ന്യൂഡൽഹി: ചലച്ചിത്ര മേഖലയിൽ നിന്ന് വിരമിക്കൽ പ്രഖ്യാപിച്ച് നടൻ കമൽ ഹാസൻ. രാഷ്ട്രീയ പ്രവേശനത്തോടനുബന്ധിച്ചാണ് കമൽ അഭിനയം നിർത്തുന്നത്. ഒരു ദേശീയ മാദ്ധ്യമത്തിന് നൽകിയ അഭിമുഖത്തിലാണ് കമൽ ഇക്കാര്യം അറിയിച്ചത്.
ഒരു നടൻ എന്ന നിലയിൽ മാത്രം അറിയപ്പെട്ട് ജീവിതം തീർക്കാൻ താത്പ്പര്യമില്ല. അതിനാലാണ് രാഷ്ട്രീയത്തിലേക്ക് പ്രവേശിക്കുന്നത്. ജനങ്ങളെ സേവിച്ചുകൊണ്ടായിരിക്കും മരണം. തെരഞ്ഞെടുപ്പിൽ മത്സരിച്ച് തോറ്റാൽ എന്തെങ്കിലും ജോലി ചെയ്ത് ജീവിക്കും.
രാഷ്ട്രീയ രംഗത്ത് വലിയ മേൽവിലാസങ്ങൾ ഉണ്ടാക്കാൻ കഴിഞ്ഞില്ലെങ്കിലും പൊതുരംഗത്ത് തുടരുമെന്നും കമൽ ഹാസൻ പറഞ്ഞു.
No comments:
Post a Comment