിക്കുന്നതെന്നാണ് കരുതുന്നത്. സ്ഥിരമായി അൽഗോരിതം മാറ്റുന്നത് ഉപയോക്തക്കാളെ ബുദ്ധിമിട്ടിലാക്കുന്നുണ്ട്.

വാര്‍ത്ത പുറത്തു വിട്ടതോടെ ഫെയ്‌സ്ബുക്കിന്റെ ഓഹരികളുടെ വില നാലു ശതമാനം ഇടിഞ്ഞു. പക്ഷേ, താമസിയാതെ തിരിച്ചു കയറി. കഴിഞ്ഞ വര്‍ഷത്തെ അവസാന മൂന്നു മാസത്തെ ലാഭം 20 ഇരുപതു ശതമാനം (ഏകദേശം 4.26 ബില്ല്യന്‍ ഡോളര്‍) വര്‍ധിച്ചതായി കമ്പനി വെളിപ്പെടുത്തിയിരുന്നു. ഈ കാലയളവിൽ മൊത്തം വരുമാനം 13 ബില്ല്യന്‍ ഡോളർ ആണ്. ഫെയ്‌സ്ബുക്കിന്റെ ജോലിക്കാരുടെ എണ്ണവും വര്‍ധിച്ച് 25,105 ആയി.

എന്തായിരുന്നു ഫെയ്‌സ്ബുക് കൊണ്ടുവന്ന പ്രധാന മാറ്റം?

വൈറലായ വിഡിയോയും മറ്റും ഫെയ്‌സ്ബുക്കിലൂടെ ആവശ്യത്തിലധികം പ്രചാരം നല്‍കുന്നതു കുറയ്ക്കുകയാണ് അവര്‍ ചെയ്തത്. അതു മൂലമാണ് ഫെയ്‌സ്ബുക്കില്‍ ജനങ്ങൾ ചിലവഴിക്കുന്ന സമയം കുറഞ്ഞത്. ഇത്തരം കണ്ടെന്റിനു പകരം, ഉപയോക്താവിന്റെ സുഹൃത്തുക്കളും ബന്ധുക്കളുമായുള്ള സമ്പര്‍ക്കം വര്‍ധിപ്പിക്കാനാണ് കമ്പനി ശ്രമിക്കുന്നത്. താത്കാലികമായി ആളുകള്‍ ഫെയ്‌സ്ബുക്ക് ഉപയോഗിക്കുന്ന സമയം കുറഞ്ഞുവെങ്കിലും ഇത് കാലക്രമത്തില്‍ തങ്ങള്‍ക്ക് അനുകൂലമാകുമെന്നാണ് ഫെയ്സ്ബുക്ക് കരുതുന്നത്. കൂടുതല്‍ അര്‍ഥവത്തായ രീതിയില്‍ ആളുകളുടെ സമയം ചിലവഴിക്കാനാണ് തങ്ങള്‍ ഈ തീരുമാനം എടുത്തതെന്നാണ് കമ്പനി പറയുന്നത്. തെറ്റായ വാര്‍ത്തകള്‍ക്ക് തങ്ങളിലൂടെ ആവശ്യത്തിലധികം പ്രാധാന്യം കിട്ടുന്നതു തടയാനുമാകുമെന്നും അവര്‍ പറയുന്നു.

ഫാമിലി ആന്‍ഡ് ഫ്രെണ്‍ഡ്‌സിനു കൂടുതല്‍ ഊന്നല്‍ നല്‍കുന്നത് സമൂഹത്തിനും ഗുണകരമാകുമെന്നാണ് അവര്‍ പറയുന്നത്. താമസിയാതെ പ്രാദേശിക വാര്‍ത്തകള്‍ കൂടുതലായി എത്തിക്കാനും ഫെയ്‌സ്ബുക്ക് ശ്രമിക്കും. ഈ വര്‍ഷം ഫെയ്‌സ്ബുക്കിന്റെ പുതിയ കച്ചവട രീതികള്‍ കൂടുതല്‍ മികവുറ്റതാക്കാനുള്ള ശ്രമം അവര്‍ നടത്തും.

ഫെയ്‌സ്ബുക്കിന്റെ ഉടമസ്ഥതയിലുള്ള ഇന്‍സ്റ്റഗ്രാമിന്റെയും വാട്‌സാപ്പിന്റെയും പ്രവര്‍ത്തന രീതിയിലും ഈ വര്‍ഷം കാര്യമായ മാറ്റം കൊണ്ടുവന്നേക്കും. വെർച്വല്‍ റിയാലിറ്റി പ്ലാറ്റ്‌ഫോമിലുള്ള കമ്പനിയുടെ ഒക്ക്യുലസ് ഹാര്‍ഡ്‌വെയറിനും പുതുജീവന്‍ നല്‍കിയേക്കും

ഡിജിറ്റല്‍ പ്രൊഫൈലിങ്ങിലൂടെ ഉപയോക്താക്കളെക്കുറിച്ചുള്ള വിവരങ്ങള്‍ ശേഖരിച്ചു സൂക്ഷിക്കുന്നുവന്ന ഗുരുതരമായ ആരോപണം ഫെയ്‌സ്ബുക്ക്, ഗൂഗിള്‍ തുടങ്ങിയ കമ്പനികള്‍ക്കെതിരെ നിലനിര്‍ക്കുന്നുണ്ടെങ്കിലും ഇത്തരം കമ്പനികളുടെ ജനപ്രീതിയ്ക്ക് കാര്യമായ ഇടിവു തട്ടിയിട്ടില്ല.

Friday, 19 January 2018

ഫെയ്സ്ബുക്ക് പോസ്റ്റ് ചതിച്ചു, മണിക്കൂറുകൾക്കുള്ളിൽ നഷ്ടമായത് 14,584 കോടി രൂപ!


ലോകത്തെ ഒന്നടങ്കം മാറ്റിമറിക്കാൻ ശേഷിയുള്ള സോഷ്യൽമീഡിയ കമ്പനിയാണ് ഫെയ്സ്ബുക്ക്. ഫെയ്സ്ബുക്കിന്റെ ഓരോ നീക്കങ്ങളും ടെക് ലോകവും വിപണിയും വലിയ പ്രാധാന്യത്തോടെയാണ് ശ്രദ്ധിക്കുന്നത്. ഇതിനു വ്യക്തമായ തെളിവാണ് കഴിഞ്ഞ ദിവസത്തെ സക്കർബർഗിന്റെ ഫെയ്സ്ബുക്ക് പോസ്റ്റും വിപണിയിലെ അനന്തരഫലങ്ങളും.

ഫെയ്സ്ബുക്കിൽ കാലാനുസൃതമായ മാറ്റങ്ങൾ വരുത്തുമെന്നു സൂചന നൽകി മാർക്ക് സക്കർബർഗിന്റെ ഫെയ്സ്ബുക് പോസ്റ്റ് വന്നതോടെ മണിക്കൂറുകൾക്കുള്ളിൽ തന്നെ വിപണി തകർന്നു. ഫെയ്സ്ബുക്കിന്റെ ഓഹരി കുത്തനെ ഇടിഞ്ഞു. 2300 കോടി ഡോളര്‍ ( ഏകദേശം 14,584 കോടി രൂപ) നഷ്ടം നേരിട്ടെന്നാണ് രാജ്യന്തര മാധ്യമങ്ങള്‍ റിപ്പോർട്ട് ചെയ്തത്.

‌ഫെയ്സ്ബുക്കിൽ സാധാരണമായി മാറിയ പരസ്യങ്ങൾക്കും മറ്റു പ്രമോഷനൽ പ്രവർത്തനങ്ങൾക്കും തടയിടുമെന്ന സൂചനയാണ് പോസ്റ്റിലുണ്ടായിരുന്നു. ന്യൂസ് ഫീഡിന്റെ പരിഷ്കരണം ഉടനുണ്ടാകുമെന്നു സക്കർബർഗ് തുറന്നു പറഞ്ഞു. ഫീഡിൽ പരസ്യങ്ങൾ, പൊതുവായുള്ള ഉള്ളടക്കങ്ങൾ എന്നിവ കുറച്ച് ഉപയോക്താവിന്റെ കൂട്ടുകാർ, കുടുംബാംഗങ്ങൾ എന്നിവരുടെ പോസ്റ്റുകൾ ഫീഡിൽ കൂടുതൽ കൊണ്ടുവരാനാണ് നീക്കം. എന്നാൽ ഈ പ്രഖ്യാപനം വിപണിക്ക് അത്ര പിടിച്ചില്ല.

ആളുകൾ തമ്മിൽ കൂടുതൽ കാമ്പുള്ള ആശയവിനിമയം ഇതിലൂ‍ടെ കൈവരിക്കുമെന്നും അദ്ദേഹം പറയുന്നു. കുത്തഴിഞ്ഞ രീതിയിൽ ന്യൂസ്ഫീഡുകൾ പരസ്യങ്ങൾ, പൊതുപേജുകൾ എന്നിവയിലെ ഉള്ളടക്കങ്ങൾ കൊണ്ടു നിറഞ്ഞതായി വ്യാപകമായ പരാതിയുണ്ട്. ഇതിന്റെ പശ്ചാത്തലത്തിലാണ് പുതിയ നടപടി. ‘ഈ പരിഷ്കരണങ്ങളിലൂടെ ഫെയ്സ്ബുക്കിൽ ആളുകൾ ചെലവഴിക്കുന്ന സമയം കുറഞ്ഞേക്കാം. എന്നാൽ, ആ സമയം ശരിയായ രീതിയിൽ വിനിയോഗിക്കപ്പെടും. ദീർഘകാലാടിസ്ഥാനത്തിൽ അതു ഗുണം ചെയ്യുമെന്നും’– പോസ്റ്റ് പറയുന്നു.

Comments System

Disqus Shortname