Ente Malayalam News

Follow Us

Showing posts with label Malappuram. Show all posts
Showing posts with label Malappuram. Show all posts

Friday, 27 October 2017

ചട്ടങ്ങള്‍ കാറ്റില്‍പറത്തി മിനി ബസുകള്‍ കുതിക്കുന്നു


വേങ്ങര: നിയമങ്ങളും യാത്രക്കാരുടെ സുരക്ഷാ സംവിധാനങ്ങളും കാറ്റില്‍ പറത്തി മിനി ബസുകള്‍ കുതിക്കുന്നു. കൃത്യമായ രേഖയോ ആവശ്യമായ യോഗ്യതയോ ഇല്ലാത്ത ജീവനക്കാരുമായി സര്‍വീസ്‌ നടത്തുന്ന നിരവധി ബസുകളാണ്‌ വേങ്ങരയിലുള്ളത്‌. ബസില്‍ കയറാനെത്തുന്ന വിദ്യാര്‍ഥികളില്‍ നിന്നും അഞ്ചു രൂപയില്ലെങ്കില്‍ കയറേണ്ട എന്ന ശകാരവാക്കും ഇവര്‍ മുന്‍കൂട്ടി പ്രഖ്യാപിക്കുന്നതായി വിദ്യാര്‍ഥികള്‍ പരാതിപ്പെടുന്നുണ്ട്‌. പിന്‍വശത്തെ വാതിലുകള്‍ അഴിച്ചുവെച്ച നിലയില്‍ നിരവധി ദിവസങ്ങളായി ഓട്ടം നടത്തുന്ന ബസുകളും വിതില്‍ കയറ്‌ ഉപയോഗിച്ച്‌ ബോഡിയുമായി ബന്ധിപ്പിച്ചു സൗകര്യപ്പെടുത്തിയ ബസുകളും പ്രദേശത്ത്‌ സുലഭമാണ്‌. സംഭവങ്ങളെ കുറിച്ച്‌ ബന്ധപ്പെട്ടവരോട്‌ ചോദിച്ചാല്‍ ഭീഷണിയാണ്‌ പലപ്പോഴും മറുപടി. ഉള്‍ഗ്രാമങ്ങളിലൂടെ സര്‍വീസ്‌ നടത്തുന്നവയായതിനാല്‍ ഇത്തരക്കാര്‍ ഉദ്യോഗസ്‌ഥ പരിശോധനയില്‍ പലപ്പോഴും കൂടുങ്ങാറില്ല. ടിക്കറ്റ്‌, കണ്ടക്‌ടര്‍ യൂണിഫോം ഇതൊന്നും ഇവര്‍ക്ക്‌ പ്രശ്‌നമേ അല്ല. അധികൃതരുടെ അനാസ്‌ഥ വലിയ ഒരളവ്‌ ഇവര്‍ക്ക്‌ സഹായമാവുകയാണ്‌. പെര്‍മിറ്റില്ലാത്ത ബസുകളും ഓട്ടം നടത്തുന്നതായി നാട്ടുകാര്‍ പറയുന്നുണ്ട്‌. ഇതിനിടെ വാതില്ലാത്ത ബസിന്റെ പടമെടുക്കാന്‍ സ്‌റ്റാന്റിലെത്തിയ മാധ്യമ പ്രവര്‍ത്തകനെ ഭീഷണിപ്പെടുത്താനും ബസ്‌ ജീവനക്കാര്‍ മറന്നില്ല.

വെളിയങ്കോട്‌ പഞ്ചായത്ത്‌ യോഗത്തില്‍ ഭരണപക്ഷ അംഗങ്ങള്‍ തമ്മില്‍ വാക്കേറ്റം


പൊന്നാനി: വെളിയങ്കോട്‌ ഗ്രാമപഞ്ചായത്ത്‌ യോഗത്തില്‍ ഗ്രാമ പഞ്ചായത്ത്‌ പ്രസിഡന്റും ഭരണപക്ഷ അംഗങ്ങളും തമ്മില്‍ വാക്കേറ്റം. കൂടിയാലോചന ഇല്ലാതെയാണ്‌ ഭരണ കാര്യങ്ങള്‍ പ്രസിഡന്റ്‌ നടത്തുന്നതെന്ന്‌ ഭരണസമിതിയിലെ കോണ്‍ഗ്രസ്‌ അംഗങ്ങള്‍ ആരോപിച്ചതാണ്‌ വാക്കേറ്റത്തിനിടയാക്കിയത്‌. വെളിയങ്കോട്‌ പ്രാഥമികാരോഗ്യ കേന്ദ്രത്തിലെ ഡോക്‌ടറെ സ്‌ഥലം മാറ്റണമെന്ന്‌ യു.ഡി.എഫ്‌ അംഗങ്ങളും എല്‍.ഡി.എഫ്‌ അംഗങ്ങളും ബോര്‍ഡ്‌ യോഗത്തില്‍ ആവശ്യപ്പെട്ടെങ്കിലും ഇതിന്‌ വിരുദ്ധമായ നിലപാട്‌ പ്രസിഡന്റ്‌ പ്രേമജ സുധീര്‍ സ്വീകരിച്ചതും ഭരണപക്ഷാംഗങ്ങളെ ചൊടിപ്പിച്ചു. കോണ്‍ഗ്രസ്‌ പാര്‍ലിമെന്ററി പാര്‍ട്ടി നേതാവ്‌ എം.കെ.ഇബ്രാഹീം, മുഹമ്മദ്‌, റിയാസ്‌ പഴഞ്ഞി തുടങ്ങിയ അംഗങ്ങള്‍ പ്രസിഡന്റിന്റെ നിലപാടിനെതിരെ രംഗത്ത്‌ വരികയായിരുന്നു. നേരത്തെ നടന്ന ബോര്‍ഡ്‌ യോഗത്തിലും ലീഗ്‌ അംഗവും വൈസ്‌ പ്രസിഡന്റുമായ കെ.കെ ബീരാന്‍ കുട്ടിയും പ്രസിഡന്റിന്റെ നിലപാടില്‍ പ്രതിഷേധിച്ചിരുന്നു. ആനുകൂല്യ വിതരണത്തില്‍ അവഗണ കാണിക്കുന്നുവെന്ന ആരോപണവും യു.ഡി.എഫ്‌ അംഗങ്ങള്‍ക്കുണ്ട്‌. പഞ്ചായത്തില്‍ നടപ്പാക്കേണ്ട പദ്ധതികളെ കുറിച്ച്‌ വിശദീകരിക്കാന്‍ കോണ്‍ഗ്രസ്‌ അംഗങ്ങളുടെയും നേതാക്കളുടെയും യോഗം എല്ലാ മാസവും മൂന്ന്‌ തവണ ചേരണമെന്നാണ്‌ തീരുമാനമെങ്കിലും ഇതിനും പ്രസിഡന്റ്‌ സഹകരിക്കുന്നില്ലെന്നാണ്‌ ആരോപണം. എന്നാല്‍ കൂടിയാലോചനക്ക്‌ ശേഷമാണ്‌ ബോര്‍ഡ്‌ യോഗം ചേരാറുള്ളതെന്ന്‌ ഗ്രാമപഞ്ചായത്ത്‌ പ്രസിഡന്റ്‌ പ്രേമജ സുധീര്‍ പറഞ്ഞു.

Comments System

Disqus Shortname