Ente Malayalam News

Follow Us

Thursday, 27 September 2018

കൊഴുപ്പു കുറയ്ക്കണോ? ഭക്ഷണസമയം മാറ്റാം

burn fat change food time
"Designed by Freepik"                     

ശരീരഭാരം കുറയ്ക്കാൻ ആഗ്രഹമുണ്ടോ? എങ്കിൽ പ്രഭാത ഭക്ഷണത്തിന്റെയും അത്താഴത്തിന്റെയും സമയം അൽപം ഒന്നു മാറ്റിയാൽ മതി. സറെ സർവകലാശാലാ ഗവേഷകരാണ് സമയബന്ധിതമായ ഭക്ഷണക്രത്തെക്കുറിച്ചു പത്താഴ്ച നീണ്ട പഠനം നടത്തിയത്. ഡോ. ജോനാഥൻ ജോൺ സ്റ്റണിന്റെ നേതൃത്വത്തിൽ നടത്തിയ പഠനത്തിൽ, കഴിക്കുന്ന ഭക്ഷണം, ശരീരഘടന, രക്തഘടന ഇവയെ ഭക്ഷണസമയത്തിൽ വരുത്തുന്ന മാറ്റം ബാധിക്കുന്നുണ്ടോ എന്നു പരിശോധിച്ചു.

പഠനത്തിൽ പങ്കെടുത്തവരെ രണ്ടു ഗ്രൂപ്പുകളായി തിരിച്ചു. ഒരു ഗ്രൂപ്പിൽപ്പെട്ട ആളുകളോട് പ്രഭാതഭക്ഷണം 90 മിനിറ്റ് വൈകി കഴിക്കാനും അത്താഴം 90 മിനിറ്റ് അതായത് ഒന്നരമണിക്കൂർ നേരത്തെ കഴിക്കാനും ആവശ്യപ്പെട്ടു. രണ്ടാമത്തെ ഗ്രൂപ്പിൽപ്പെട്ടവരോട് പതിവു സമയത്തുതന്നെ ഭക്ഷണം കഴിക്കാനും ആവശ്യപ്പെട്ടു. പഠനം തുടങ്ങുന്നതിനു മുൻപും പഠനസമയത്തും പഠനം പൂർത്തിയായ ഉടനെയും പഠനത്തിൽ പങ്കെടുത്തവരുടെ രക്തസാംപിളും ഡയറ്റ് ‍ഡയറിയും പരിശോധിച്ചു. പഠനശേഷം ഒരു ചോദ്യാവലിയും ഇവർക്കു നൽകി.

സാധാരണപോലെ ഭക്ഷണം കഴിച്ച കൺട്രോള്‍ ഗ്രൂപ്പിൽപ്പെട്ടവരെ അപേക്ഷിച്ച് ഭക്ഷണസമയത്തിൽ മാറ്റം വരുത്തിയവരുടെ ശരീരത്തിലെ കൊഴുപ്പ് പകുതിയിലധികം കുറഞ്ഞു.

ഭക്ഷണ സമയത്തിൽ മാറ്റം വരുത്തുന്നത് ആരോഗ്യത്തിനു ഗുണം ചെയ്യുമെന്നു പഠനത്തിലൂടെ തെളിഞ്ഞു. എന്തു കഴിക്കണം എന്നതിന് ഗവേഷകർ ഒരു നിയന്ത്രണവും വച്ചിരുന്നില്ല. എന്നിട്ടും സമയമാറ്റം വരുത്തിയവർ, കൺട്രോൾ ഗ്രൂപ്പിൽപ്പെട്ടവരെ അപേക്ഷിച്ച് കുറച്ചു ഭക്ഷണം മാത്രമേ കഴിച്ചുള്ളൂ എന്നു കണ്ടു.

ഭക്ഷണസമയത്തിൽ ചെറിയ മാറ്റം വരുത്തിയപ്പോൾത്തന്നെ ശരീരത്തിലെ കൊഴുപ്പു കുറയ്ക്കാൻ സാധിച്ചു. ഇത് പൊണ്ണത്തടിയും മറ്റ് അനുബന്ധ രോഗങ്ങളും വരാനുള്ള സാധ്യതയും കുറയ്ക്കും. ആരോഗ്യം മെച്ചപ്പെടുത്താൻ ഭക്ഷണസമയത്തിൽ വരുത്തുന്ന മാറ്റം ഏറെ ഉപകരിക്കുമെന്ന് ന്യൂട്രീഷനൽ സയൻസ് ജേണലിൽ പ്രസിദ്ധീകരിച്ച ഈ പഠനം തെളിയിക്കുന്നു.

ഹണിമൂൺ കാലം എങ്ങനെ വേണം?

honeymoon tips
"Designed by Freepik"                      

പണ്ടു കാലത്തേതിൽ നിന്നു വ്യത്യസ്തമായി കല്യാണം തീരുമാനിക്കുമ്പോൾതന്നെ ഹണിമൂൺ ട്രിപ്പ് എങ്ങോട്ടോന്ന് പ്ലാനും വിവാഹിതരാകാൻ പോകുന്നവർ തമ്മിൽ തീരുമാനിച്ചിട്ടുണ്ടാകും. ദാമ്പത്യത്തിന്റെ ആദ്യനാളുകളായ ഹണിമൂൺ ദിനങ്ങളെ ഒരു പരീക്ഷണകാലഘട്ടമായി കരുതുന്നവരുണ്ട്. നല്ല നിലയിൽത്തന്നെ പാസാവേണ്ട എൻട്രൻസ് പരീക്ഷയാണിതെന്ന് വിശ്വസിക്കുന്നവരുമുണ്ട്.

എന്തൊക്കെയായാലും ദാമ്പത്യത്തിന്റെ ആരംഭം ഇവിടെനിന്നു തന്നെയാണ്. മനസ്സിൽ നിന്നു തുടങ്ങി ശരീരത്തിലാകെ ത്രസിച്ചു മനസ്സും ശരീരവും ഒന്നായിത്തീരുന്നതും അവനും അവളും നമ്മളായിത്തീരുന്നതും ഇവിടെയാണ്. അതിനാൽത്തന്നെ വിവാഹത്തിനു ശേഷമുള്ള ആദ്യ നാളുകൾ ദാമ്പത്യ ബന്ധത്തെ കൂടുതൽ ഊഷ്മളമാക്കും.

ലൈംഗികതയിൽ രൂപം, ആകൃതി, ശരീരങ്ങൾ തമ്മിലുള്ള പൊരുത്തം എന്നിവ അവനു പ്രധാനമാണ്. അവൻ വഴി അവൾ എത്രമാത്രം സന്തോഷിക്കുന്നു എന്നതു അവനു പ്രധാനമാണ്. ഇതു പുരുഷനിൽ ലൈംഗിക ഉണർവുണ്ടാക്കും. അവളെ അപേക്ഷിച്ചു ലൈംഗികതയിൽ ഉണർവു നേരത്തെയെത്തുന്നതു അവനിലാണ്.

സാവധാനത്തിൽ പരസ്പരം മനസിലാക്കേണ്ടതാണു പങ്കാളികളുടെ ലൈംഗിക ഇഷ്ടങ്ങളും മറ്റും. അതിനുള്ള ദിനങ്ങളായി ഹണിമൂണിന്റെ ആദ്യകാല ഘട്ടത്തെക്കരുതാം. ആഗ്രഹങ്ങളും ബലഹീനതകളും രുചികളും തുറന്നുപറയുക. ആദ്യരാത്രിയിൽത്തന്നെ ലൈംഗികബന്ധവും രതിമൂർഛയും നേടാനാകാത്തതിൽ വിഷമിക്കേണ്ട. ജീവിതം തുടങ്ങിയിട്ടല്ലേയുള്ളൂ.

എങ്ങനെ ലൈംഗികതയിൽ ഇടപെടുന്നു എന്നതിന്റെ അത്ര തന്നെ പ്രധാനമാണ് എവിടെ ലൈംഗികതയ്ക്കായി തിരഞ്ഞെടുക്കുന്നു എന്നതും, കാരണം ഓരോ വ്യക്തികൾക്കും വൈകാരിക ഉണർവു സമ്മാനിക്കുന്ന ഇടങ്ങൾ വ്യത്യസ്തമായിരിക്കും. എല്ലായ്പ്പോഴും അതു കിടപ്പറ തന്നെ ആയിരിക്കണമെന്നില്ല. ഹണിമൂണിനായി തിരഞ്ഞെടുക്കുന്ന സ്ഥലങ്ങളിൽ വേറിട്ട പശ്ചാത്തലങ്ങളിലെ ലൈംഗികത ദമ്പതികൾക്ക് ആസ്വാദ്യകരമായ പുത്തൻ അനുഭൂതികൾ പകരും.

കൗമാര പ്രായത്തിലെ രതിചിന്തകൾ; എങ്ങനെ നേരിടാം ഈ അവസ്ഥയെ

Designed by Freepik                     

പത്തിൽ പഠിക്കുന്ന മകൻ കുറച്ചു നാളുകളായി ഇടയ്ക്കൊക്കെ കരയും. കാര്യം ചോദിച്ചാൽ മറുപടി ഇല്ല. ഒടുവിൽ അച്ഛനോടു വിവരം പറഞ്ഞു. ഒരു കൂട്ടുകാരൻ അവനെ ഒരു ലൈംഗിക വിഡിയോ കാണിച്ചു. ദൈവവിശ്വാസവും ഉയർന്ന മൂല്യവിചാരവുമുള്ള കുടുംബ സാഹചര്യമായതുകൊണ്ട് അവൻ പിന്നെ താൽപര്യം കാണിച്ചില്ല. അതിൽ കണ്ടതു പോലെ അവൻ അമ്മയെയും അനിയത്തിയെയും ചെയ്യുമോയെന്ന പേടി കുറച്ചുനാൾ കഴിഞ്ഞ് ഉണ്ടാകാൻ തുടങ്ങി. ചെയ്യില്ലെന്ന് അറിയാമെങ്കിലും ആവർത്തിച്ചു വരുന്ന ഈ വിചാരം അവനെ അസ്വസ്ഥനാക്കി. സഹിക്കാനാവാതെ വരുമ്പോള്‍ കരയും. നല്ല കുട്ടിയാണെന്നും അങ്ങനെ സംഭവിക്കില്ലെന്നും ആശ്വസിപ്പിച്ചിട്ടും ഈ പ്രശ്നം തുടരുകയാണ്. എന്താണു ചെയ്യേണ്ടത്?

മൂല്യങ്ങൾ പാലിച്ചു ജീവിക്കണമെന്ന കാഴ്ചപ്പാടുള്ള കൗമാര പ്രായക്കാരന്‍റെ മനസ്സിൽ ഈ ചിന്തകൾ അസ്വസ്ഥതയുളവാക്കാം. സെക്സ് വിഡിയോയിൽ കണ്ടതു പോലെ അമ്മയോടോ പെങ്ങളോടോ പെരുമാറില്ലെന്ന് അവനറിയാം. പക്ഷേ, ഈ വിചാരം ഒഴിഞ്ഞു പോകുന്നില്ല. അതുകൊണ്ട് അതിനു കീഴ്പെട്ടുപോകുമോയെന്ന ആധിയുണ്ടാകുന്നു. തോന്നലുകളെ നിയന്ത്രിക്കാനാവാത്തതുകൊണ്ടു സങ്കടം തോന്നുന്നു. കരയുന്നു. ‘ഒബ്സെഷനെന്ന’ ചിന്താവൈകല്യത്തിന്‍റെ വിളയാട്ടമാണിത്.

ലൈംഗിക ദൃശ്യങ്ങൾ കണ്ടതുകൊണ്ടാണിതെന്ന ലളിതമായ വ്യാഖ്യാനത്തിനുമപ്പുറമാണ് ഈ മാനസികാവസ്ഥ. മാനിസാരോഗ്യപ്രശ്നമായ ഒരു ചിന്താവൈകല്യത്തെ ഉണർത്താൻ ഈ സെക്സ് വിഡിയോകാഴ്ച നിമിത്തമായിയെന്നതു വാസ്തവമാണ്. രതിവിചാരങ്ങളുടെ രസം ആസ്വദിക്കാനായി മനപ്പൂർവം മെനഞ്ഞെടുക്കുന്ന ലൈംഗികഭാവനകളില്‍ നിന്നു വ്യത്യസ്തമാണിത്. അനുവാദമില്ലാതെ ഇടിച്ചു കയറിവരുന്ന ഈ ചിന്തകൾ അശാന്തിയാണ് ഉണ്ടാക്കുന്നത്. ധാർമികതയ്ക്കു ചേരാത്ത ഇവയെ ആട്ടിയകറ്റാൻ ശ്രമിക്കുമ്പോൾ കൂടുതൽ ശക്തിയോടെ ഉപദ്രവിക്കും. ചികിൽസ വേണ്ട ഒരു മനോരോഗമാണിത്.

ഇത്തരം ലൈംഗിക ഒബ്സഷനുകളുടെ പിടിയിൽ പെടുമ്പോൾ പലരും സാമൂഹിക സാഹചര്യങ്ങളിൽ നിന്ന് ഒഴിഞ്ഞു മാറും. അമ്മയോടോ സഹോദരിയോടോ ഇടപെടുവാൻ വിമുഖത പ്രകടിപ്പിക്കും. നേരില്‍ കാണുമ്പോഴെല്ലേ ഉപദ്രവിക്കുമോയെന്ന പേടി വർധിക്കുന്നത്. ചിലർ ഇതിലെ പാപബോധം ഇല്ലാതാക്കാൻ പരിഹാരപ്രവൃത്തികൾ ചെയ്തു കൊണ്ടിരിക്കും. അകാരണമായ കുറ്റബോധം വേണ്ടെന്ന് അവനെ പറഞ്ഞു മനസ്സിലാക്കണം. ഇതു മനസ്സിന്‍റെ വികൃതിയാണെന്നും മനഃശാസ്ത്രപരമായ പരിഹാരം തേടണമെന്നും ബോധ്യപ്പെടുത്തണം. അമ്മയും സഹോദരിയും അകന്നു മാറാൻ ശ്രമിക്കേണ്ട. ഈ വിചാരമുണ്ടെങ്കിലും അവൻ ഇതൊന്നും ചെയ്യില്ലെന്ന ആത്മധൈര്യം ഉണരട്ടെ അവന്‍റെ ധർമസങ്കടം ഉൾക്കൊള്ളുന്നുണ്ടെന്ന വിശ്വാസം ഉണ്ടാകട്ടെ. ശാസ്ത്രീയമായ ചികിൽസകൾ വേണ്ട അവസ്ഥയാണിത്. ലൈംഗിക ഒബ്സഷനുകളെ ദുർബലപ്പെടുത്തുന്ന ഔഷധങ്ങളും നൽകേണ്ടിവരും. ചിന്തകളെ നിയന്ത്രിക്കാനുള്ള കെല്‍പു സൃഷ്ടിച്ചെടുക്കണം. മനസ്സിനെ പൊള്ളിക്കുന്ന ഈ വിചാര ങ്ങളിൽനിന്ന് ഇവൻ മുക്തിനേടും തീർച്ച

Saturday, 22 September 2018

വെളിച്ചെണ്ണയിൽ ശ്രദ്ധിക്കണം ഈ കാര്യങ്ങൾ

cooking oil healthy life

പാചകയെണ്ണ വെളിച്ചെണ്ണ മാത്രമായിരുന്ന ഒരു കാലമുണ്ടായിരുന്നു. വിളഞ്ഞ തേങ്ങ വെട്ടിയുണക്കി കൊപ്രയാക്കി മില്ലിൽക്കൊണ്ടുപോയി കൊടുത്ത് സ്ഫടികസമാനമായ വെളിച്ചെണ്ണ തിരികെ വാങ്ങുമായിരുന്ന കാലം. എള്ള് ആട്ടി എടുക്കുന്ന നല്ലെണ്ണയും അക്കാലത്തു പാചകത്തിനായി ഉപയോഗിച്ചിരുന്നു.

എന്നാലിന്നു പായ്ക്കറ്റിലും കുപ്പികളിലുമായി സ്വദേശിയും വിദേശിയുമായ നിരവധി എണ്ണകൾ വിപണിയിലെത്തിയിട്ടുണ്ട്. സൂര്യകാന്തി എണ്ണയും സോയാബീൻ എണ്ണയും ഒലീവ് ഓയിലുമൊക്കെ നമ്മുടെ പ്രിയപ്പെട്ട പാചക എണ്ണകളായി മാറിയിരിക്കുന്നു. എണ്ണ ഉപയോഗം ആരോഗ്യത്തിനു ഹാനികരമാകാതെയിരിക്കണമെങ്കിൽ എണ്ണയുടെ സവിശേഷതകളെക്കുറിച്ചും അവ പാചകത്തിന് ഉപയോഗിക്കുമ്പോൾ ഉണ്ടാകുന്ന രാസവ്യതിയാനങ്ങളെക്കുറിച്ചുമുള്ള അറിവുണ്ടാകണം.

എണ്ണ പാചകത്തിനുപയോഗിക്കുമ്പോൾ അറിഞ്ഞിരിക്കേണ്ട രണ്ടു കാര്യങ്ങളാണ് സ്മോക്ക് പോയിന്റും എണ്ണയ്ക്കു തീ പിടിക്കുന്ന ഫ്ളാഷ് പോയിന്റും. ചൂടാക്കുമ്പോൾ ഏതു താപനിലയിലാണ് എണ്ണ പുകയുന്നത് അതാണ് ആ എണ്ണയുടെ സ്മോക്ക് പോയിന്റ്. സ്മോക്ക് പോയിന്റ് ഉയർന്നതാണെങ്കിൽ ആ എണ്ണ നമുക്ക് ഉയർന്ന താപനിലയിൽ ചൂടാക്കാം. എന്നാൽ സ്മോക്ക് പോയിന്റ് കുറഞ്ഞ എണ്ണയെ വറുക്കലിനും പൊരിക്കലിനും മറ്റുമായി അധികനേരം ചൂടാക്കുമ്പോൾ എണ്ണയിലുണ്ടാകുന്ന ഫ്രീറാഡിക്കലുകളും മറ്റുരസഘടകങ്ങളും കാൻസറിനും രക്തധമനികളുടെ ജരിതാവസ്ഥയ്ക്കും ഹൃദ്രോഗത്തിനുമൊക്കെ കാരണമാകാം. പൊതുവേ സസ്യഎണ്ണകൾക്കാണ് ഉയർന്ന സ്മോക്ക് പോയിന്റ് ഉള്ളത്. എന്നാൽ എണ്ണ ആവർത്തിച്ചു ചൂടാക്കുമ്പോൾ സ്മോക്ക് പോയിന്റ് വീണ്ടും കുറയുന്നു.

വെളിച്ചെണ്ണയുടെ സ്മോക്ക് പോയിന്റ് കുറവാണ്. അതുകൊണ്ട് ഏറെനേരമെടുത്തുള്ള വറുക്കലിനും പൊരിക്കലിനും വെളിച്ചെണ്ണ യോജിച്ചതല്ല. എന്നാൽ സൂര്യകാന്തി എണ്ണയുടെ സ്മോക്ക് പോയിന്റ്.(460 ഡിഗ്രി ഫാരൻഹീറ്റ്) ഉയർന്നതായതിനാൽ ദീർഘനേരമുള്ള വറുക്കലിനും പൊരിക്കലിനും ഉത്തമമാണ്. നിലക്കടല എണ്ണ, തവിടെണ്ണ, എള്ളെണ്ണ തുടങ്ങിയവയ്ക്കും ഉയർന്ന സ്മോക്ക് പോയിന്റ് ഉണ്ട്. സോയോബീൻ എണ്ണ, ഒലീവ് എണ്ണ എന്നിവയ്ക്കു താഴ്ന്ന സ്മോക്ക് പോയിന്റ് ആയതിനാൽ വറുക്കാൻ ഉപയോഗിക്കരുത്.

പുകയുന്നതു വരെ ചൂടാക്കരുത്

∙ പുകയുന്നതു വരെ എണ്ണ ചൂടാക്കരുത്. ഈ ഘട്ടമെത്തിയാൽ കാൻസറിനു കാരണമാകുന്ന ഘടകങ്ങൾ ഉണ്ടാകും.

∙ പാചകം ചെയ്യുമ്പോൾ എണ്ണ അളന്നു മാത്രം ഉപയോഗിക്കുക.

∙ ഉപയോഗിച്ച എണ്ണ വീണ്ടും ഉപയോഗിക്കരുത്. ഉപയോഗിച്ച എണ്ണയും പുതിയ എണ്ണയും കലർത്തി ഉപയോഗിക്കരുത്.

∙ ഡാൽഡ പോലുള്ള ഹൈഡ്രോജനേറ്റഡ് എണ്ണ പാചകത്തിന് ഉപയോഗിക്കരുത്. ഇവയിലടങ്ങിയിരിക്കുന്ന ട്രാൻസ്ഫാറ്റ് ഹൃദ്രോഗം, കാൻസർ, പ്രമേഹം, മറവിരോഗം, പൊണ്ണത്തടി, കരൾ രോഗങ്ങൾ എന്നിവയ്ക്കു കാരണമാകാം.

പാചകഎണ്ണകൾ പലതരം

പാചകത്തിനായുള്ള വിവിധതരം എണ്ണകൾ കൊളസ്ട്രോളുമായി ബന്ധപ്പെട്ടിരിക്കുന്നത് അവയിലടങ്ങിയിരിക്കുന്ന ഫാറ്റി ആസിഡുകളുടെ സ്വഭാവമനുസരിച്ചാണ്. പൂരിത കൊഴുപ്പുകൾ എണ്ണയിൽ അമിതമായി അടങ്ങിയിട്ടുണ്ടെങ്കിൽ ആ എണ്ണ ആകെ കൊളസ്ട്രോളിന്റെയും ചീത്ത കൊളസ്ട്രോളിന്റെയും അളവ് കൂട്ടുന്നു. പാമോയിൽ, വെളിച്ചെണ്ണ തുടങ്ങിയ എണ്ണകളിലും വെണ്ണ, നെയ്യ് തുടങ്ങിയ പാൽ ഉൽപന്നങ്ങളിലും പൂരിതകൊഴുപ്പ് ഏറെ ഉള്ളതിനാൽ കൊളസ്ട്രോളിന്റെ പ്രശ്നങ്ങൾ ഉള്ളവർക്ക് ഇവ നല്ലതല്ല. എന്നാൽ അപൂരിത കൊഴുപ്പുകൾ ചീത്തകൊളസ്ട്രോളിന്റെ അളവ് കുറയ്ക്കുകയാണു ചെയ്യുന്നത്. സൂര്യകാന്തി എണ്ണ, എള്ളെണ്ണ, സോയാബീൻ എണ്ണ, സൺഫ്ളവർ എണ്ണ, ഒലിവെണ്ണ, നിലക്കടലയെണ്ണ തുടങ്ങിയവയിൽ അപൂരിത കൊഴുപ്പുകൾ കൂടുതലായി അടങ്ങിയിട്ടുള്ളതുകൊണ്ട് കൊളസ്ട്രോൾ രോഗികൾക്ക് ഉത്തമാണ്. ശരീരത്തിന്റെ പ്രതിരോധശേഷി വർധിപ്പിക്കാനും ഹൃദ്രോഗത്തെ പ്രതിരോധിക്കാനും സഹായിക്കുന്ന ഒമേഗ 3 ഫാറ്റി ആസിഡ് മീനെണ്ണ, ഫാള്ക്സ് സീഡ്, സോയാബീൻ, വാൾനട്ട് എന്നിവയിലും കൂടുതലായി കാണപ്പെടുന്നു.

എണ്ണകൾ കലർത്താമോ?

എണ്ണകൾ കലർത്തി ഉപയോഗിക്കുന്ന രീതിക്ക് ആരോഗ്യകരമായി കുഴപ്പമൊന്നുമില്ല. എന്നാൽ വീടുകളിലെ പാചകത്തിൽ ഇത് നിർബന്ധമല്ല. പകരം മറ്റൊരു മാർഗം സ്വീകരിക്കാം. വെളിച്ചെണ്ണയാണല്ലോ നാം പൊതുവേ ഉപയോഗിച്ചു വരുന്നത്, ശീലം മാറ്റിയെടുക്കാം. ഉദാ. മീൻകറിയുണ്ടാക്കാൻ വെളിച്ചെണ്ണ ഉപയോഗിച്ചെങ്കിൽ മറ്റു കറികൾക്കോരോന്നിനും തവിടെണ്ണ, കടലയെണ്ണ, എള്ളെണ്ണ, സൂര്യകാന്തിയെണ്ണ എന്നിങ്ങനെയുള്ള എണ്ണകൾ മാറി മാറി ഉപയോഗിക്കാം. ഈ എണ്ണകളിൽ നിന്നുള്ള വിവിധ പോഷകങ്ങൾ ലഭിക്കുകയും ചെയ്യും.

ഗുണകരമായ ഏകപൂരിതകൊഴുപ്പുകളും ബഹുപൂരിതകൊഴുപ്പുകളും ഈ എണ്ണകളിൽ സമൃദ്ധമായുണ്ട്. എണ്ണകളിലെ ഒമേഗ 3 —ഒമേഗ 6 അനുപാതവും ശ്രദ്ധിക്കണം. ഒമേഗാ 6 ഒമേഗ 3 അനുപാതം 10 :1 എന്ന രീതിയിലായിരുന്നു പറഞ്ഞിരുന്നത്. എന്നാൽ ഒമേഗാ 3 യുടെ അളവു കൂട്ടിയെടുക്കണം എന്നാണു പുതിയ പഠനങ്ങൾ പറയുന്നത്.

സാധാരണയായി ഒരാൾക്ക് ഒരു ദിവസം നാലു ടീസ്പൂൺ എണ്ണ മതി. മറ്റ് ആഹാരപദാർഥങ്ങളിൽ നിന്നു ബാക്കി എണ്ണ ലഭിച്ചുകൊള്ളും. ബ്ലെൻഡു ചെയ്ത എണ്ണകൾ വിപണിയിൽ വ്യാപകമാണ്. ഉദാ. സഫോള ഓയിലിൽ 70 ശതമാനം തവിടെണ്ണയും 30 ശതമാനം സാഫ്ഫ്ളവർ ഓയിലും കലർത്തിയിട്ടുണ്ടത്രേ. സുനോള ഓയിൽ എന്ന പാചകഎണ്ണയിൽ സോയ എണ്ണയ്ക്കൊപ്പം സൂര്യകാന്തി എണ്ണയോ, കനോള ഓയിലോ ആണു കലർത്തിയിരിക്കുന്നത്. എണ്ണയിൽ പോളി അൺസാച്യുറേറ്റഡ് ഫാറ്റി ആസിഡാണു കൂടുതലെങ്കിൽ തിളപ്പിക്കാൻ പാടില്ല. ചൂടാക്കുക മാത്രമേ പാടുള്ളൂ.

സ്ത്രീകളുടെ ലൈംഗികതയെക്കുറിച്ച് പുതിയ കണ്ടെത്തലുമായി ഗവേഷകർ

women with this have better sex
Designed by freepik                          

സ്ത്രീകളുടെ ലൈംഗികതാല്‍പര്യങ്ങളെ കുറിച്ചുള്ള പഠനത്തില്‍ പുതിയൊരു കണ്ടെത്തല്‍. നന്നായി മണങ്ങള്‍ തിരിച്ചറിയാന്‍ സാധിക്കുന്ന സ്ത്രീകളുടെ ലൈംഗികജീവിതം മികച്ചതായിരിക്കുമെന്നാണു കണ്ടെത്തല്‍.

18 മുതല്‍ 36 വരെ പ്രായമുള്ള സ്ത്രീകളില്‍ നടത്തിയൊരു പഠനത്തിലാണ് ഈ കണ്ടെത്തല്‍. ഘ്രാണശക്തിയും ലൈംഗികജീവിതവും തമ്മില്‍ ബന്ധമുണ്ടെന്നു തന്നെയാണ് ഇവരില്‍ നടത്തിയ പഠനം പറയുന്നത്. മുകളില്‍ പറഞ്ഞ പ്രായഗ്രൂപ്പില്‍പ്പെട്ട 42 സ്ത്രീകളിലും 28 പുരുഷന്മാരിലും നടത്തിയ പഠനത്തിലാണ് ഈ നിഗമനം.

കൂടുതല്‍ ഘ്രാണശക്തിയുള്ള സ്ത്രീകളുടെ സെക്സ് ജീവിതവും മികച്ചതായിരിക്കുമെന്ന് ഗവേഷകർ പറയുന്നു.

മണങ്ങൾ തിരിച്ചറിയാനുള്ള ശേഷി ലൈംഗികജീവിതത്തിൽ പോസിറ്റീവ് ആയി സ്വാധീനം ചെലുത്തുന്നുണ്ടത്രേ. പുരുഷന്റെ വാസം, ഇണയുടെ വിയര്‍പ്പിന്റെ ഗന്ധം എന്നിവയെല്ലാം ഇവരെ വേഗത്തില്‍ സ്വാധീനിക്കും. ലൈംഗിക ഉത്തേജനത്തിന് ഇത് അവരെ സഹായിക്കുന്നുവെന്നാണു കണ്ടെത്തല്‍.

Tuesday, 18 September 2018

വിക്‌സ് ആക്ഷന്‍ 500-നു നിരോധനമില്ലെന്നു നിർമാതാക്കള്‍



പനിക്കും ജലദോഷത്തിനും നല്‍കുന്ന വിക്‌സ് ആക്ഷന്‍ 500-ന് കേന്ദ്ര സര്‍ക്കാര്‍ നിരോധനം ഏര്‍പ്പെടുത്തിയിട്ടില്ലെന്ന് നിര്‍മാതാക്കളായ പ്രോക്ടര്‍ ആന്‍ഡ് ഗാമ്പിള്‍ അറിയിച്ചു. സെപ്തംബര്‍ ഏഴിന് കേന്ദ്ര ആരോഗ്യ മന്ത്രാലയം നിരോധിച്ച 328 എഫ്ഡിസി (രണ്ടോ അതിലധികമോ ഔഷധങ്ങള്‍ നിശ്ചിത അനുപാതത്തില്‍ ചേര്‍ത്തുണ്ടാക്കുന്നവ) മരുന്നുകളില്‍ വിക്‌സ് ആക്ഷന്‍ 500-ഉം ഉണ്ടെന്ന് റിപ്പോര്‍ട്ടുകളുണ്ടായിരുന്നു.

വിക്‌സ് എന്നും രാജ്യത്തെ നിയമം പാലിച്ചുകൊണ്ടാണ് പ്രവര്‍ത്തിച്ചിട്ടുള്ളതെന്നും ഉപഭോക്താക്കളുടെ ആരോഗ്യസംരക്ഷണത്തിനാണ് പ്രഥമ പരിഗണന നല്‍കുന്നതെന്നും കമ്പനി അധികൃതർ പറഞ്ഞു. ഇന്ത്യ ഉള്‍പ്പെടെ 60 രാജ്യങ്ങളിലെ സര്‍ക്കാര്‍ റെഗുലേറ്റര്‍മാരുടെ അംഗീകാരം വിക്‌സിന്റെ ഔഷധങ്ങള്‍ക്കുണ്ടെന്നും കമ്പനി വ്യക്തമാക്കി.

Thursday, 21 June 2018

ജോലിയിലെ സമ്മർദവും ദാമ്പത്യപ്രശ്നങ്ങളും

work pressure in family life
Designed by Freepik                

ഒരു അന്താരാഷ്ട്ര െഎടി കമ്പനിയിൽ എൻജിനീയറായിരുന്നു ധന്യ. പ്രശാന്ത് അറിയപ്പെടുന്ന ബിസിനസ്കാരനും. അമേരിക്കൻ കമ്പനിയിലായിരുന്നു ധന്യയ്ക്ക് ജോലി. അതുകൊണ്ടു തന്നെ രാത്രി ഷിഫ്റ്റിലാണ് ജോലി ചെയ്യേണ്ടി വന്നിരുന്നത്. രാത്രി ഒൻപതു മണിക്ക് ജോലിക്കു കയറുന്ന ധന്യ രാവിലെ എട്ടു മണിയാകുമ്പോഴാണ് ജോലി കഴിഞ്ഞ് വീട്ടിൽ തിരിച്ചെത്തിയിരുന്നത്. ആ സമയമാകുമ്പോഴേക്കു പ്രശാന്ത് ജോലിക്കു പോകാൻ തയാറായിട്ടുണ്ടാവും.

തുടക്കത്തിൽ വളരെ ആസ്വദിച്ചു ചെയ്തിരുന്നെങ്കിലും ജോലിയിലെ അമിത ഭാരവും മേലുദ്യോഗസ്ഥരുടെ സമ്മർദവുമൊക്കെ ആയിപ്പോൾ ധന്യയ്ക്ക് പലവിധ ശരീരിക ബുദ്ധിമുട്ടുകളും ആരംഭിച്ചു. തലവേദന, ഛർദി, ശ്വാസം മുട്ടൽ തുടങ്ങിയ പലവിധ രോഗങ്ങൾ കഴിഞ്ഞ രണ്ടു മൂന്നു വർഷമായി ധന്യയെ അലട്ടിക്കൊണ്ടിരുന്നു. ചികിത്സകൾ മാറി മാറി ചെയ്തെങ്കിലും ശാശ്വതപരിഹാരം ഉണ്ടായില്ല. ഏതു ചികിത്സ ചെയ്താലും താൽകാലികമായ ഫലം മാത്രം കിട്ടും.

ഒരു കുഞ്ഞിക്കാൽ കാണാനുള്ള ആഗ്രഹം അഞ്ചു വർഷമായിട്ടും നടക്കാത്തിെൻറ നിരാശ പ്രശാന്തിനും ധന്യയ്ക്കും ഇരുവരുടെയും വീട്ടുകാർക്കും ഉണ്ടായിരുന്നു. വിവാഹം കഴിഞ്ഞ് ആദ്യത്തെ ഒരു വർഷം കുഞ്ഞിനുവേണ്ടി ശ്രമിച്ചില്ല. ഒരു വർഷം കഴിഞ്ഞിട്ടു മതി എന്നായിരുന്നു ഇരുവരുടെയും തീരുമാനം. പക്ഷേ, പിന്നീട് ശ്രമിച്ചപ്പോൾ ഗർഭിണിയായതുമില്ല.

കുഞ്ഞു വേണമെന്ന ആഗ്രഹം ഇരുവർക്കും ഉണ്ടായിരുന്നെങ്കിലും അതിനായി സമയം നീക്കി വയ്ക്കാൻ അവർക്ക് കഴിഞ്ഞില്ല. പ്രശാന്ത് ജോലിക്ക് പോകുന്ന സമയത്താണ് ധന്യ ജോലി കഴിഞ്ഞ് എത്തുന്നത്. മാതാപിതാക്കൾ‌ നിർബന്ധിക്കുമ്പോൾ ഒന്നു രണ്ടു ദിവസം ലീവെടുത്ത് ഏതെങ്കിലും വന്ധ്യതാ ചികിത്സകനെ പോയി കാണും. പലപ്പോഴും ചികിത്സ മുഴുവിപ്പിക്കാറുമില്ല..

ഇരുവരും തമ്മിൽ പ്രശ്നങ്ങൾ രൂക്ഷമായപ്പോഴാണ് മാതാപിതാക്കൾ‌ ഇടപെട്ട് ഞങ്ങളുടെയടുത്ത് എത്തിക്കുന്നത്. വന്ധ്യത ചികിത്സയുടെ ഭാഗമായുള്ള എല്ലാ പരിശോധനകളിലും ഇരുവരും നോർമലായിരുന്നു. രണ്ടുപേരുടെയും പ്രശ്നങ്ങൾ കൂടുതൽ മനസ്സിലാക്കാനും പ്രശ്നങ്ങൾക്ക് പരിഹാരം കണ്ടെത്താനും നാലഞ്ചു ദിവസം ആശുപത്രിയിൽ താമസിച്ച് ചികിത്സ നടത്താൻ നിർദേശിച്ചു.

കഴിഞ്ഞ ഏതാനും വർഷങ്ങളായി ധന്യ അനുഭവിച്ചു കൊണ്ടിരുന്ന ശാരീരിക പ്രശ്നങ്ങളാണ് അവളെ ലൈംഗികതയിൽനിന്ന് അകറ്റിക്കൊണ്ടിരുന്നത്.
ശ്വാസം മുട്ടൽ, ഛർദി, തലവേദന തുടങ്ങിയ പ്രശ്നങ്ങൾ ഒഴിഞ്ഞ നേരമുണ്ടായിരുന്നില്ല. ഈ രോഗങ്ങളൊക്കെ ധന്യയെ തേടിയെത്തിയതാവട്ടെ, ജോലി സംബന്ധമായള്ള കടുത്ത മാനസിക സമ്മർദം കൊണ്ടായിരുന്നു.

എപ്പോഴും ക്ഷീണവും രോഗങ്ങളുമായതിനാൽ ലൈംഗിക ബന്ധത്തെക്കുറിച്ച് ചിന്തിക്കുന്നതു പോലും ധന്യയ്ക്ക് ബുദ്ധിമുട്ടായിരുന്നു. ധന്യയും പ്രശാന്തും തമ്മിൽ ശാരീരിക ബന്ധം തന്നെ ശരിക്കു നടന്നിരുന്നില്ല.

ജോലി ഉപേക്ഷിക്കണം എന്ന് ആവശ്യപ്പെട്ടുകൊണ്ടുള്ള വീട്ടുകാരുടെ സമ്മർദങ്ങളും കുട്ടികൾ ഉണ്ടാകാത്തതിെൻറ പേരിലുള്ള കുറ്റപ്പെടുത്തലുകളും കൂടി ആയപ്പോൾ, ചെകുത്താനും കടലിനും നടുവിൽ‌ പെട്ടുപോയ അവസ്ഥയിലായി ധന്യ.

തൽക്കാലം ആറുമാസത്തേക്ക് ലീവെടുക്കാൻ ധന്യയോട് ആവശ്യപ്പെട്ടു. മാനസിക സമ്മർദങ്ങളിൽ നിന്ന് മോചനം കിട്ടിയതോടെ രോഗങ്ങൾ മാറി. നാലു മാസം കഴിഞ്ഞപ്പോൾ ധന്യ ഗർഭിണിയാവുകയും ചെയ്തു.

തൊഴിലിടങ്ങളിൽ സമ്മർദങ്ങളുണ്ടാവുന്നത് ഇന്നത്തെ കാലത്ത് സ്വാഭാവികമാണ് . അതിനെ നന്നായി മാനേജ് ചെയ്യാൻ‌ പഠിച്ചിരിക്കണം. സമ്മർദങ്ങളെ വരുതിക്കു നിർത്താൻ പഠിച്ചില്ലെങ്കിൽ അതു രോഗങ്ങളിലേക്കും ദാമ്പത്യപ്രശ്നങ്ങളിലേക്കും വിവാഹമോചനത്തിലേക്കും നയിച്ചേക്കാം.

റോബോട്ടുകളുമായി സെക്സ്; യാതൊരു ഗുണവുമില്ലെന്നു വിദഗ്ധര്‍

Having sex with robots

മനുഷ്യന്റെ കിടപ്പറകള്‍ സെക്സ് റോബോട്ടുകള്‍ കീഴടക്കാന്‍ പോകുന്നു എന്നെല്ലാം വാര്‍ത്തകള്‍ വരാന്‍ തുടങ്ങിയിട്ട് കാലങ്ങളായി. ആര്‍ട്ടിഫിഷ്യല്‍ ഇന്റലിജന്‍സും സിക്‌സ് പായ്ക്കുമെല്ലാമുള്ള പുരുഷ സെക്‌സ് റോബോട്ടുകളെ വിപണിയില്‍ ഇറക്കുമെന്ന് അടുത്തിടെ ഒരു അമേരിക്കന്‍ കമ്പനി പ്രഖ്യാപിച്ചിരുന്നു.

എന്നാല്‍ ഈ സെക്സ് റോബോട്ടുകളെക്കൊണ്ട് എന്തെങ്കിലും ഗുണമുണ്ടോ? ഇല്ലെന്നാണ് BMJ സെക്‌ഷ്വല്‍ ആന്‍ഡ്‌ റിപ്രൊഡക്ടീവ് ഹെല്‍ത്തില്‍ പ്രസിദ്ധീകരിച്ച ഒരു റിപ്പോര്‍ട്ടില്‍ പറയുന്നത്. ബ്രിട്ടനിലെ സെന്റ്‌ ജോര്‍ജ് സര്‍വകലാശാല ആശുപത്രിയിലെ ഡോക്ടര്‍ ചാന്‍റ്റല്‍ കോക്സ്, ലണ്ടന്‍ കിങ്ങ്സ് ആശുപത്രിയിലെ ഡോക്ടർ ബേവ്ലി എന്നിവരാണ് ഈ പഠനത്തിനു നേതൃത്വം നൽകിയത്. റോബോട്ടുകളുമായി സെക്സ് ചെയ്യുന്നത് കൊണ്ട് യാതൊരു വിധ ആരോഗ്യഗുണങ്ങളും ഉണ്ടാകുന്നില്ലെന്നാണ് ഇവരുടെ പഠനം പറയുന്നത്.

സെക്സ് റോബോട്ടുകളും മനുഷ്യരും തമ്മിലുള്ള ശാരീരിക ബന്ധം സംബന്ധിച്ച് ഇതുവരെ ഇത്തരമൊരു പഠനം നടന്നിരുന്നില്ല. അതുകൊണ്ടുതന്നെ ഈ പഠനം ആരംഭിച്ചത് പൂജ്യത്തില്‍ നിന്നായിരുന്നു. ഷെഫീല്‍ഡ് സര്‍വകലാശാലയിലെ ആര്‍ട്ടിഫിഷ്യല്‍ ഇന്റലിജൻസ് ആന്‍ഡ്‌ റോബോട്ടിക്സ് പ്രഫസര്‍ നോയേല്‍ ഷാർക്ക്‌ലി പറയുന്നതും മനുഷ്യനും റോബോട്ടുകളും തമ്മിലെ ഈ ബന്ധത്തെക്കുറിച്ച് ഇതുവരെ പൂര്‍ണമായൊരു പഠനം പുറത്തുവന്നിട്ടില്ലെന്നാണ്.

സെക്സ് റോബോട്ടുകള്‍ക്കായി അടുത്തിടെ വൻതോതില്‍ ആവശ്യക്കാര്‍ ഉണ്ടായിട്ടുണ്ട്. ഇത് മനുഷ്യര്‍ ഉപയോഗിച്ചു തുടങ്ങിയാല്‍ മാത്രമാകും ചിലപ്പോള്‍ ഇതിന്റെ കൂടുതല്‍ പോരായ്മകൾ കണ്ടെത്താന്‍ സാധിക്കുകയെന്ന് കലിഫോര്‍ണിയ പൊളിടെക്നിക് സ്റ്റേറ്റ് സര്‍വകലാശാലയിലെ ഗവേഷണവിദ്യാര്‍ഥി ജൂലി കാര്‍പെന്റര്‍ പറയുന്നു. പലരും ഡോക്ടര്‍മാരോട് സെക്സ് റോബോട്ടുകളെ ഉപയോഗിക്കുന്നതിനെപ്പറ്റി അഭിപ്രായം ആരാഞ്ഞു തുടങ്ങിയതോടെയാണ് അവർ ഇതിനെപ്പറ്റി പഠിക്കാൻ തുടങ്ങിയത്.

സേഫ് സെക്സ് എന്ന നിലയിലും പങ്കാളികള്‍ ഇല്ലാത്തര്‍ക്ക് തുണയാകാനുമാണ് സെക്സ് റോബോട്ടുകളെ വിപണിയിലെത്തിക്കാൻ ആദ്യം തീരുമാനിച്ചത്. എന്നാല്‍ പിന്നീടിത് കൂടുതല്‍ പേരിലേക്ക് എത്തുകയായിരുന്നു. ഒരു പ്രമുഖ സെക്സ് പാവ നിര്‍മാതാക്കള്‍ പറയുന്നത്, ഒരു മനുഷ്യന്‍ പ്രതീക്ഷിക്കുന്നത് എന്തും നല്‍കാന്‍ തങ്ങളുടെ സെക്സ് പാവകള്‍ക്കു സാധിക്കുമെന്നാണ്. തങ്ങളുടെ ഏറ്റവും മുന്തിയ സെക്സ് പാവയായ ‘റോക്കി’ സ്നേഹവും പിന്തുണയും പോലും നല്‍കുമെന്നും ഇവര്‍ അവകാശപ്പെടുന്നു.

എന്നാല്‍ മനുഷ്യര്‍ തമ്മില്‍ ഉണ്ടാകുന്ന വൈകാരിക അടുപ്പം ഒരിക്കലും സെക്സ് പാവകള്‍ക്കു നല്‍കാന്‍ സാധിക്കില്ല എന്നാണ് മിക്കവരും പറയുന്നത്. മാത്രമല്ല, മനുഷ്യരെ ഇത് ഒറ്റപ്പെടലിലേക്കു നയിക്കുമെന്നും ചിലര്‍ പറയുന്നു. വന്‍ നഗരങ്ങളില്‍ സെക്സ് റോബോട്ടുകള്‍ക്ക് വൻതോതിൽ ആവശ്യക്കാരുണ്ടാകുന്നുണ്ട്. പങ്കാളികളെ ആവശ്യമില്ലെന്ന് തോന്നുന്നവര്‍ക്ക് സെക്സ് പാവകളോടാണ് കൂടുതല്‍ താൽപര്യം. കംപ്യുട്ടര്‍ പ്രോഗ്രാമുകൾ വഴി നിയന്ത്രിക്കുന്ന ഇത്തരം പാവകൾ വൈകല്യങ്ങളുള്ളവര്‍ക്കും രോഗികള്‍ക്കും ആശ്വാസമാണ്. ഇവരുടെ ശാരീരിക ആവശ്യങ്ങള്‍ നിര്‍വഹിക്കാന്‍ ഇവ സഹായിക്കും. റോബോട്ടുകളുമായുള്ള ലൈംഗിക ബന്ധം എപ്പോഴും ലഭ്യമാവുന്നതും എളുപ്പമാണെന്നും പലരും അഭിപ്രായപ്പെടുന്നു.

നൂറുകണക്കിനു സംശയങ്ങളാണ് ലോകത്തിന്റെ വിവിധ കോണുകളില്‍നിന്ന് സെക്സ് റോബോട്ടുകളെപ്പറ്റി ഉയരുന്നത്. ഇത്തരം ആശങ്കകള്‍ തങ്ങള്‍ക്കുമുണ്ടെന്ന് റോബോട്ടിക്സ് വിദഗ്ധന്‍ നോയേല്‍ ഷാർക്ക്‌ലി പറയുന്നു. അടുത്തിടെ ലണ്ടനില്‍ സെക്സ് പാവകളെ ഉപയോഗിച്ചൊരു വേശ്യാലയം ആരംഭിച്ചിരുന്നു. എന്നാല്‍ ഇത്തരം കൃത്രിമവസ്തുക്കള്‍ കണ്ടാല്‍ മനുഷ്യരില്‍ ഉത്തേജനം ഉണ്ടാകുമോ എന്ന് സംശയമാണെന്ന് ഈ രംഗത്ത് പഠനം നടത്തുന്ന റിച്ചാര്‍ഡ്‌സണ്‍ പറയുന്നു. എന്തായാലും സെക്സ് റോബോട്ടുകളും മനുഷ്യരും എന്ന വിഷയത്തില്‍ കൂടുതല്‍ പഠനങ്ങള്‍ ആവശ്യമാണെന്നു തന്നെയാണ് വിദഗ്ധര്‍ പറയുന്നത്.

സെക്സിനിടയിലെ ഈ അപകടങ്ങളെ സൂക്ഷിക്കുക

danger alert sex
Designed by Freepik                        

ലൈംഗികത എന്നാല്‍ ആസ്വദിക്കാനുള്ളതാണ്. സ്ത്രീയും പുരുഷനും അത് ഒരുപോലെ ആസ്വദിച്ചാല്‍ മാത്രമേ ലൈംഗികത പൂര്‍ണതയില്‍ എത്തുകയുള്ളൂ. ശരീരത്തിനും മനസ്സിനും സന്തോഷം നല്‍കുന്ന ലൈംഗികത ചിലപ്പോള്‍ അപകടകരവുമാണ്. അതെ, അങ്ങനെയൊരു വശം കൂടിയുണ്ട് ലൈംഗികതയ്ക്ക്.

സെക്സിനിടയില്‍ ഒഴിവാക്കേണ്ടതോ, അല്ലെങ്കില്‍ ശ്രദ്ധിക്കേണ്ടതോ ആയ ചില സംഗതികള്‍ കൂടിയുണ്ട്. നിസ്സാരമെന്നു കരുതുന്ന അത് ചിലപ്പോള്‍ നല്‍കുക എട്ടിന്റെ പണിയുമാകും. അത് എന്തൊക്കെയെന്നു നോക്കാം.

ചെറിയ മുറിവുകള്‍

ലൈംഗികബന്ധത്തിനിടയില്‍ ചിലപ്പോള്‍ സംഭവിക്കാവുന്ന ഒന്നാണ് ഈ മുറിവുകള്‍. ഇത് സ്ത്രീക്കും പുരുഷനും സംഭവിക്കാം. ദീര്‍ഘനേരം നീണ്ടു നില്‍ക്കുന്ന സംയോഗവേളകളില്‍ ചിലപ്പോള്‍ ഇത്തരം മുറിവുകള്‍ ഉണ്ടാകാന്‍ സാധ്യതയുണ്ട്.

ലിംഗത്തിന് ഒടിവ് 


സെക്സിലെ ഏറ്റവും അപകടകരമായ അവസ്ഥയാണ് ഇത്. തെറ്റായ പൊസിഷൻ സ്വീകരിക്കുന്നതാണ് ഇതിനു കാരണം. ലൈംഗികബന്ധസമയത്ത് രക്തപ്രവാഹം മൂലമാണ് ലിംഗം വികസിക്കുന്നത്. ലിംഗത്തില്‍ എല്ലുകള്‍ ഇല്ല. അതുകൊണ്ട് തന്നെ തെറ്റായ പൊസിഷനുകള്‍ അപകടം ക്ഷണിച്ചു വരുത്തും.

പുകച്ചില്‍ 

ലൈംഗികബന്ധത്തിനു ശേഷം ലിംഗത്തിലോ യോനിയിലോ പുകച്ചില്‍ ചിലര്‍ക്ക് അനുഭവപ്പെടാം. യോനിയില്‍ ആവശ്യത്തിനു ലൂബ്രിക്കേഷന്‍ ഇല്ലെങ്കിലും ഇതുണ്ടാകും. ഇവിടെയാണ്‌ ഫോര്‍പ്ലേയുടെ ആവശ്യകത. സാവധാനം ഇരുവരും നല്ല മൂഡിലേക്ക് വന്നശേഷം സെക്സില്‍ ഏര്‍പെട്ടാല്‍ ഈ പ്രശ്നം പരിഹരിക്കാം.

ലിംഗത്തിലെ ചുവപ്പ് പാടുകള്‍ 

ചിലപ്പോള്‍ സെക്സിനു ശേഷം പുരുഷന്മ്മാര്‍ക്ക് ഈ പ്രശ്നം ഉണ്ടാകാം. ലിംഗത്തിലെ രക്തക്കുഴലുകളില്‍ ഉണ്ടാകുന്ന capillary hemorrhaging ആണ് ഇതിനു കാരണമാകുന്നത്. ആവശ്യത്തിനു വിശ്രമം എടുത്ത ശേഷവും ഈ പ്രശ്നം അലട്ടിയാല്‍ ഡോക്ടറെ കണ്ടു മരുന്ന് വാങ്ങേണ്ടത് അത്യാവശ്യമാണ്.

തലയണ വച്ചു കിടക്കുന്നവരാണോ? എങ്കിൽ ഇതുകൂടി അറിഞ്ഞോളൂ...

pillow use health benefits
Designed by Freepik          

ഒരു തലയണ കിട്ടിയിരുന്നേൽ കെട്ടിപ്പിടിച്ചു കിടക്കാമായിരുന്നു... എന്നു പറയുന്നവരല്ലേ നമ്മളൊക്കെ. പക്ഷേ ഡോക്ടർമാർ പറയും തലയണ ഇല്ലാതെ കിടന്നോളാൻ. അപ്പോൾ പിന്നെ ശരിക്കും എങ്ങനെയാണു കിടക്കേണ്ടത്– തലയണ വച്ചോ വയ്ക്കാതെയോ. കിടപ്പു പലതരമുണ്ടല്ലോ. കമഴ്ന്നും ചെരിഞ്ഞും മലർന്നും അങ്ങനെയങ്ങനെ. നമ്മുടെ കിടപ്പിനനുസരിച്ചിരിക്കും തലയണയ്ക്കു നമ്മുടെ കൂടെ കിടക്കാനുള്ള ഭാഗ്യവും എന്നേ പറയേണ്ടൂ.

ചെരിഞ്ഞാണോ കിടപ്പ് തലയണയും കൂടെ പോരട്ടെ...

നേരെ കിടന്നാലും കുറച്ചു കഴിയുമ്പോൾ ചെരിയുന്നവരാണ് അധികം പേരും. ചെരിഞ്ഞു കിടക്കുമ്പോൾ തോളുകളെ അപേക്ഷിച്ചു തലയും കഴുത്തും താഴ്ന്നിരിക്കും. തന്നെയുമല്ല ശരീരത്തിന്റെ ഭാരം മുഴുവൻ തോളിലും കൈകളിലുമായിട്ടായിരിക്കും വരിക. രാത്രി മുഴുവൻ ഇങ്ങനെ കിടന്നാൽ നേരം വെളുക്കുമ്പോൾ കഴുത്തിന്റെ പണി തീരുമെന്ന കാര്യത്തിൽ സംശയമില്ല. അതുകൊണ്ട് ചെരിഞ്ഞു കിടക്കുമ്പോൾ കഴുത്തിനും തലയ്ക്കും സപ്പോർട്ടായി തലയണ വയ്ക്കണം. ആ തലയണ എങ്ങനെ ഉള്ളതായിരിക്കണം എന്ന കാര്യത്തിലേ സംശയമുള്ളു.

  • തലയണ കട്ടി കൂടിയതാണെങ്കിൽ തലയും കഴുത്തും മരത്തടിയിൽ വച്ചിരിക്കുന്നതുപോലെയിരിക്കും. അനങ്ങാൻ പറ്റാത്തപോലെ ഉയർന്നിരിക്കും.
     
  • തലയണ തീരെ സോഫ്റ്റാണെങ്കിൽ തലയും കഴുത്തും താഴ്ന്നു പോകും. അപ്പോൾപിന്നെ തലയണ വയ്ക്കുന്നതിന്റെ ഗുണം കിട്ടില്ല.
     
  • അത്യാവശ്യം വലുപ്പമുള്ള എന്നാൽ സോഫ്റ്റായ തലയണ ഉപയോഗിച്ചാൽ തലയ്ക്കും കഴുത്തിനും നല്ല സപ്പോർട്ട് കിട്ടും. കെട്ടിപ്പിടിച്ചു കിടക്കുന്നതിന്റെ സുഖവും കിട്ടും.
തലയണ ഇനിയും പോരട്ടെ

 സ്പ്രിങ് ബെഡിൽ നേരെ കിടക്കുമ്പോൾ ശരീരത്തിലെ ചെറിയ കുഴികളും വളവുകളുമൊക്കെ ബെഡുമായി ചേർന്നമർന്നു പൊക്കോളും. നടുവിന്റെ വളവു പോലും ഇത്തരത്തിൽ ചേർന്നു പോകുന്നതാണ്. പക്ഷേ കഴുത്തിന്റെ ഭാഗത്ത് എത്തുമ്പോൾ വലിയൊരു വിടവു വരും .ഈ ഭാഗത്ത് തലയണ കൊണ്ടു സപ്പോർട്ട് കൊടുത്തില്ലെങ്കിൽ കഴുത്തു വേദന ഉറപ്പ്. ആ തലയണ എങ്ങനെ വേണമെന്നു നോക്കാം .

  • തീരെ സോഫ്റ്റാണെങ്കിൽ തലയ്ക്കും പിടലിക്കും ഇടയിലുള്ള വിടവ് നികത്താതെ പോകും. അപ്പോൾ പിന്നെ തലയണ വയ്ക്കുന്നതു കൊണ്ടുള്ള പ്രയോജനം കിട്ടില്ല.
     
  • അത്യാവശ്യം കട്ടിയുള്ള അതേസമയം സോഫ്റ്റായ തലയണ വയ്ക്കുന്നതാണ് പിടലിക്കു സപ്പോർട്ട് കിട്ടാൻ നല്ലത്. നിങ്ങൾ നല്ല നടുവേദന അനുഭവിക്കുന്ന ആളല്ലെങ്കിൽ ഉറപ്പായും കട്ടിയുള്ള തലയണ വയ്ക്കാം. പിടയിലിൽ മാത്രമായി റൗണ്ട് പില്ലോ വയ്ക്കുന്നതും നല്ലതാണ്. സോഫ്റ്റായ തലയണകൾ ഓരോന്ന് കാലിലും നടുവിലും വയ്ക്കുന്നത് മൊത്തത്തിൽ സുഖം കിട്ടാൻ നല്ലതാണ്. ഒരു കാരണവശാലും രണ്ടു തലയണ വച്ച് അതിനു മീതെ തല വച്ചു കിടക്കരുത്. അങ്ങനെ ചെയ്താൽ അതു പിടലി വേദനയിലേ കലാശിക്കൂ.
തലയണയോടു പോകാൻ പറ

ഇനി വേറൊരു വിഭാഗമുണ്ട്. തവള കിടക്കുന്നതുപോലെ കമഴ്ന്നാണു കിടപ്പ്. ഈ സമയം ഭാരം കൂടുതൽ വരുന്നതു വയറിനു മേലാണ്. കഴുത്തും കാലും കയ്യുമൊക്കെ ഇഷ്ടം പോലെ തിരിക്കാം. കിടപ്പിന്റെ പൊസിഷൻ മാറ്റാം. ഈ സമയം മുഖമാണ് ബെഡിൽ അമർന്നിരിക്കുന്നത്. വളവും കുഴിയുമൊന്നും ഇല്ലാത്തതുകൊണ്ടു തലയണയുടെ ആവശ്യം തീരെയില്ല. അത്യാവശ്യമെങ്കിൽ മാത്രം വളരെ സോഫ്റ്റായ തലയണ ഉപയോഗിക്കാം.

പാവം തലയണ!

ഇനി വീട്ടിലെ തലയണ എടുത്തൊന്നു പരിശോധിച്ചു നോക്കൂ. പലതും പഴകി മൃദുത്വം നഷ്ടപ്പെട്ട് വടിപോലെ. കെട്ടിപ്പിടിക്കാൻ പോയിട്ട് നേരാം വണ്ണം തലയ്ക്കു കീഴെ വയ്ക്കാൻ പോലും പറ്റാത്ത അവസ്ഥയിലായിരിക്കും തലയണ. ശരിക്കും തലയണ എത്രനാൾ ഉപയോഗിക്കാൻ കഴിയും? കലപ്പഴക്കമേറുമ്പോഴാണു തലയണയ്ക്കു കട്ടി കൂടുന്നതും പഞ്ഞിയും സ്പോഞ്ചുമൊക്കെ അവിടിവിടെയായി കൂടിച്ചേരുന്നതും. മൃദുത്വം നഷ്ടപ്പെടുന്നതിനു മുൻപേ തലയണ മാറ്റണം. തലയണയ്ക്കു വലുപ്പം അമിതമാകാനും പാടില്ല. 

Sunday, 20 May 2018

ജിമ്മില്‍ പോകുന്നതൊക്കെ നല്ലതു തന്നെ; പക്ഷേ ഇതു കൂടി അറിഞ്ഞോളൂ

jim workout important points to remember
Designed by Freepik                                     
ഭാരം കൂടാതെ നിയന്ത്രിക്കുക എന്നത് എല്ലാവരുടെയും മോഹമാണ്. ചിലര്‍ക്ക് അത് ഒരു പരിധി വരെ സാധിക്കുമെങ്കിലും മറ്റു ചിലര്‍ക്കു വെറും സ്വപ്നം മാത്രമാകും. നല്ല ആരോഗ്യമുള്ളവര്‍ക്കും പേടി സ്വപ്നമാണ് ഭാരം കൂടുമോ എന്ന ചിന്ത.

ഭാരം കുറയ്ക്കാനായി എന്തു സാഹസവും ചെയ്യാന്‍ മിക്കവരും ഒരുക്കമാണ്. യോഗ മുതല്‍ സൂംബ ഡാന്‍സ് വരെ പരിശീലിക്കാന്‍ പോകുന്നതിനു പിന്നിലെ ലക്ഷ്യവും ഇതൊക്കെത്തന്നെ. എന്നാല്‍ അമിതമായാല്‍ അമൃതും വിഷം എന്നു പറഞ്ഞ പോലെയാണ് ഇതും.

രാവും പകലും ജിമ്മില്‍ വര്‍ക്ക്‌ ഔട്ട്‌ ചെയ്താല്‍ ആഗ്രഹിക്കുന്ന പോലെ ശരീരഭംഗി നേടാമെന്നാകും പലപ്പോഴും ലഭിക്കുന്ന വാഗ്ദാനം. എന്നാല്‍ ഇത് അക്ഷരംപ്രതി അനുസരിക്കുന്നതു ശുദ്ധമണ്ടത്തരം തന്നെയാണ്.

വ്യായാമം ചെയ്യുന്നത് പൂര്‍ണമായും നിര്‍ത്തണം എന്നല്ല ‌ഉദ്ദേശിക്കുന്നത്, എല്ലാത്തിനും ഒരു പരിധി വേണമെന്നു മാത്രം.

ഒരുപാടു വ്യായാമങ്ങള്‍ ചേര്‍ന്നതാണ് ജിമ്മിലെ വര്‍ക്ക്‌ഔട്ട്‌. ഇതിന് ഓരോന്നിനും ഓരോ ഫലമാണ്. എല്ലാത്തിന്റെയും ലക്ഷ്യം ശരീരത്തെ ടോണ്‍ ചെയ്തെടുക്കുക എന്നതുതന്നെ. എന്നാല്‍ ഇതിനര്‍ഥം ദിവസവും ജിമ്മില്‍ പോയി മണിക്കൂറുകള്‍ ചെലവിടണം എന്നല്ല.

ജിമ്മില്‍ പോയി വിയര്‍ത്തുകുളിക്കുക വഴി ശരീരത്തിലെ അമിതകൊഴുപ്പാണ്‌ വിയര്‍പ്പിലൂടെ പുറത്തുപോകുന്നതെന്നും അര്‍ഥമില്ല. ശരിയായി ചെയ്തില്ലെങ്കില്‍ വിപരീതഫലമാകും ഇത്തരം വര്‍ക്ക്‌ ഔട്ട്‌ കൊണ്ട് ഉണ്ടാകുക. അങ്ങനെ ചില സൂചനകള്‍ ഇതാ.

അമിത തളര്‍ച്ച

ജിമ്മില്‍ പോയി വന്നശേഷം അമിതമായി ക്ഷീണിച്ച പോലെ തോന്നാറുണ്ടോ.. എങ്കില്‍ നിങ്ങളുടെ മെറ്റബോളിക് പ്രവര്‍ത്തനങ്ങള്‍ താറുമാറായി എന്നാണ് അര്‍ഥം. നിങ്ങളുടെ വ്യായാമമുറകള്‍ തെറ്റാണെന്നാണ് ഇതുകൊണ്ടു മനസ്സിലാക്കേണ്ടത്. ജിമ്മില്‍ പോകുന്നത് ആരോഗ്യം നിലനിര്‍ത്താനാണ്, അല്ലാതെ ശരീരത്തെ കൂടുതല്‍ തളര്‍ത്താനല്ല എന്ന് ആദ്യം മനസ്സിലാക്കുക.

ബോറടിക്കാന്‍ തുടങ്ങിയോ

വലിയ ഉത്സാഹത്തില്‍ ജിമ്മില്‍ പോകാന്‍ തുടങ്ങി. കുറച്ചു നാളുകള്‍ കഴിഞ്ഞതോടെ വല്ലാത്ത ബോറടി തുടങ്ങിയോ? വണ്ണം ഇപ്പോഴും കുറയാതെ പഴയതു പോലെ തന്നെ നിൽക്കുകയാണോ? എങ്കില്‍ നിങ്ങളുടെ വര്‍ക്ക്‌ ഔട്ട്‌ രീതികള്‍ മാറ്റിക്കോളൂ. അതിനായി ശരീരം നല്‍കുന്ന മുന്നറിയിപ്പാണ് ഈ ബോറടി.

ഓവര്‍ വര്‍ക്ക്‌ ഔട്ട്‌ വേണ്ടേ വേണ്ട

ചിലരുടെ വിചാരം അമിതമായി വര്‍ക്ക്‌ ഔട്ട്‌ ചെയ്താൽ കൂടുതല്‍ ഗുണം ലഭിക്കുമെന്നാണ്. ഇത്രയും വലിയ മിഥ്യാധാരണ വേറെയില്ല. കാരണം സാധാരണ ഒരാള്‍ ഒരു മണിക്കൂര്‍ വര്‍ക്ക്‌ ഔട്ട്‌ ചെയ്യുന്നതുതന്നെ ധാരാളമാണ്. അമിത വ്യായാമം മൂലം  മസിലുകള്‍ക്ക് കോട്ടം തട്ടും. ഇത് ഭാരം കുറയുന്നത് തടയും.

അമിതവിശപ്പ്‌

അമിതമായി വ്യായാമം ചെയ്യുമ്പോള്‍ ശരീരത്തിന് കൂടുതല്‍ കൂടുതല്‍ കാലറി ആവശ്യമായി വരും. ഇതാണ് അമിതവിശപ്പിന്റെ കാരണം. ഇത് വണ്ണം ക്രമപ്പെടുത്തുന്നതില്‍നിന്നു ശരീരത്തെ തടയുന്നു

കംപ്യൂട്ടർ കളി കൂടിയാൽ കുഞ്ഞുങ്ങൾക്ക് ആപത്ത്


കംപ്യൂട്ടറിനും ഫോണിനുമൊക്കെ മുന്നിൽ തുടർച്ചയായി സമയം ചെലവഴിക്കുന്ന പ്രവണതയിപ്പോൾ കുട്ടികളിൽ ഏറിവരികയാണ്. ഇതിന്റെ  നിരന്തര ഉപയോഗം പലവിധ ശാരീരിക മാനസിക വിഷമതകൾക്കും വഴി തെളിച്ചേക്കാം.

  1. ഗെയിമുകൾ സ്വാധീനിക്കും                                                                                                                                                                                                                                                കുട്ടികൾ തുടർച്ചയായി ഗെയിമുകളിൽ ഏർപ്പെടുന്നതിൽ ശ്രദ്ധയും നിയന്ത്രണവും ആവശ്യമാണ്. അവരിൽ അക്രമവാ സന വളർത്താൻ ചില ഗെയിമുകൾ വഴിതെളിക്കും കൂടാതെ ബുദ്ധിപരമായ വികാസത്തിനും തടസ്സമാകാറുണ്ട്. പഠനത്തിൽ പിന്നാക്കം പോകാനും മനസ്സിൽ പരാജയഭീതി വളർത്താനും ശ്രദ്ധക്കുറവിനും ഇതിടയാക്കിയേക്കാം. ദൈനംദിന പ്രവൃത്തി കൾ ചെയ്യാൻ കുട്ടികളിൽ വിമുഖതയുണ്ടാകും. മറ്റുള്ളവരുമാ യി സൗഹൃദം സ്ഥാപിക്കാനും പുറത്തെ കളികളിൽ ഏർപ്പെ ടാനും ക്രമേണ താൽപര്യവും ഇല്ലാതാകും.                                                              
  2. പ്രത്യേക ശ്രദ്ധവേണം                                                                                                                                                                                                                                                         കഴിവതും ചെറിയ കുട്ടികൾക്കു സമ്മാനമായി മൊബൈൽ, കംപ്യൂട്ടർ ഇവയൊക്കെ വാങ്ങിക്കൊടുത്ത് പ്രോത്സാഹിപ്പിക്കാ തിരിക്കുക. വീട്ടിലെ കംപ്യൂട്ടർ പ്രധാന മുറിയിൽ വച്ചു മാത്രം പ്രവർത്തിപ്പിക്കാൻ അവർക്കു നിശ്ചിത സമയം അനുവദിച്ചാൽ മതി. സ്ഥിരമായി കംപ്യൂട്ടർ ഉപയോഗിക്കുന്ന കുട്ടികളു ടെ മേൽ രക്ഷിതാക്കളുടെ ഒരു കണ്ണ് എപ്പോഴും ഉണ്ടായിരി ക്കണം. സ്ഥിരമായി ഇരിക്കാൻ അനുവദിക്കാതെ ഇടയ്ക്കിടെ എഴുന്നേറ്റു നടക്കാനും ആവശ്യത്തിനു വെള്ളം കുടിക്കാനും നിർദേശിക്കാം. അതു പോലെ മൊബൈൽ ഉപയോഗത്തിനും കർശനമായ നിയന്ത്രണം അനിവാര്യമാണ്. ചെറുപ്രായത്തിൽ കുട്ടികൾ മൊബൈൽ എടുത്ത് ഉപയോഗിക്കുന്നത് അനുവദി ക്കരുത്. കിടന്നുകൊണ്ടു ഗെയിമുകൾ കളിക്കുന്നതും വില ക്കണം.                                                                         
  3. ശാരീരിക പ്രയാസങ്ങള്‍                                                                                                                                                                                                                                                       കുട്ടികളിൽ അമിത ക്ഷീണം, വ്യക്തിത്വ വൈകല്യം, വിഷാദം, ഉന്മേഷക്കുറവ്, ഉറക്കമില്ലായ്മ എന്നിവയ്ക്കൊക്കെ ഇടയാക്കും.  ഇവരുടെ ത്വക്ക് നേർത്തതായതിനാൽ മൊബൈലിന്റെ നിരന്തര ഉപയോഗം റേ‍ഡിയേഷനുണ്ടാകാനും ബ്രെയിൻ, ചെവി കാൻസറിനും സാധ്യതയുണ്ട്. കുട്ടികളുടെ കൈവിരലു കളിൽ വേദന ഉണ്ടാകുക. ശരീരഭാരത്തിൽ കുറവു വരിക. പഠനത്തിനുള്ള താൽപര്യം നഷ്ടമാകുക. ശരിയായ കാഴ്ചയ്ക്കു വരൾച്ച ഉണ്ടാകുക.                                                                                                                                                                                                        നിരന്തരമായ ഉപയോഗം ശരീരത്തിന്റെ മെറ്റബോളിസം കുറയ്ക്കുന്നു. തുടർച്ചയായ ഇരിപ്പ് പൊണ്ണത്തടിക്കും ഇടയാക്കും.                                                                                                      
  4. ശാരീരിക മാനസിക ആരോഗ്യം                                                                                                                                                                                                                                                 ശരിയായ കാര്യങ്ങൾക്കു വേണ്ടി മാത്രമേ കംപ്യൂട്ടറും മൊബൈലും ഉപയോഗിക്കാവൂവെന്ന് അവരെ പറഞ്ഞു മനസ്സിലാക്കണം. ഇടയ്ക്കിടെ നല്ല പുസ്തകങ്ങൾ തിരഞ്ഞെടുത്തു വായിക്കാനും നിർദേശിക്കണം. കുട്ടികളെ അവർക്കിഷ്ടപ്പെട്ട ഒരു ഹോബി കണ്ടെത്താൻ സഹായിക്കാം. കൂട്ടുകാർക്കൊപ്പം കളികളിൽ ഏർപ്പെടാനും അവസരം നൽകണം. ടിവിയിൽ നല്ല വിജ്ഞാനപ്രദമായ പരിപാടികൾ കാണാനും പാട്ടു കേൾക്കാനും അവർക്കു നിർദേശം നൽകാം. യോഗ, നടത്തം, സൈക്കിളിങ് പോലുള്ള പ്രവൃത്തികളിൽ ഏർപ്പെടുന്നതു കുട്ടികൾക്കു മാനസികമായും ശാരീരികമായും ഉണർവു പകരും. ബിഹേവിയർ തെറപ്പി ഇന്നു ലഭ്യമാണ്. അങ്ങനെ കംപ്യൂട്ടറിന്റെ അമിതോപയോഗം കുറയ്ക്കാനാവും. കൂടാതെ വിഷാദാവസ്ഥ, ഉത്കണ്ഠ, മാനസിക വിഷമത എന്നിവയെ യും നിയന്ത്രിക്കാം. ആവശ്യമെങ്കിൽ ശരിയായ കൗൺസലിങ്ങും സ്വീകരിക്കണം. ഇതോടൊപ്പം ഔഷധ ചികിത്സയും ഫലം ചെയ്യും.

ലൈംഗികബന്ധത്തിനു ശേഷം കുളിച്ചാൽ?


ലൈംഗികബന്ധത്തിനു ശേഷം കുളിക്കാമോ ? അതിനെന്താ എന്നു ചോദിക്കാന്‍ വരട്ടെ. ഈ കുളി പാടില്ലെന്ന് സെക്സ് വിദഗ്ധര്‍ പറയുന്നു. കുളിക്കുക എന്നതുതന്നെ മനുഷ്യര്‍ക്ക്‌ വലിയ ഉന്മേഷം നല്‍കുന്ന പ്രവര്‍ത്തിയാണ്. പക്ഷേ സെക്സിനുശേഷം ഉടനെയുള്ള കുളി തല്‍ക്കാലം വേണ്ടെന്നു വിദഗ്ധര്‍ പറയുന്നത്. സെക്സിനു ശേഷം ചെയ്യാന്‍ പാടില്ലാത്ത ചില സംഗതികളുണ്ട്‌. അത് എന്തൊക്കെയാണു നോക്കാം.

സോപ്പ് തേച്ചുള്ള കുളി വേണ്ട

സോപ്പ് തേച്ചുള്ള കുളി അഴുക്കും പൊടിയും നീക്കി ശരീരത്തെ ശുദ്ധമാക്കും എന്നത് നമുക്കെല്ലാം അറിയാം. എന്നാല്‍ ലൈംഗികബന്ധത്തിനു ശേഷമുള്ള സോപ്പ്തേച്ചു കുളിയാണ് വേണ്ടെന്നു പറയുന്നത്. ലൈംഗികബന്ധത്തിനു ശേഷം പുരുഷന്റെയും സ്ത്രീയുടെയും ജനനേന്ദ്രിയം വികസിച്ച നിലയിലാകും. ഈ സമയം ഇവിടം അത്യധികം സെന്‍സിറ്റീവ് ആയിരിക്കും .ഈ അവസരത്തില്‍ സോപ്പ് തേച്ചു കുളിച്ചാല്‍ സോപ്പില്‍ അടങ്ങിയിരിക്കുന്ന കെമിക്കലുകള്‍ ചിലപ്പോള്‍ അസ്വസ്ഥതകള്‍ ഉണ്ടാക്കാന്‍ സാധ്യതയുണ്ട്. എന്നാല്‍ കുളിച്ചേ മതിയാകൂ എന്നുണ്ടെങ്കില്‍ സോപ്പ് ഉപയോഗിക്കാതെ വെറും വെള്ളത്തില്‍ കുളിക്കാം.

ചൂടു വെള്ളത്തിലെ കുളി വേണ്ട

ചൂടു വെള്ളത്തില്‍ കുളിക്കാന്‍ എല്ലാവർക്കും ഇഷ്ടമാണ്. എന്നാല്‍ സെക്സിനു ശേഷം ഈ കുളി വേണ്ടേ വേണ്ട. ലൈംഗികബന്ധത്തിനു ശേഷം സ്ത്രീയുടെ യോനീമുഖം അൽപം വികസിച്ചായിരിക്കും ഇരിക്കുന്നത്. ഈ സമയത്തെ ചൂടു വെള്ളത്തിലെ കുളി ചിലപ്പോള്‍ ഇവിടുത്തെ ചർമത്തിന് അണുബാധ ഉണ്ടാക്കാന്‍ കാരണമാകും.

ലൈംഗികബന്ധത്തിനു ശേഷം സ്വകാര്യഭാഗങ്ങള്‍ വൃത്തിയാക്കാന്‍ ഏറ്റവും നല്ലത് പേപ്പര്‍ റോള്‍ അല്ലെങ്കില്‍ ടവല്‍ ആണ്. ലൈംഗികാവയവങ്ങള്‍ സാധാരണനിലയിലേക്ക് വരുന്നതു വരെ ഇങ്ങനെ ചെയ്യുന്നത് തന്നെയാണ് ഉചിതമെന്ന് വിദഗ്ധര്‍ പറയുന്നു.

എന്നാല്‍ ഒരിക്കലും നനഞ്ഞ ടിഷ്യൂകള്‍ ഉപയോഗിക്കരുത്. ഇതിലെ സുഗന്ധത്തിനു ചേര്‍ക്കുന്ന കെമിക്കലുകള്‍ ചിലപ്പോള്‍ ഗുണത്തെക്കാള്‍ ദോഷമാകും ചെയ്യുക. ലൈംഗികബന്ധത്തിനു ശേഷം ഏറ്റവും നല്ല പ്രവര്‍ത്തി ഉടനെ മൂത്രമൊഴിക്കുക എന്നതാണ്. മറ്റു അണുബാധകളില്‍ നിന്നു ശരീരത്തെ സംരക്ഷിക്കാനുള്ള ഉചിതമായ നടപടിയും ഇത്.

Friday, 18 May 2018

കര്‍ണാടകയില്‍ നാളെ വിശ്വാസവോട്ടെടുപ്പ്

supreme court of india

ന്യൂഡല്‍ഹി: കര്‍ണാടകയില്‍ നാളെ വിശ്വാസവോട്ടെടുപ്പ് നടക്കും. നാളെ നാല് മണിക്ക് മുമ്പ് യെദ്യൂരപ്പ നിയമസഭയില്‍ ഭൂരിപക്ഷം തെളിയിക്കണമെന്നാണ് സുപ്രീം കോടതി നിര്‍ദേശിച്ചിരിക്കുന്നത്. ബിജെപിക്ക് സര്‍ക്കാരുണ്ടാക്കാന്‍ അനുമതി നല്‍കിയതിനെതിരെ കോണ്‍ഗ്രസ് സമര്‍പ്പിച്ച ഹര്‍ജിയില്‍ വാദം കേള്‍ക്കവെയാണ് കോടതി ഇക്കാര്യം വ്യക്തമാക്കിയത്.
അതേ സമയം രഹസ്യ വോട്ടെടുപ്പ് നടത്തണമെന്ന ബിജെപിയുടെ ആവശ്യം കോടതി അംഗീകരിച്ചില്ല.പ്രോടെെം സ്പീക്കര്‍ക്ക് ഇക്കാര്യത്തില്‍ തീരുമാനമെടുക്കാമെന്നാണ് കോടതി നിര്‍ദേശിച്ചിരിക്കുന്നത്. പരസ്യ വോട്ടെടുപ്പാണെങ്കില്‍ എംഎല്‍എമാര്‍ തങ്ങളുടെ നിലപാട് പരസ്യമായി അറിയിക്കേണ്ടി വരും. സഭയില്‍ ഭൂരിപക്ഷം തെളിയിക്കാനാകുമെന്ന് കോണ്‍ഗ്രസും ബിജെപിയും കോടതിയില്‍ ആത്മവിശ്വാസം പ്രകടിപ്പിച്ചു.
ബി.എസ്.യെദ്യൂരപ്പ ഗവര്‍ണര്‍ക്ക് നല്‍കിയ കത്ത് ബിജെപി അഭിഭാഷകന്‍ മുകുള്‍ റോത്തഗിയാണ് സുപ്രീംകോടതിയില്‍ സമര്‍പ്പിച്ചത്. കോണ്‍ഗ്രസിന്റേയും ജെഡിഎസിന്റേയും ചില എംഎല്‍എമാര്‍ ബിജെപിയെ പിന്തുണയ്ക്കാന്‍ തയ്യാറാണെന്ന് അറിയിച്ചതായി കത്തില്‍ പറയുന്നു. പിന്തുണക്കുന്നവരുടെ പേരുകള്‍ കോടതിക്ക് നല്‍കേണ്ട കാര്യമില്ലെന്നും മുകുള്‍ റോത്തകി കോടതിയില്‍ പറഞ്ഞു.
ഒരു മണിക്കൂറോളം നീണ്ട വാദപ്രതിവാദത്തിനൊടുവിലാണ് സുപ്രീംകോടതി വിഷയത്തില്‍ തീരുമാനമെടുത്തത്.

സ്മാർട് ഫോണിലെ രതിക്കാഴ്ചകള്‍

smart phone sex videos
Photo by Pexels              
പത്താം ക്ലാസ്സ് കഴിഞ്ഞപ്പോൾ മകന് ഒരു സ്മാർട് ഫോൺ വാങ്ങിക്കൊടുത്തു. ഞങ്ങൾ അതു പരിശോധിക്കുയൊന്നുമില്ലായിരുന്നു. ആകസ്മികമായിട്ടാണ് ഈ ഫോണിൽ ലൈംഗിക വിഡിയോകളുടെ ശേഖരമുണ്ടെന്ന് മനസ്സിലായത്. ഈയിടെ പഠനത്തിലും അവൻ പിന്നാക്കമാണ്. ഇതു കാണുന്നവൻ അമ്മയുടെയോ സഹോദരിയുടെയോ നഗ്നചിത്രങ്ങൾ എടുക്കില്ലേയെന്നു പേടി തോന്നുന്നു. അറിഞ്ഞതായി ഭാവിച്ചിട്ടില്ല. എങ്ങനെ ഈ വൃത്തികേട് കൈകാര്യം ചെയ്യുമെന്നറിയില്ല. ഫോൺ തിരിച്ചു വാങ്ങണോ? ഇവൻ ഫോൺ അഡിക്ടായോ?

സ്മാർട് ഫോണിലെ രതി വിഡിയോകളുടെ ശേഖരത്തെ ഗൗരവത്തോടെ തന്നെ കാണണം. കൗമാരം ലൈംഗിക കൗതുകങ്ങൾ ഉണരുന്ന കാലമാണ്. ഇത്തരം ദൃശ്യങ്ങൾ കാണാനുള്ള താല്പര്യം സ്വാഭാവികമായും ഉണ്ടാകും. ശാസ്ത്രീയമായ ലൈംഗികാവബോധവും ശരിതെറ്റുകളെക്കുറിച്ചുള്ള വിചാരവുമില്ലാത്ത കൗമാര മനസ്സുകളിലേക്കാണ് ഈ വൈകൃതങ്ങൾ എത്തുന്നത്. വകതിരിവ് ശക്തമാക്കും വിധത്തിൽ തലച്ചോറിന്റെ വികാസം പൂർണമാകാത്ത ഘട്ടത്തിൽ കിട്ടുന്ന ഈ ലൈംഗിക രസാനുഭൂതികൾ രതിസങ്കൽപങ്ങളെ തന്നെ വികല മാക്കും. ആരോഗ്യകരമല്ലാത്തതും വികലവുമായ കാഴ്ചപ്പാടുകൾ സൃഷ്ടിക്കും. സെക്സ് എന്നാൽ സുഖാനുഭൂതി തേടൽ മാത്രമാണെന്ന തെറ്റായ ധാരണകളുടെ വിത്തു വീഴും. ഇതു ഭാവിയിൽ വലിയ പ്രശ്നങ്ങൾ സൃഷ്ടിക്കും.

പാകമാകാത്ത മനസ്സിലേക്കെത്തുന്ന അതിശയോക്തി കലർന്നതും അസ്വാഭാവികവുമായ ലൈംഗിക വൈകൃതങ്ങൾ ശ്രദ്ധയും ഏകാഗ്രതയും കവർന്നെടുക്കും. അതിന്റെ ഹരത്തിൽ അമിതമായി സ്വയംഭോഗ ശീലങ്ങളിൽ ഏർപ്പെടാം. അനുകൂല സാഹചര്യങ്ങളിൽ, കണ്ടകാര്യങ്ങൾ പ്രയോഗത്തിൽ വരുത്താനുള്ള ഉൾപ്രേരണയും ഉണ്ടാകാം. അക്രമവാസനയും പെരുമാറ്റ വൈകല്യങ്ങളുള്ള കുട്ടികൾ ലൈംഗികാതിക്രമങ്ങൾ കാട്ടാം. വീട്ടിലുള്ളവരുടെ നഗ്നചിത്രങ്ങൾ അവരറിയാതെ എടുക്കുന്നത് ഇത്തരക്കാരാണ്. ഫോൺ വിഡിയോ കാഴ്ചകളുടെ സ്വാധീനം ഈ വക വൈകല്യങ്ങളിൽ കാണാറുണ്ട്.

ഇന്റർനെറ്റ് വഴിയും മറ്റു വിധത്തിലുമൊക്കെ രതി വിഡിയോകളുടെ ലഭ്യത കൂടുതലാണ്. രഹസ്യമായി കാണാനുള്ള സൗകര്യം സ്മാർട് ഫോണുകൾ ഒരുക്കുകയും ചെയ്യുന്നു. പ്രായത്തിനു ചേരാത്ത ഈ രസാനുഭൂതിയിൽ വ്യക്തിത്വ വികാസത്തെ താറുമാറാക്കുന്ന അപകടങ്ങൾ പതിയിരിക്കുന്നുണ്ടെന്നു കുട്ടികൾ അറിയണം. എല്ലാ കുട്ടികൾക്കും ശാസ്ത്രീയമായ ലൈംഗിക അറിവുകൾ നൽകണം. ഫോൺ വിഡിയോകള്‍ നൽകുന്ന അബദ്ധ ധാരണകൾ ഇല്ലാതാക്കുകയും ചെയ്യണം. ഇതിനുള്ള അവസരമാണ് ഇവന്റെ മാതാ പിതാക്കൾക്കു ലഭിച്ചിരിക്കുന്നത്. ‘അയ്യേ! ഇതു സെക്സ് വിഷയമല്ലേ’ എന്നു ചിന്തിച്ചുള്ള ഈ മൗനം വെടിയണം. ലൈംഗികത ഒരു രഹസ്യ വിഷയമാക്കുമ്പോഴാണ് കുഴപ്പങ്ങൾ ഉണ്ടാകുന്നത്. തുറന്ന ചർച്ചയിലൂടെ ആശയക്കുഴപ്പങ്ങൾ അകറ്റണം.

തീർച്ചയായും ഇവന്റെ പിതാവിന് ഈ കാര്യം അവനോട് ഒറ്റയ്ക്കു സംസാരിക്കാം. എന്റെ ഫോൺ എന്തിനു പരിശോധിച്ചുവെന്ന ദേഷ്യപ്പെടലുകൾ പ്രതീക്ഷിക്കാം. അതൊരു പ്രതിരോധം തീർക്കലാണ് പ്രകോപിതനാകണ്ട. അവൻ ശാന്തനാകട്ടെ. ഇതൊക്കെ ഈ പ്രായത്തിലെ വികൃതികളാണെന്ന് അംഗീകരിച്ചു കൊണ്ടു തന്നെ ദോഷങ്ങൾ പറഞ്ഞു കൊടുക്കുക. സമയപ്രായക്കാർ കാണുന്നതു കൊണ്ട് ഇതൊരു നല്ല ശീലമാകില്ലെന്ന് ഓർമിപ്പിക്കാം. നിയമപരമായി ഇതൊരു കുറ്റമാണെന്നും അറിയട്ടെ. സ്വയം നിയന്ത്രണങ്ങൾ ഏർപ്പെടുത്താനും പിന്തിരിയാനും സ്നേഹപൂർവം പ്രേരിപ്പിക്കുക. ഫോൺ ഉപയോഗത്തിൽ ചില മേൽനോട്ടങ്ങൾ ഉണ്ടാകുമെന്ന നിബന്ധനയോടെ വേണം കൗമാരപ്രായക്കാർക്ക് ഇതു വാങ്ങി ക്കൊടുക്കാൻ. പഠനത്തിൽ പിന്നാക്കം പോകുമ്പോഴും ഉപയോഗിക്കലിലെ രഹസ്യസ്വഭാവം കൂടുമ്പോഴും ശ്രദ്ധിക്കണം. ദുരുപയോഗത്തിന്റെ സൂചനകളാകാം ഇത്.

ദിവസവും കുളിക്കുമ്പോള്‍ ഇക്കാര്യങ്ങള്‍ ചെയ്യാറുണ്ടോ?

bad shower habits
Designed by Freepik                            
ദിവസവും കുളിക്കുക എന്നതു നല്ല കാര്യം തന്നെ. പക്ഷേ കുളി കൊണ്ട് ആരോഗ്യത്തിനു ദോഷം സംഭവിച്ചാലോ? അതേ സംഗതി സത്യമാണ്. കുളിക്കുന്നതു കൊണ്ട് ശരീരത്തിലെ അഴുക്കും പൊടിയുമൊക്കെ പോയി ശരീരം വൃത്തിയാകുകയും ഒപ്പം മനസ്സിന് ഉന്മേഷം ലഭിക്കുകയും ചെയ്യും എന്നതൊക്കെ ശരി തന്നെ. എന്നാല്‍ അതുകൊണ്ട് ചില ദൂഷ്യവശങ്ങള്‍ നമ്മുടെ മുടിക്കും ചർമത്തിനും ഉണ്ടെങ്കിലോ ? അത് എന്താണെന്നാണോ ചിന്തിക്കുന്നത് ? എങ്കില്‍ കേട്ടോളൂ...

നല്ല ചൂടു വെള്ളത്തിലെ കുളി

ചൂടു വെള്ളത്തിലൊരു കുളി നടത്തിയാല്‍ നല്ല ഉന്മേഷം ലഭിക്കും, തീര്‍ച്ച. ഒപ്പം ക്ഷീണമൊക്കെ മാറി ശരീരത്തിനു നല്ല ഊര്‍ജ്ജവും കിട്ടും. എന്നാല്‍ നല്ല ചൂട് വെള്ളത്തില്‍ ദിവസവും കുളിച്ചാല്‍ പ്രശ്നമാകുന്നത് ചർമത്തിനാകും. തൊലിപ്പുറത്തെ അമിതമായി ഡ്രൈ ആക്കി, നൈസ്സര്‍ഗ്ഗികത നഷ്ടമാകാന്‍ ഇത് കാരണമാകും . സോറിയാസിസ് പോലെയുള്ള രോഗങ്ങള്‍ ഉള്ളവര്‍ക്ക് ചൂടു വെള്ളത്തിലെ കുളി കൂടുതല്‍ പ്രശ്നങ്ങള്‍ ഉണ്ടാക്കുമെന്ന് വിദഗ്ധര്‍ പറയുന്നുണ്ട്.

തേച്ചു കുളിക്കുന്ന സ്പോഞ്ച്  

ഒന്നോര്‍ത്തു നോക്കൂ ദിവസവും നിങ്ങള്‍ തേച്ചു കുളിക്കുന്ന ബാത്തിങ് സ്പോഞ്ച്, അല്ലെങ്കില്‍ ഇഞ്ച ഒക്കെ എവിടെയാണ് വയ്ക്കുന്നത്? ഓരോ തവണ കുളി കഴിയുമ്പോഴും നിങ്ങള്‍ എത്ര കോടി അണുക്കളെയാണ് അതിലേക്കു തേച്ചെടുക്കുന്നത് എന്നറിയാമോ? അടുത്ത വട്ടം അത് ഉപയോഗിക്കുമ്പോള്‍ ഈ അണുക്കള്‍ പിന്നെയും നിങ്ങളിലേക്ക് തന്നെ ഇരട്ടിയായി തിരികെ വരികയാണ്. നനവുള്ള കുളിമുറിയില്‍ എവിടെയെങ്കിലും വച്ചിട്ട് പോകാനുള്ളതല്ല ഇവ. നല്ല സൂര്യപ്രകാശം കൊണ്ട് അവ ഉണക്കണം എന്ന കാര്യം മറക്കരുത്. അടിക്കടി അത് മാറ്റി പുതിയത് വാങ്ങുന്നതും നല്ലതാണ്. അല്ലെങ്കില്‍ അവ അണുവിമുക്തം ആക്കാന്‍ ശ്രദ്ധിക്കുക.

തേച്ചുകുളി 

തൊലി അപ്പാടെ ഉരിച്ചുകളയുന്ന പോലെയാണ് ചിലരുടെ കുളി. ഇത് ഓരോ തവണയും ആവര്‍ത്തിക്കുമ്പോള്‍ നിങ്ങളുടെ ത്വക്കിനെയാണ് ദോഷം ചെയ്യുന്നത്. ദിവസവും കുളിക്കുന്നതില്‍ കുഴപ്പമില്ല പക്ഷേ ദിവസവുമുള്ള തേച്ചു കുളി വേണ്ടെന്നു വിദഗ്ധര്‍ പറയുന്നു. ഇനി നിര്‍ബന്ധം ആണെങ്കില്‍ ആഴ്ചയില്‍ ഒന്നോ രണ്ടോ വട്ടം തേച്ചു കുളിക്കൂ.

മണമുള്ള സോപ്പുകള്‍  

കുളിക്കുമ്പോഴും അത് കഴിയുമ്പോഴും നല്ല ഉന്മേഷം നല്‍കുന്നതാണ് സോപ്പുകളിലെ സൗരഭ്യം. എന്നാല്‍ പലപ്പോഴും സോപ്പുകളിലെ സുഗന്ധത്തിനുപയോഗിക്കുന്ന കെമിക്കലുകള്‍ ചർമത്തിനു നല്ലതല്ല. ഇത് പലതരത്തില്‍ ചര്‍മരോഗങ്ങള്‍ ഉണ്ടാക്കാം.

ദിവസവും ഷാമ്പൂ വേണോ  

മുടിയിലെ അഴുക്കു കളയാന്‍ ദിവസവും ഷാമ്പൂ ചെയ്യുന്നവര്‍ സൂക്ഷിക്കൂ. ഇത് നിങ്ങളുടെ മുടിക്ക് നല്ലതല്ല. ശിരോചര്‍മത്തില്‍ ഉത്പാദിപ്പിക്കുന്ന ഒരുതരം സംരക്ഷണ എണ്ണ ദിവസവുമുള്ള ഈ ഷാമ്പൂ ഉപയോഗം മൂലം ഇല്ലാതെ പോകുന്നു. ഇത് തലയിലെ ചര്‍മം ഡ്രൈ ആക്കുകയും തൊലി കൊഴിഞ്ഞു പോകാനും കാരണമാകും. ഒപ്പം താരന്‍, മുടികൊഴിച്ചില്‍ എന്നിവയും പിന്നാലെ വരും. ആഴ്ചയില്‍ രണ്ടോ മൂന്നോ വട്ടം ഷാമ്പൂ ഉപയോഗിക്കുക. അതാണ്‌ ഏറ്റവും നല്ലത്. അതിനു കഴിയില്ലെങ്കില്‍ ഏറ്റവും മൈൽഡ് ആയുള്ള ഷാമ്പൂ ഉപയോഗിക്കാം.

Monday, 30 April 2018

സണ്ണി ലിയോണിന്റെ വർക്ഔട്ട് വിഡിയോകൾ; പിന്തുടരാം ഈ ഫിറ്റ്നസ് രഹസ്യം

sunny leone workout

തൊട്ടതെല്ലാം പൊന്നാക്കുക എന്ന ശൈലിക്ക് ഇണങ്ങുന്ന താരമാണ് സണ്ണി ലിയോൺ. ഇന്ന് ബോളിവുഡിലെ നടിമാരിൽ സൗന്ദര്യവും ഫിറ്റ്നസും ഇത്രയധികമുള്ള മറ്റൊരാളില്ല. കണ്ണിമ ചിമ്മാതെ സണ്ണിയുടെ സൗന്ദര്യം ആസ്വദിക്കുന്നവർ അറിയുന്നുണ്ടോ ഇതിനു പിന്നിൽ എത്രമാത്രം കഠിനാധ്വാനം ഉണ്ടെന്ന്.

സണ്ണി ലിയോൺ എന്ന അമേരിക്കൻ കനേഡിയൻ ഇന്ത്യൻ അഭിനേത്രി ഇത്രയും സുന്ദരിയും ഹോട്ടും ആരെയും ആകർഷിക്കുന്ന മുഖ–ശരീര സൗന്ദര്യവും സ്വന്തമാക്കിയതിനു പിന്നിൽ ക്ഷമയോടെയും മുടങ്ങാതെയുമുള്ള പരിശീലമനുണ്ട്.

തന്റെ ശരീരം ഫിറ്റായി നിലനിർത്താൻ ദിവസവും ജിമ്മിൽ വർക്ഔട്ട് ചെയ്യുന്നു. ആരോഗ്യകരമായ ജീവിതശൈലി പിന്തുടരുന്ന ഇവർ യോഗയും അഭ്യസിക്കുന്നുണ്ട്.

സണ്ണിലിയോൺ കഴിഞ്ഞ ദിവസങ്ങളിൽ പോസ്റ്റ് ചെയ്ത വർക്ഔട്ട് വിഡിയോകൾ ഇതിനകം ഹിറ്റായിക്കഴിഞ്ഞു. പുഷ്അപ്, ഹെവി വെയ്റ്റ്സ്, ലെഗ് പ്രസ് തുടങ്ങി കഠിനമായ പല വ്യായാമങ്ങളും ചെയ്യുന്ന ഇവർ ശരിക്കുമൊരു ഫിറ്റ്ന്സ് ഫ്രീക്ക് തന്നെ.

സണ്ണി ഇൻസ്റ്റഗ്രാമിൽ പോസ്റ്റു ചെയ്ത ഈ വിഡിയോ നോക്കൂ

താൻ ഏറ്റവും വെറുക്കുന്ന കാര്യം പുഷ്അപ് ആണെന്നും താരം വെളിപ്പെടുത്തുന്നു. ട്രെയ്നർ ആയ ലിയാൻ വെൻസെലിന്റെ നിർ‌ദ്ദേശപ്രകാരം കഠിനമായ വർക്ഔട്ടുകൾ സണ്ണി ചെയ്യുന്നുണ്ട്. 

നിങ്ങളുടെ ലക്ഷ്യം ശരീരഭാരം കുറയ്ക്കുകയോ കൂടുതൽ ഫിറ്റ് ആകുകയോ ചർമം തിളക്കമുള്ളതാക്കുകയോ ഏതുമാകട്ടെ, നിത്യജീവിതത്തിൽ ചെറിയ ചില മാറ്റങ്ങൾ വരുത്തിയാൽ ലക്ഷ്യത്തിലെത്താനാകും. ഒപ്പം സണ്ണി ലിയോണിനെപ്പോലെ മനോഹരമായ ശരീരവും സ്വന്തമാക്കാം. 

സണ്ണിയുടെ ഈ വർക്ഔട്ട് വിഡിയോകൾ നിങ്ങളെ പ്രചോദിപ്പിക്കുക മാത്രമല്ല ഫിറ്റാകാം എന്ന പോസിറ്റീവ് ചിന്തയും ഉണർത്താം.

ടെൻഷൻ വേണ്ട, പരീക്ഷാഫലം ഇങ്ങു വന്നോട്ടെ...

exam result tension
Designed by Freepik            
എസ്എസ്എൽസി മുതൽ എൻട്രൻസ് പരീക്ഷകളുടെ വരെ ഫലം പ്രഖ്യാപിക്കുന്ന മേയ് മാസമാണ് വരുന്നത്.ആശങ്കകളുടെയും മനസ്സുരുക്കത്തിന്റെയും ദിനങ്ങളാവും പലർക്കും. കടുത്ത സമ്മർദത്തെ അതിജീവിക്കാനാവാതെ ചിലരെങ്കിലും നിരാശയുടെ പാതയിലേക്കു വഴുതും. എന്നാൽ, ടെൻഷന്റെ ആവശ്യമില്ലെന്നും കൂളായി കാര്യങ്ങളെ സമീപിക്കണമെന്നും വിദഗ്ധർ പറയുന്നു... 

മേയ് മാസം... കടുത്ത ചൂടിനൊപ്പം വിദ്യാർഥികളുടെയും രക്ഷിതാക്കളുടെയും ചങ്കിടിപ്പ് 40 ഡിഗ്രി സെൽഷ്യസിനും അപ്പുറത്തേക്കു കടത്തുന്ന കാലം... എസ്എസ്എൽസി മുതൽ എൻട്രൻസ് പരീക്ഷകളുടെ വരെ ഫലം പ്രഖ്യാപിക്കുന്നത് ഈ കാലയളവിലാണ്. ജൂണിൽ പുതിയ അധ്യയന മേഖലകളിലേക്കും തൊഴിൽ പരിശീലനങ്ങളിലേക്കും കടക്കേണ്ട വിദ്യാർഥി മനസ്സുകൾക്ക് അഗ്നിപരീക്ഷ നേരിടുന്ന മാസമാണിത്. ഭൂരിഭാഗത്തിനും മറുകണ്ടം ചാടാൻ സാധിച്ചാലും ചിലരൊക്കെ കാലിടറി വീഴും. 

മാർക്ക് ലിസ്റ്റിലെ കോളങ്ങളിൽ പരമാവധി ലഭിക്കാവുന്ന സംഖ്യകളാണു ഭാവി നിർണയിക്കുന്നതെന്ന തെറ്റിദ്ധാരണയിൽ മനസ്സുരുകി ചിലരെങ്കിലും നിരാശയുടെ പാതയിലേക്കു വഴുതി വീഴുന്നതും ഈ മാസത്തിൽ തന്നെ. കുട്ടികളും മാതാപിതാക്കളും ചില സ്ഥാപനങ്ങളിലെ അധ്യാപകരും ഈ കടുത്ത സമ്മർദത്തെ അതിജീവിക്കാൻ സാധിക്കാതെ ഉരുകിത്തീരുന്നു. മക്കളുടെ ഉന്നത വിജയം മാത്രം സ്വപ്നം കണ്ടു കഴിയുന്ന രക്ഷിതാക്കൾക്കും വിദ്യാർഥികളുടെ ഭാവി ശോഭനമാക്കാൻ അധ്വാനിക്കുന്ന അധ്യാപകർക്കും സ്ഥാപനത്തിന്റെ സൽപ്പേരു നിലനിർത്താൻ വിയർപ്പൊഴുക്കുന്ന മേധാവികൾക്കും മേയ് മാസം പരീക്ഷണ കാലം തന്നെയാണ്. 

ജീവിതമെന്ന മാരത്തൺ ഓട്ടത്തിലെ ചില മൈൽക്കുറ്റികൾ മാത്രമാണു പത്ത്, പന്ത്രണ്ട്, എൻട്രൻസ് പരീക്ഷകൾ എന്ന തിരിച്ചറിവു പലർക്കും ഇല്ലാത്തതാണു കടുത്ത നിരാശയിലേക്കും ആത്മഹത്യയിലേക്കും നയിക്കുന്ന മാനസിക പ്രശ്നങ്ങൾക്കു കാരണമെന്നു വിദഗ്ധർ പറയുന്നു. ദിശാസൂചകങ്ങളായ നാഴികക്കല്ലുകൾ ഒരിക്കലും ‘തല തല്ലിച്ചാവാനുള്ള കല്ലുകളല്ലെന്ന’ തിരിച്ചറിവാണ് ആദ്യം വേണ്ടതെന്ന് ആസ്റ്റർ മെഡ്സിറ്റിയിലെ ചീഫ് മെഡിക്കൽ ഓഫിസറും മാനസികാരോഗ്യ വിഭാഗം മേധാവിയുമായ ഡോ. ടി.ആർ. ജോൺ വ്യക്തമാക്കി.

ചില വഴിക്കണ്ണുകൾ 

രക്ഷിതാക്കൾക്ക് 

മാർക്കു കുറഞ്ഞതിന്റെ പേരിൽ മക്കളെ ഒരിക്കലും തള്ളിപ്പറയരുത്. ‘നീ പോര, കൊള്ളുകയില്ല, അവനെ കണ്ടു പഠിക്ക്... ’ എന്ന സമീപനം ശരിയല്ല. വിജയത്തിന്റെ അളവു കോലുകൊണ്ടല്ല അവരെ സ്നേഹിക്കേണ്ടത്, നിങ്ങളുടെ മക്കളാണ് അവരെന്ന യാഥാർഥ്യം തിരിച്ചറിഞ്ഞു സ്നേഹിക്കുക. മക്കളുടെ പരീക്ഷാഫലം മോശമാണെങ്കിൽ പോലും അവരെ തള്ളിപ്പറയാതെ ചേർത്തു പിടിക്കുക.

എന്തുകൊണ്ടു മാർക്കു കുറഞ്ഞു, അല്ലെങ്കിൽ തോറ്റു എന്നതു കണ്ടെത്തുക. തിരഞ്ഞെടുത്ത വഴി ശരിയോ, അതിലൂടെ സഞ്ചരിച്ച രീതി ശരിയോ എന്ന് ആലോചിക്കുക. പരീക്ഷാഫലം ലോകാവസാനമോ, ജീവിതാവസാനമോ അല്ല. ദീർഘദൂര ഓട്ടത്തിലെ ആദ്യ ഘട്ടം മാത്രമാണ് ഇതെന്ന് ആദ്യം തിരിച്ചറിയേണ്ടതു രക്ഷിതാക്കൾ തന്നെയാണ്. മോശം ഫലം വന്നാൽ തങ്ങൾക്കു കൂടിയുള്ള ഒരു തിരിച്ചറിവായി രക്ഷിതാക്കൾ കാണണം. മക്കൾക്ക് എടുക്കാൻ കഴിയുന്ന ഭാരം തന്നെയാണോ തലയിലേറ്റിയിരിക്കുന്നത് എന്നു ചിന്തിക്കണം.

ജീവിതവിജയത്തിന് അനേകം വഴികളുണ്ടെന്ന കാര്യം ആദ്യം തിരിച്ചറിയേണ്ടതു മാതാപിതാക്കളാണ്. എംബിബിഎസ് പൂർത്തിയാക്കിയ ഡോക്ടറേക്കാൾ ഉയർന്ന ശമ്പളം പ്രഫഷനൽ കോഴ്സുകൾ പഠിക്കാത്തവർ നേടുന്നുണ്ട്. തനിക്കു പൂർത്തിയാക്കാൻ കഴിയാത്ത ആഗ്രഹങ്ങൾ മക്കളിലൂടെ പൂർത്തിയാക്കാനുള്ള രക്ഷിതാക്കളുടെ ശ്രമമാണു പലപ്പോഴും അതിമോഹങ്ങളിലേക്കും അതുവഴിയുള്ള നിരാശയിലേക്കും നയിക്കുന്നത്.

തനിക്ക് ഇല്ലാതിരുന്ന സൗകര്യങ്ങളാണു താൻ തന്റെ മക്കൾക്ക് ഒരുക്കിക്കൊടുക്കുന്നതെന്ന വാശിയോടെ ചിന്തിക്കുന്നവരാണു രക്ഷിതാക്കൾ. മക്കളിലേക്ക് അമിത സമ്മർദം കൈമാറാൻ മാത്രമേ ഈ ശൈലി ഉപകരിക്കുകയുള്ളൂ. രക്ഷിതാക്കൾ സമ്മർദത്തിലായിരിക്കാം; ഒരുപക്ഷേ, മക്കളേക്കാൾ. കുട്ടികളുടെ ഭാവിയും ആത്മവിശ്വാസവും വളർത്തുന്നതിൽ രക്ഷിതാക്കൾക്കു സുപ്രധാന പങ്കുണ്ട്. അതുകൊണ്ട് അവരുടെ ചിന്തകളും വിചാരങ്ങളും എപ്പോഴും നിയന്ത്രണത്തിലാക്കണം. ഒരു കുട്ടിയും പരീക്ഷ മോശമായി എഴുതാനോ, മാർക്കു കുറച്ചു വാങ്ങാനോ ശ്രമിക്കില്ല. കുട്ടിയോടൊപ്പം സമയം ചെലവഴിച്ച്, സ്നേഹവും പിന്തുണയും നൽകുക. അവർക്കൊപ്പം രക്ഷിതാക്കളുണ്ടെന്ന ധൈര്യം മക്കൾക്ക് ഏറെ ആശ്വാസകരമാണ്. മുൻ കാലങ്ങളിലെ മികവുകൾ ചൂണ്ടിക്കാട്ടി പ്രോൽസാഹനം നൽകുകയും വേണമെന്നു ക്ലിനിക്കൽ സൈക്കോളജിസ്റ്റ് ഡോ. നിത്യ സാറ ഏബ്രഹാം പറഞ്ഞു.

പരീക്ഷണ കാലം  

പരീക്ഷയ്ക്കു മാസങ്ങൾക്കു മുമ്പു തുടങ്ങുന്നുണ്ടു കുട്ടികളിലെ ഈ സമ്മർദം. മണിക്കൂറുകൾ പ്രത്യേക പരിശീലനം ഒരുക്കുന്ന സ്കൂളുകളും അധ്യാപകരും ...  പരീക്ഷാകാലത്ത് അവധിയെടുത്തു മക്കളുടെ പഠനത്തിനു കൂട്ടിരിക്കുന്ന രക്ഷിതാക്കൾ... ഇതെല്ലാം എന്തോ അപകടം പിടിച്ച സാഹചര്യത്തിലൂടെയാണു  കടന്നു പോകുന്നതെന്ന ചിന്തയാണു കുട്ടികളിൽ വളർത്തുക. ഇത് അവരിൽ മാനസിക സമ്മർദവും ഉത്കണ്ഠയും വർധിപ്പിക്കുന്നു. പ്രിയപ്പെട്ടവരുടെ പ്രതീക്ഷയ്ക്കൊത്തുയരാൻ കഴിയില്ലെന്ന തോന്നൽ പഠനത്തിൽ പ്രതിസന്ധി സൃഷ്ടിക്കും. അതിന്റെയെല്ലാം അന്തിമ ഘട്ടമാണു മേയ് മാസത്തിൽ ഫലം കാത്തുള്ള കുട്ടികളുടെ ഇരിപ്പ്. നമ്മുടെ അധ്വാനത്തെ, മാർക്കിന്റെ അഥവാ ഗ്രേഡിന്റെ അടിസ്ഥാനത്തിൽ വിലയിരുത്താനുള്ള മാർഗം മാത്രമാണു പരീക്ഷകളെന്ന തിരിച്ചറിവാണു കുട്ടികൾക്ക് ആദ്യം വേണ്ടത്. വിദ്യാഭ്യാസത്തിന്റെ പടവുകൾ കയറുന്നതു പരീക്ഷകളിലൂടെയാണ്, പിന്നിട്ട പടവുകളെ പോലെതന്നെ പുതിയ ചുവടുവയ്പായി പരീക്ഷാ ഫലത്തെ കാണണം. മൊബൈൽ ഗെയിമുകളിലൂടെയല്ല, ബുദ്ധി വളരുന്നത്. കായികാധ്വാനമുള്ള കളികളിൽ ആഴ്ചയിൽ മൂന്നു ദിവസമെങ്കിലും ഇടപെടണം. തലച്ചോറിന് ഉണർവേകാനും പ്രതിസന്ധി ഘട്ടങ്ങളെ സ്വയം നേരിടാനും അതു പ്രാപ്തരാക്കുമെന്നു ഡോ. ടി.ആർ. ജോൺ പറഞ്ഞു.

അധ്യാപകരോടൊരു വാക്ക് 

പരീക്ഷകൾക്കു മാത്രമല്ല, ജീവിതത്തിലെ സമ്മർദങ്ങൾ ചിരിച്ചു കൊണ്ടു നേരിടാനും കുട്ടികളെ പഠനകാലത്തേ പ്രാപ്തരാക്കണം. പോസിറ്റീവ് ആയ തീരുമാനങ്ങൾ സ്വയം കൈക്കൊള്ളാൻ കുട്ടികളെ ചിന്തിപ്പിക്കുക; വേണ്ടി വന്നാൽ അവനു നേരായ വഴി കാട്ടിക്കൊടുക്കുക. പരീക്ഷാ കാലത്ത് അൽപം ഉത്കണ്ഠ ആവശ്യമാണ്. എങ്കിലേ നന്നായി പഠിച്ചൊരുങ്ങുകയുള്ളൂ. അൽപം സമ്മർദം ഓർമശക്തി, ഏകാഗ്രത, താൽപര്യം എന്നിവയെ ഉണർത്താൻ സഹായിക്കും. ഉത്കണ്ഠ അമിതമായാൽ നിസ്സാര കാര്യങ്ങൾ മൂലം ശ്രദ്ധ മാറിപ്പോകാൻ ഇടയുണ്ട്. ചെറിയ നിർദേശങ്ങൾ പോലും ഉൾക്കൊള്ളാൻ കഴിയാത്ത അവസ്ഥ, ഉത്തരങ്ങൾ ഓർമിക്കാൻ കഴിയാത്ത വെപ്രാളം, എഴുതുമ്പോൾ ഓർമകളുടെ ഒഴുക്കു നിലയ്ക്കുന്ന അവസ്ഥ എന്നിവ കുട്ടികളിൽ വല്ലാത്ത മാനസിക പിരിമുറുക്കം ഉണ്ടാക്കും.

കുട്ടികൾക്ക് വിളിക്കാവുന്ന ചില നമ്പരുകൾ 

1056   

കേരളത്തിൽ എവിടെ നിന്നു വേണമെങ്കിലും വിളിക്കാം. ആരോഗ്യ കേരളം പദ്ധതിയുടെ ആരോഗ്യ കിരണത്തിന്റെ ഭാഗമായാണു ദിശ എന്ന പേരുള്ള ഈ നമ്പർ. വിദ്യാർഥികൾക്ക് ആവശ്യമായ വിവരങ്ങൾ ഇവർ നൽകും. 24 മണിക്കൂറും ഈ സഹായ നമ്പർ പ്രവർത്തിക്കുന്നു. 

1098 

ചൈൽഡ് ലൈനിന്റെ നമ്പറാണിത്. എവിടെ നിന്നും എപ്പോഴും വിളിക്കാം. കുട്ടികളുടെ എല്ലാ പ്രശ്നങ്ങൾക്കും ഇവിടെ ബന്ധപ്പെടാം. പരീക്ഷാ വേളയിൽ ഉത്കണ്ഠകൾ മാറ്റാനുള്ള സൗകര്യവും ഇവിടെയുണ്ട്. 

18004255198  

ഹയർ സെക്കൻഡറി വകുപ്പിന്റെ ടോൾ ഫ്രീ നമ്പറാണ്. ഹയർ സെക്കൻഡറി വിദ്യാർഥികൾക്കു വിളിക്കാം. രാവിലെ ഏഴു മുതൽ വൈകിട്ട് ഏഴു വരെ മാത്രമേ വിളിക്കാൻ പറ്റൂ. 

1800118002 

സിബിഎസ്ഇയുടെ പരിക്ഷാ ഹെൽപ് ലൈൻ നമ്പറാണിത്. കേവലം ഉത്കണ്ഠയ്ക്കു പുറമെ പരീക്ഷ സംബന്ധിച്ച എല്ലാ സംശയങ്ങൾക്കും മറുപടിയുണ്ട്.

ഇടിമിന്നൽ സമയത്ത് മൊബൈൽ ഉപയോഗിച്ചാൽ എന്തു സംഭവിക്കും?

Is it safe to use cell phones during lightning
Designed by Freepik        
മൊബൈൽ ഫോൺ ഉപയോഗിക്കാൻ തുടങ്ങിയ കാലം മുതലെ കേൾക്കുന്ന ഒന്നാണ് ഇടിമിന്നലുണ്ടാകുമ്പോൾ മൊബൈൽ ഫോൺ ഉപയോഗിക്കരുത്. ഉപയോഗിക്കുന്നവർക്ക് മിന്നലേൽക്കാൽ സാധ്യത കൂടുതലാണ്. എന്നാൽ ഇതിലൊന്നും ഒരു കാര്യവുമില്ലെന്നും എല്ലാം തെറ്റിദ്ധാരണകളാണെന്നും വ്യക്തമാക്കുകയാണ് ഇലക്ട്രോണിക്സ് വിദഗ്ധനായ ടോട്ടോ ചാൻ എന്ന പേരിലുള്ള ഫെയ്സ്ബുക് ഉപയോക്താവ്. ഫെയ്സ്ബുക് കുറിപ്പ് വായിക്കാം.

  നാട്ടിൽ ഏറെ തെറ്റിദ്ധരിക്കപ്പെടുന്ന സരള യുക്തിയുടെ ഉൽപന്നമാണ് മൊബൈൽ ഫോൺ ഇടിമിന്നൽ സമയത്ത് ഉപയോഗിക്കരുത് എന്നത്. മിന്നൽ എടുക്കുമ്പോൾ മൊബൈലിൽ സംസാരിച്ചത് കൊണ്ടു നമുക്കോ ഉപയോഗിക്കുന്ന ഉപകരണത്തിനോ ഒന്നും സംഭവിക്കില്ല.

നമ്മുടെ കൈയ്യിലുള്ള മൊബൈൽ ഫോൺ ഒരു ലോപവർ വൈദ്യുത കാന്തിക ഉപകരണമാണ്. വൈദ്യുത കാന്തിക തരംഗം എന്നൊക്കെ കേട്ടു ഉടനെ മിന്നൽ പിടിക്കുമൊന്നും തെറ്റിദ്ധരിക്കണ്ടാ. നമ്മൾ കാണുന്ന പ്രകാശം പോലും വൈദ്യുത കാന്തിക തരംഗമാണ്. മൊബൈൽ ഫോണിൽ നിന്നു പുറപ്പെടുന്ന തരംഗത്തിനു മിന്നലിനെ ആകർഷിക്കാനുള്ള കഴിവൊന്നുമില്ല.

ഒന്നോ രണ്ടോ വാചകത്തിൽ പറഞ്ഞാൽ മേഘക്കൂട്ടത്തിൽ വെച്ചു ഐസ് പരലുകളും ജലത്തിന്റെ ഫ്ലേക്ക് പോലെയുള്ള ചാർജ് ചെയ്യപ്പെട്ട graupel നിരന്തരം സമ്പർക്കത്തിൽ തെന്നി നീങ്ങി വലിയ ചാർജ് സംഭരിക്കുകയും ചെയ്യുന്നു. ഇതു ഭൂമിയിലേക്ക് അതിഭീകരമായി ഡിസ്ചാർജ് ചെയ്യപ്പെടുന്നു. ഈ ഡിസ്ചാർജ് നടക്കുമ്പോൾ അതിന്റെ പാതയിൽ എന്തൊക്കെ ഉണ്ടോ അതിലൂടെയൊക്കെ ചാർജ് ഒഴുകുന്നു. ഇതിന്റെ പരിണിതഫലം മിന്നലിന്റെ തീവ്രതക്കും ചാർജുകൾ പാസ് ചെയ്യുന്ന വസ്തുവിന്റെ സ്വഭാവത്തിനെയും ആശ്രയിച്ചിരിക്കും.

ഇങ്ങനെ ഭൂമിയിലേക്ക് വരുന്ന ചർജിനെ ഇവിടെയുള്ള ഉയർന്നു നിൽക്കുന്നതും ഒറ്റപ്പെട്ടു നിൽക്കുന്നതോ തുറസായ സ്‌ഥലത്തുള്ളതോ ആയ വസ്തുക്കൾ ’വഴികാട്ടി’ ആയെന്നു വരാം. അഥവാ ഈ വസ്തുക്കളിൽ നിന്നും (ചിലപ്പോൾ നമ്മൾ തന്നെയും) സ്ട്രീമർ ഉറവിടമായി മാറിയേക്കാം. മുകളിൽ നിന്നും വരുന്ന ഡിസ്ചാർജ് (ഇതിനെ Stepleader-, എന്നു വിളിക്കുന്നു, മിന്നൽ ഉണ്ടാകുമ്പോൾ കാണുന്ന വർണ്ണ വര.) ആയി ഈ സ്ട്രീമർ സംഗമിക്കുന്നു. അതുവഴി ഭൂമിയിലേക്ക് വൈദ്യുതി എളുപ്പം ഡിസ്ചാർജ് ആവുന്നു.

നമ്മൾ കുന്നിലോ, ഉയർന്ന പ്രദേശത്തോ ആണെങ്കിൽ മിന്നല്‍ പിണറിനെ ’സ്വീകരിക്കാൻ’ നമ്മുടെ ശരീരത്തിൽ നിന്ന് തന്നെ സ്ട്രീമർ പോയി അപകടം ക്ഷണിച്ചു വരുത്തുമെന്ന് സാരം. അതുകൊണ്ടാണ് ഒറ്റപ്പെട്ടതും ഉയർന്നതുമായ മരങ്ങൾ അപകടകാരികളാവുന്നത്. താരതമ്യേന കുറഞ്ഞ ഭാഗത്തായി സ്ഥിതി ചെയ്യുന്ന തെങ്ങുകൾ ഇടിയുടെ സ്ഥിരം വേട്ടമൃഗം ആവുന്നതും ഇതുകൊണ്ടാണ്.

ഞാൻ ഇതൊക്കെ പറഞ്ഞത്, നിങ്ങൾ ആരെങ്കിലും മൊബൈൽ ഓണാക്കിയോ, ഓഫാക്കിയോ, ഫ്ലൈറ്റ് മോഡിലിട്ടോ, കാൾ ചെയ്തോ, ചാറ്റ് ചെയ്തതോ കൊണ്ടു ഇടിമിന്നലൊന്നും ചെയ്യാൻ പോന്നില്ല. സ്വാഭാവികമായും ഇതിനോടു പലർക്കും പല വ്യക്തിപരമായ അനുഭവങ്ങളും പറയാൻ ഉണ്ടാകും (മൊബൈൽ ഉപയോഗിക്കുമ്പോഴാണ് മിന്നലേറ്റത്).

'ഇടി മിന്നലേറ്റത് മൊബൈൽ ഫോൺ ഉപയോഗിച്ചത് കൊണ്ടല്ല, മൊബൈൽ ഫോൺ ഉപയോഗിക്കുമ്പോൾ മിന്നലേറ്റത് ആണ്. ഫോൺ ഉപയോഗിച്ചില്ലെങ്കിലും നിങ്ങൾക്ക് മിന്നൽ ഏൽക്കുമായിരുന്നു’. പിന്നേ വേറൊരു കാര്യം വയേഡ് ലാൻഡ് ഫോൺ ഉപയോഗിക്കരുത്. കിലോമീറ്റർ നീണ്ടു കിടക്കുന്ന ലൈനിൽ എവിടെയെങ്കിലും മിന്നൽ സ്ട്രൈക്ക് ചെയ്താൽ അപകടം സംഭവിക്കാൻ സാധ്യത കൂടുതലാണ്.

നാട്ടിൽ ഒരു അപകട മരണം സംഭവിച്ചപ്പോൾ ഇടിമിന്നൽ പേടിച്ചു മിക്ക മൊബൈലും ഓഫ്‌ ചെയ്തു വെച്ചിരുന്നതു കൊണ്ടു നിർണ്ണായക വേളയിൽ വിവര വിനിമയത്തിനു തൽക്കലികമായി തടസ്സം നേരിട്ട അനുഭവത്തിൽ എഴുതിയത്.

PS: ഇടിമിന്നലിനെ അവഗണിക്കരുത്, ഫോൺ ഉപയോഗിച്ചാലും ഇല്ലെങ്കിലും മറ്റു മുൻകരുതലുകൾ എടുക്കുക.

Thursday, 19 April 2018

രാവിലെ ഉണരാന്‍ മടിയാണോ; എങ്കില്‍ സൂക്ഷിക്കുക

struggle to get up in the morning
Designed by Freepik               
എത്ര ഉറങ്ങിയാലും ഉറക്കം മതിയാവാത്തവരാണോ നിങ്ങള്‍ ? രാവിലെ ഉണരാന്‍ വളരെയധികം മടിയുള്ള കൂട്ടത്തിലാണോ ? എങ്കില്‍ കരുതിയിരിക്കുക, നിങ്ങളുടെ ജീവന്‍ ചിലപ്പോള്‍ അപകടത്തിലാകാം.

യുകെയില്‍ അരമില്യന്‍ ആളുകളില്‍ നടത്തിയ പഠനത്തിന്റെ അടിസ്ഥാനത്തിലാണ് നോര്‍ത്ത് വെസ്റ്റ് സര്‍വകലാശാലയിലെ ഒരു സംഘം ഗവേഷകര്‍ ഈ കണ്ടെത്തല്‍ നടത്തിയിരിക്കുന്നത്. താമസിച്ച് ഉണരുന്നവരില്‍ പ്രമേഹം ഉള്‍പ്പടെയുള്ള രോഗസാധ്യതകള്‍ അധികമാണത്രേ. പ്രമേഹം മാത്രമല്ല മാനസികപ്രശ്നങ്ങള്‍, ന്യൂറോ സംബന്ധമായ പ്രശ്നങ്ങള്‍ എന്നിവയും ഇവരില്‍ സാധാരണമാണ്.

താമസിച്ചുണരുന്നവരില്‍ പത്തുശതമാനം ആളുകള്‍ക്കും നേരത്തെയുള്ള മരണത്തിനു സാധ്യതയുണ്ടെന്നും ഗവേഷകര്‍ പറയുന്നു. ഇവരുടെ ശരീരത്തിലെ ബോഡി ക്ലോക്ക് പുറത്തെ സാഹചര്യങ്ങളുമായി ചേരാതെ പോകുന്നതാണ് ഇതിനു കാരണമാകുന്നത്.

അതിരാവിലെ കൃത്യസമയത്ത് ഉറക്കമുണരുന്നവരുടെ ബോഡി ക്ലോക്ക് ശരിയായ നിലയിലാകും പ്രവര്‍ത്തിക്കുക. ഒപ്പം ഇവര്‍ രാത്രിയും ഉറക്കത്തിനു ഒരു കൃത്യത പാലിക്കുന്നു. ഇത് നമ്മുടെ ആരോഗ്യത്തെ പരിപാലിക്കുന്നതിനു സമമാണ്. രാത്രി അധികം ഉറക്കം കളയാതിരിക്കുന്നതും രാവിലെ കൃത്യമായി ഉറക്കമുണരുന്നതും തന്നെയാണ് ആരോഗ്യത്തിനും ആയുസ്സിനും നല്ലതെന്ന് പഠനങ്ങള്‍ വ്യക്തമാക്കുന്നു.

Comments System

Disqus Shortname