Ente Malayalam News

Follow Us

Showing posts with label election. Show all posts
Showing posts with label election. Show all posts

Friday, 18 May 2018

കര്‍ണാടകയില്‍ നാളെ വിശ്വാസവോട്ടെടുപ്പ്

supreme court of india

ന്യൂഡല്‍ഹി: കര്‍ണാടകയില്‍ നാളെ വിശ്വാസവോട്ടെടുപ്പ് നടക്കും. നാളെ നാല് മണിക്ക് മുമ്പ് യെദ്യൂരപ്പ നിയമസഭയില്‍ ഭൂരിപക്ഷം തെളിയിക്കണമെന്നാണ് സുപ്രീം കോടതി നിര്‍ദേശിച്ചിരിക്കുന്നത്. ബിജെപിക്ക് സര്‍ക്കാരുണ്ടാക്കാന്‍ അനുമതി നല്‍കിയതിനെതിരെ കോണ്‍ഗ്രസ് സമര്‍പ്പിച്ച ഹര്‍ജിയില്‍ വാദം കേള്‍ക്കവെയാണ് കോടതി ഇക്കാര്യം വ്യക്തമാക്കിയത്.
അതേ സമയം രഹസ്യ വോട്ടെടുപ്പ് നടത്തണമെന്ന ബിജെപിയുടെ ആവശ്യം കോടതി അംഗീകരിച്ചില്ല.പ്രോടെെം സ്പീക്കര്‍ക്ക് ഇക്കാര്യത്തില്‍ തീരുമാനമെടുക്കാമെന്നാണ് കോടതി നിര്‍ദേശിച്ചിരിക്കുന്നത്. പരസ്യ വോട്ടെടുപ്പാണെങ്കില്‍ എംഎല്‍എമാര്‍ തങ്ങളുടെ നിലപാട് പരസ്യമായി അറിയിക്കേണ്ടി വരും. സഭയില്‍ ഭൂരിപക്ഷം തെളിയിക്കാനാകുമെന്ന് കോണ്‍ഗ്രസും ബിജെപിയും കോടതിയില്‍ ആത്മവിശ്വാസം പ്രകടിപ്പിച്ചു.
ബി.എസ്.യെദ്യൂരപ്പ ഗവര്‍ണര്‍ക്ക് നല്‍കിയ കത്ത് ബിജെപി അഭിഭാഷകന്‍ മുകുള്‍ റോത്തഗിയാണ് സുപ്രീംകോടതിയില്‍ സമര്‍പ്പിച്ചത്. കോണ്‍ഗ്രസിന്റേയും ജെഡിഎസിന്റേയും ചില എംഎല്‍എമാര്‍ ബിജെപിയെ പിന്തുണയ്ക്കാന്‍ തയ്യാറാണെന്ന് അറിയിച്ചതായി കത്തില്‍ പറയുന്നു. പിന്തുണക്കുന്നവരുടെ പേരുകള്‍ കോടതിക്ക് നല്‍കേണ്ട കാര്യമില്ലെന്നും മുകുള്‍ റോത്തകി കോടതിയില്‍ പറഞ്ഞു.
ഒരു മണിക്കൂറോളം നീണ്ട വാദപ്രതിവാദത്തിനൊടുവിലാണ് സുപ്രീംകോടതി വിഷയത്തില്‍ തീരുമാനമെടുത്തത്.

Thursday, 15 February 2018

വോട്ടർ പട്ടികയിൽ പേരു ചേർക്കാം വീട്ടിലിരുന്നു തന്നെ

Voter Registration

ന്യൂഡല്‍ഹി : ഇനി ഓണ്‍ലൈനായി വീട്ടിലിരുന്ന് വോട്ടര്‍പട്ടികയില്‍ പേര് ചേര്‍ക്കാം. തെരഞ്ഞെടുപ്പ് കമ്മീഷന്റെ മൊബൈല്‍ ആപ്ലിക്കേഷന്‍ വഴിയാണ് വോട്ടര്‍ ഐഡി രജിസ്റ്റര്‍ ചെയ്യാന്‍ സാധിക്കുക. തെരഞ്ഞെടുപ്പുക്രമങ്ങള്‍ ഡിജിറ്റലാക്കുന്നതിന്റെ ഭാഗമായിട്ടാണു പുതിയ നടപടി.

22 സംസ്ഥാനങ്ങളാണ് ആപ്ലിക്കേഷനായി മുന്നോട്ടുവന്നിട്ടുള്ളതെന്നു തെരഞ്ഞെടുപ്പു കമ്മിഷണര്‍ ഒ.പി. റാവത്ത് പറഞ്ഞു. ഗുജറാത്ത്, ഹിമാചല്‍ പ്രദേശ് തുടങ്ങിയ സംസ്ഥാനങ്ങള്‍ ഇതു നടപ്പിലാക്കിയിരുന്നില്ല. കേന്ദ്ര ഭരണപ്രദേശങ്ങളും സംസ്ഥാനങ്ങളും ജൂണിനു മുന്‍പുതന്നെ ഇതു നടപ്പിലാക്കുമെന്നാണു പ്രതീക്ഷിക്കുന്നതെന്നും അദ്ദേഹം പറഞ്ഞു.

ഏകദേശം 7,500 തെരഞ്ഞെടുപ്പ് ഉദ്യോഗസ്ഥരെ ഉപയോഗിച്ചായിരിക്കും പദ്ധതി നടപ്പാക്കുക. പുതിയ റജിസ്‌ട്രേഷനോ മാറ്റങ്ങളോ വരുത്തുമ്പോള്‍ അത് എസ്എംഎസ് വഴി ഉദ്യോഗസ്ഥരെ അറിയിക്കും. അതുവഴി പ്രവര്‍ത്തനത്തില്‍ സുതാര്യത കൊണ്ടുവരാന്‍ സാധിക്കും.

മറ്റൊരു സംസ്ഥാനത്തേക്കു താമസം മാറ്റിയാല്‍ തെരഞ്ഞെടുപ്പ് ഓഫിസോ വോട്ടര്‍ ബൂത്തോ സന്ദര്‍ശിക്കാതെ തന്നെ വിലാസം മാറ്റാനും പുതിയ സംവിധാനം സഹായിക്കും.

ഇലക്ടറല്‍ റോള്‍സ് സര്‍വീസസ് നെറ്റ് (ഇറോനെറ്റ്) എന്ന നിലവിലെ ആപ്ലിക്കേഷനില്‍ ചെറിയ ചില മാറ്റങ്ങള്‍ വരുത്തിയാണ് ഈ സംവിധാനം ഒരുക്കുന്നത്.

രജിസ്റ്റര്‍ ചെയ്തിട്ടുള്ള ഫോണ്‍ നമ്പറിലേക്ക് അയയ്ക്കുന്ന ഒടിപി ഉപയോഗിച്ചായിരിക്കും വോട്ടര്‍ ഐഡിയില്‍ മാറ്റം വരുത്തേണ്ടത്. ഒരിക്കല്‍ വിലാസം മാറ്റുമ്പോള്‍ മുന്‍പു നല്‍കിയിരിക്കുന്ന വിലാസം ഓട്ടോമാറ്റിക് ആയിട്ട് നീക്കം ചെയ്യപ്പെടും. ഇതെല്ലാം വീട്ടിലിരുന്ന് തന്നെ ചെയ്യാമെന്നും റാവത്ത് വ്യക്തമാക്കി.

Saturday, 20 January 2018

20 ആംആ‌ദ്‌മി എംഎൽഎമാരെ അയോഗ്യരാക്കാൻ ശുപാർശ; ഡൽഹി മിനി തിരഞ്ഞെടുപ്പിലേക്ക്


ന്യൂഡൽഹി ∙ ഇരട്ടപ്പദവി വിവാദത്തിൽ കുടുങ്ങിയ 20 ആംആ‌ദ്‌മി പാർട്ടി (എഎപി) എംഎൽഎമാരെ അയോഗ്യരാക്കാൻ കേന്ദ്ര തിരഞ്ഞെടുപ്പു കമ്മിഷൻ രാഷ്ട്രപതിയോടു ശുപാർശ ചെയ്തു. തീരുമാനം ശരിവച്ചാൽ എംഎൽഎമാർക്കു സ്ഥാനം നഷ്ടമാകും. ഇതോടെ ഡൽഹി നിയമസഭയിൽ എഎപിയുടെ അംഗബലം 46 ആയി കുറയും. എങ്കിലും 70 അംഗ നിയമസഭയിൽ പാർട്ടിക്കു ഭരണം നഷ്ടപ്പെടില്ല.

അയോഗ്യതാ തീരുമാനത്തിനെതിരെ എംഎൽഎമാർ ഹൈക്കോടതിയെ സമീപിച്ചെങ്കിലും സ്റ്റേ അനുവദിച്ചില്ല. കോടതി തിരഞ്ഞെടുപ്പു കമ്മിഷനിൽനിന്നു വിശദീകരണം തേടിയിട്ടുണ്ട്. വിഷയം 22നു വീണ്ടും പരിഗണിക്കും. 2015 മാർച്ച് 13 മുതൽ 2016 സെപ്റ്റംബർ എട്ടുവരെ എഎപി എംഎൽഎമാർ പാർലമെന്ററി സെക്രട്ടറി പദവി വഹിച്ചതുമായി ബന്ധപ്പെട്ട വിഷയത്തിലാണു കമ്മിഷന്റെ നടപടി. നിയമന ഉത്തരവ് ഡൽഹി ഹൈക്കോടതി പിന്നീടു റദ്ദാക്കിയിരുന്നു. ഇതിന്റെ അടിസ്ഥാനത്തിൽ വരുമാനമുള്ള ഇരട്ടപ്പദവി വഹിച്ചുവെന്ന കുറ്റം ഒഴിവാക്കണമെന്ന എംഎൽഎമാരുടെ ആവശ്യം തിരഞ്ഞെടുപ്പു കമ്മിഷൻ തള്ളി.

അധികാരമേറ്റ് ഒരു മാസത്തിനുള്ളിലാണു മുഖ്യമന്ത്രി അരവിന്ദ് കേജ്‌രിവാൾ 21 എഎപി എംഎൽഎമാരെ പാർലമെന്ററി സെക്രട്ടറിമാരായി നിയമിച്ചത്. ഇതു പ്രതിഫലം പറ്റുന്ന പദവിയാണെന്നും ഇവരെ അയോഗ്യരാക്കണമെന്നും ആവശ്യപ്പെട്ട് അഭിഭാഷകനായ പ്രശാന്ത് പട്ടേൽ തിരഞ്ഞെടുപ്പു കമ്മിഷനിൽ പരാതി നൽകുകയായിരുന്നു. 21 പേർക്കെതിരെയായിരുന്നു പരാതിയെങ്കിലും പഞ്ചാബ് നിയമസഭാ തിരഞ്ഞെടുപ്പിൽ മൽസരിക്കാൻ രജൗരി ഗാർഡനിലെ എംഎൽഎ സ്ഥാനം രാജിവച്ച ജർണൈൽ സിങ്ങിനെ പിന്നീട് ഒഴിവാക്കി.

കമ്മിഷന്റെ ശുപാർശ രാഷ്ട്രപതി ശരിവച്ചാൽ ഡൽഹി ഗതാഗത മന്ത്രി കൈലാഷ് ഗലോട്ട് ഉൾപ്പെടെയുള്ള പ്രമുഖർക്കു രാജിവയ്ക്കേണ്ടി വരും. എന്നാൽ രാജിവച്ചവർക്കു വീണ്ടും തിരഞ്ഞെടുപ്പിൽ മൽസരിക്കുന്നതിനു തടസ്സമില്ല. കമ്മിഷൻ നടപടി നിയമപരമായി നേരിടുമെന്ന് എഎപി നേതൃത്വം വ്യക്തമാക്കി.

മൂന്നുവർഷം മുൻപു നടന്ന നിയമസഭാ തിരഞ്ഞെടുപ്പിൽ 70ൽ 67 സീറ്റുമായി അധികാരത്തിലെത്തിയ എഎപി സർക്കാരിനു നിലവിൽ വിമത എംഎൽഎ കപിൽ മിശ്ര ഉൾപ്പെടെ 66 എംഎൽഎമാരാണുള്ളത്. രജൗരി ഗാർഡൻ ഉപതിരഞ്ഞെടുപ്പിൽ ബിജെപിക്കായിരുന്നു വിജയം. ബവാന എംഎൽഎ വേദ് പ്രകാശ് സതീഷ് എംഎൽഎ സ്ഥാനം രാജിവച്ചു ബിജെപിയിൽ ചേർന്നതിനെ തുടർന്നു നടന്ന ഉപതിരഞ്ഞെടുപ്പിൽ എഎപിയുടെ രാംചന്ദർ വിജയിച്ചിരുന്നു.

മന്ത്രിയെ സഹായിക്കാൻ പാർലമെന്ററി സെക്രട്ടറി

മന്ത്രിമാരെ സഹായിക്കുന്നതിനാണു സംസ്ഥാനങ്ങളിൽ പാർലമെന്ററി സെക്രട്ടറിമാരെ നിയമിക്കുന്നത്. ഇവർക്കു പ്രത്യേക വേതനം നൽകുന്നില്ലെങ്കിലും വാഹനം ഉൾപ്പെടെ ആനുകൂല്യങ്ങളുണ്ട്. കേജ്‍രിവാൾ 21 എംഎൽഎമാരെ പാർലമെന്ററി സെക്രട്ടറിമാരായി 2015 മാർച്ച് 13നാണു നിയമിച്ചത്. പ്രത്യേക പദവിയുള്ള സംസ്ഥാനമായ ഡൽഹിയിൽ പാർലമെന്ററി സെക്രട്ടറിമാരെ പ്രതിഫലമുള്ള പദവിയുടെ പട്ടികയിലാണ് ഉൾപ്പെടുത്തിയിരുന്നത്. 1997-ലെ ഡൽഹി മെംബർ ഓഫ് ലെജിസ്ലേറ്റീവ് അസംബ്ലി (റിമൂവൽ ഓഫ് ഡിസ്ക്വാളിഫിക്കേഷൻ) നിയമമായിരുന്നു തടസ്സം.

എംഎൽഎമാരുടെ നിയമനത്തിനു പിന്നാലെ സംസ്ഥാന സർക്കാർ നിയമഭേദഗതി കൊണ്ടുവന്നു. പാർലമെന്ററി സെക്രട്ടറി പ്രതിഫലം കൂടാതെയുള്ള പദവിയാണെന്നും ഇതിനു മുൻകാല പ്രാബല്യം നൽകിയെന്നുമായിരുന്നു ഭേദഗതി. ഇത് അന്നത്തെ രാഷ്ട്രപതി പ്രണബ് മുഖർജി തള്ളിയതോടെ നിയമപരിരക്ഷ ഇല്ലാതായി. പിന്നാലെ, അയോഗ്യരാക്കാനുള്ള നടപടി തിരഞ്ഞെടുപ്പു കമ്മിഷൻ ആരംഭിച്ചു.

അയോഗ്യത 

  ഭരണഘടനയുടെ 102 (1) (എ) വകുപ്പുപ്രകാരം കേന്ദ്ര,സംസ്ഥാന സർക്കാരുകളുടെ പ്രതിഫലമുള്ള മറ്റൊരു പദവി വഹിക്കുന്ന ജനപ്രതിനിധി അയോഗ്യനാക്കപ്പെടും. ഭരണഘടനയുടെ 191 (1) (എ) പ്രകാരമാണ് എംഎൽഎമാരുടെ ഇരട്ടപ്പദവി അയോഗ്യതയാകുക.

Monday, 18 December 2017

ഗുജറാത്തിൽ തുടർച്ചയായി ആറാമതും ബിജെപി : ഹിമാചലിലും വിജയത്തിലേക്ക്

gujarat and himachal pradesh elections result

ന്യൂഡൽഹി : ഗുജറാത്ത് , ഹിമാചൽ തെരഞ്ഞെടുപ്പിൽ ഉജ്ജ്വല വിജയം നേടി  ബിജെപി . പുറത്തു വരുന്ന കണക്കുകൾ പ്രകാരം ബിജെപി കേവല ഭൂരിപക്ഷം പിന്നിടുമെന്ന് ഉറപ്പായി . ബിജെപി കേന്ദ്രങ്ങളിൽ ആഹ്ളാദ പ്രകടനങ്ങൾ ആരംഭിച്ചു.

ജാതി രാഷ്ട്രീയത്തിന്റെ പേരിൽ മുന്നേറ്റമുണ്ടാക്കാൻ ശ്രമിച്ച കോൺഗ്രസിന് നേരിയ വെല്ലുവിളിയുയർത്താൻ സാധിച്ചെങ്കിലും ഗുജറാത്ത് ജനത വികസനത്തിനൊപ്പമാണെന്ന് വീണ്ടും തെളിയിച്ചു. തുടർച്ചയായി ആറാം തവണയാണ് ബിജെപിയെ ഗുജറാത്തി ജനത അധികാരത്തിലേറ്റുന്നത് .ഫലം പുറത്തുവന്ന 182 സീറ്റുകളിൽ 102 സീറ്റുകളിൽ ബിജെപി മുന്നേറുമ്പോൾ കോൺഗ്രസ് 78 സീറ്റുകളിൽ മുന്നിൽ നിൽക്കുന്നു .

ഹിമാചലിൽ ബിജെപിയുടെ ശക്തമായ ആധിപത്യം തന്നെയാണ് കാണുന്നത് . 68 സീറ്റുകളിൽ 43 എണ്ണത്തിൽ ബിജെപി മുന്നിലാണ് . കോൺഗ്രസ് 22 സീറ്റുകളിലും മറ്റുള്ളവർ മൂന്നു സീറ്റുകളിലും മുന്നിലാണ് .

ഗുജറാത്ത്, ഹിമാചൽ ഫലം ഇന്ന്; ആകാംക്ഷയോടെ രാജ്യം


ന്യൂഡൽഹി∙ ഗുജറാത്ത്, ഹിമാചൽ പ്രദേശ് നിയമസഭാ തിരഞ്ഞെടുപ്പു ഫലങ്ങൾ ഇന്ന്. രാവിലെ എട്ടിനു വോട്ടെണ്ണൽ തുടങ്ങും. പത്തോടെ ആദ്യഫല സൂചനകൾ ലഭ്യമാകും. ഗുജറാത്തിലെ 182 നിയമസഭാ മണ്ഡലങ്ങളിലേക്ക് 37 കേന്ദ്രങ്ങളിലാണു വോട്ടെണ്ണൽ. ഗുജറാത്തിൽ കേവല ഭൂരിപക്ഷത്തിന് 92 സീറ്റുകൾ വേണം. സംസ്ഥാനത്തു നടത്തിയ ഒൻപത് എക്‌സിറ്റ് പോൾ ഫലങ്ങൾ ബിജെപിക്കു വിജയം പ്രവചിക്കുന്നു. ഹിമാചലിൽ 68 സീറ്റുകളിലേക്കാണു തിരഞ്ഞെടുപ്പു നടന്നത്. ഇവിടെയും ബിജെപി അധികാരം പിടിച്ചെടുക്കുമെന്നാണ് എക്‌സിറ്റ് പോൾ നൽകുന്ന സൂചന.

എന്താണ് എക്‌സിറ്റ് പോൾ

വോട്ടർ പോളിങ് ബൂത്തിൽനിന്നു പുറത്തിറങ്ങുന്ന ഉടൻ ശേഖരിക്കുന്ന വിവരമാണ് എക്സിറ്റ് പോളിൽ രേഖപ്പെടുത്തുന്നത്. ഇതിനാൽ തിര‍ഞ്ഞടുപ്പിനു മുൻപു നടത്തുന്ന അഭിപ്രായ സർവേകളേക്കാൾ കൃത്യത എക്സിറ്റ് പോളിന് അവകാശപ്പെടാം. എക്സിറ്റ് പോൾ ഏജൻസി തിരഞ്ഞെടുക്കുന്ന വോട്ടർമാരുടെ സാംപിളുകളിൽനിന്നാണു വിവരം ശേഖരിക്കുന്നതും പ്രവചനം നടത്തുന്നതും. 1967ലാണ് എക്സിറ്റ് പോളുകളുടെ തുടക്കം. ഡച്ച് സോഷ്യോളജിസ്റ്റ് മാർസെൽ വാൻ ഡാം, യുഎസിലെ സിബിഎസ് ടിവി ചാനലിലെ വാറൻ മിറ്റോഫ്സ്കി എന്നിവരാണു തുടക്കക്കാർ.

Wednesday, 25 October 2017

ഗുജറാത്ത് തെരഞ്ഞെടുപ്പ് ഡിസംബർ 9നും 14നും


ന്യൂഡൽഹി: ഗുജറാത്ത് നിയമസഭയിലേക്കുള്ള തെരഞ്ഞെടുപ്പ് രണ്ട് ഘട്ടങ്ങളിലായി നടക്കും. ഡിസംബർ 9നും 14നും ആണ് വോട്ടെടുപ്പ് നടക്കുക. വോട്ടെണ്ണൽ ഡിസംബർ 18 ന് നക്കും.

2018 ജനുവരി 22 വരെയാണ് നിലവിലുളള നിയമസഭയ്ക്ക് കാലാവധി.

Comments System

Disqus Shortname