ഓട്സ് കുടിച്ചാൽ എന്തുണ്ട് കാര്യം?

കുറച്ചു നാളുകളായി നമ്മുക്കിടയിൽ‌ പ്രശസ്തമാണ് ഓട്സ്. യൂറോപ്യൻ നാടുകളിലും അമേരിക്കൻ നാടുകളിലും ധാരാളമായി കണ്ടുവരുന്ന ഒരു ധാന്യമാണ് ഇത്. ധാരാളം ആരോഗ്യഗുണങ്ങളുള്ള ഓട്സിൽ വൈറ്റമിനുകൾ, മിനറൽ, ആന്റിക്സിഡന്റ് എന്നിവയും നാരുകളുമുണ്ട്. ഇവയിൽ സോഡിയം നന്നെ കുറവാണ്.

ഓട്സിൽ കൂടുതൽ എനർജി കിട്ടുന്നത് കാർബോഹൈഡ്രേറ്റിൽ നിന്നാണ്. 66% കാർബോഹൈഡ്രേറ്റ് അടങ്ങിയിട്ടുള്ള ഓട്സിൽ 11% വും നാരുകളാണ്. ഓട്സിന്റെ ഒട്ടുമിക്ക ഗുണങ്ങൾക്കും കാരണം ഇവയിലെ നാരുകളിൽ ഒന്നായ ബീറ്റ ഗ്ലൂക്കനാണ്. ഇവയെ കൂടാതെ lignin, Cellulose, hemicelluloseഎന്നീ നാരുകളും ഓട്സിൽ അടങ്ങിയിട്ടുണ്ട്.

ദഹനത്തെ  ത്വരിതപ്പെടുത്തി വിശപ്പുമാറിയെന്ന തോന്നൽ ഉണ്ടാക്കാനും വിശപ്പടക്കാനുമുള്ള കഴിവും ഓട്സിനുണ്ട്. ബീറ്റ ഗ്ലൂക്കന് ജെൽ പോലെയുള്ള സൊല്യൂഷൻ ഉണ്ടാക്കാനുള്ള കഴിവാണ് ഇതിനു സഹായിക്കുന്നത്. ഓട്സ് ധാന്യത്തിൽ 2.3 – 8–5% വരെ ബീറ്റ ഗ്ലൂക്കൻ അടങ്ങിയിട്ടുണ്ട്.

ബീറ്റ ഗ്ലൂക്കന് കൊളസ്ട്രോൾ നിയന്ത്രിക്കാനുള്ള കഴിവുമുണ്ട്. ഫാറ്റിന്റെയും കൊളസ്ട്രോളിന്റെയും ആഗിരണം കുറച്ച്  ഡൈജസ്റ്റീവ് കണ്ടന്റിന്റെ വിസ്കോസിറ്റി കൂട്ടിയും ബൈൽ ആസിഡിന്റെ പുറംതള്ളൽ കൂട്ടുകയും ചെയ്താണ് കെളസ്ട്രോൾ കുറയ്ക്കുന്നത്. 3gm ബീറ്റ ഗ്ലൂക്കൻ  നിത്യവും കഴിക്കുന്നത് ചീത്ത കൊളസ്ട്രോൾ കുറയ്ക്കാനും ഹൃദയത്തിന്റെ ആരോഗ്യം സംരക്ഷിക്കാനും ഉത്തമമാണ്.

ഓട്സിന്റെ നാരുകൾക്കു പ്രമേഹത്തെ നിയന്ത്രിക്കാൻ പറ്റും എന്നു പറയുന്നുണ്ടെങ്കിലും അത്താഴമായി ഓട്സ് മീലിന്റെ പായസമോ കഞ്ഞിയോ കഴിക്കുന്നത് ഇൻസുലിൻ എടുക്കുന്ന പ്രമേഹരോഗികളിൽ രാത്രികാലങ്ങളിൽ ഷുഗർ കുറഞ്ഞുപോകുന്നതായി കാണാറുണ്ട്.

Nutritional value per 100 gms of oats 

Energy – 389 kcal \
Carbohydrates – 66.3 g
Dietary fiber – 10.6 g fat – 6.9 g
Protein – 16. 9 g
Thiamine - .763 mg
Riboflavin - .139 mg
Niacin - .961 mg
pantothenic acid – 1.349 mg
Vit B6 – 12 mg
Folate – 56 mg
Calcium – 54 mg
Iron – 5 mg
Magnesium – 177 mg
Manganese– 4.9 mg
Phosphorus – 523 mg
Potassium – 429 mg
Sodium – 2 mg
Zinc – 4mg

നാരുകൾ മാത്രമല്ല പ്രോട്ടീനും ഫാറ്റും മറ്റു ധാന്യങ്ങളെ വച്ചു നോക്കുമ്പോൾ ഓട്സിൽ കൂടുതലായി കാണാറുണ്ട്. ധാരാളം മാംഗനീസ് ഉള്ളതുകൊണ്ട് വളർച്ചയ്ക്കും ഫോസ്ഫറസ് ഉള്ളതിനാൽ പല്ലിന്റെയും എല്ലിന്റെയും ആരോഗ്യത്തിനും സഹായിക്കുന്നു

ഓട്സിൽ ധാരാളം ആന്റിഓക്സിഡന്റുകളും ആരോഗ്യ പ്രധമായ പോളിഫിനോളും അടങ്ങിയിട്ടുണ്ട്. ഇതിൽ തന്നെ Avenanthramides എന്ന ആന്റിഓക്സിഡന്റ് രക്തസമ്മർദം കുറയ്ക്കുകയും ഹൃദയാരോഗ്യത്തെ സംരക്ഷിക്കുകയും ചെയ്യും.

ഓട്സും പാലും ചേർത്ത് ഭക്ഷണപാനിയങ്ങൾ ഉണ്ടാക്കുമ്പോൾ രുചിക്കൊപ്പംതന്നെ പോഷകവും വർധിക്കുന്നു. ഓട്സ് പായസമോ കഞ്ഞിയോ പ്രഭാതഭക്ഷണമായി കഴിക്കാൻ ഉത്തമമാണ്. എന്നാൽ നമുക്ക് കടകളിൽ ലഭിക്കുന്ന ഓട്സ് മീൽ പ്രോസസ് ചെയ്തു വരുന്നവയായതിനാൽ തന്നെ മൂന്നു മുതൽ അഞ്ചു മിനിറ്റു വരെ വേവിച്ചാൽ മതിയാകും.