മാനസിക സമ്മര്ദമുള്ളപ്പോഴും സ്ത്രീകളില് ആര്ത്തവ സമയത്തിനോടുത്തോ ഇവ കൂടുതലായി കണ്ടുവരുന്നു. അലര്ജി പ്രശ്നമായും വായ്പുണ്ണ് പ്രത്യക്ഷപ്പെടാറുണ്ട്. അമിതമായി ലഹരിമരുന്നുകള് ഉപയോഗിക്കുന്നവരില് ഇത്തരം മുറിവുകള് വായില് ഉണ്ടായേക്കാം.
സര്വ സാധാരണമായി കണ്ടുവരുന്ന ഒരു പ്രശ്നമാണ് വായ്പുണ്ണ് അഥവാ മൗത്ത് അള്സര്. മോണയിലും നാവിലും കവിളിലും എന്നു തുടങ്ങി വായില് എവിടെയും ഈ പ്രശ്നം ഉണ്ടായേക്കാം.
എന്താണ് വായ്പുണ്ണ്?
ചുവന്ന നിറത്തില് വട്ടത്തിലുള്ള മുറിവോ തടിപ്പോ ആയി വായ്പുണ്ണ് പ്രത്യക്ഷപ്പെടാം. കടുത്ത വേദനയും ഭക്ഷണം കഴിക്കാനും സംസാരിക്കാനുമുള്ള ബുദ്ധിമുട്ടുമാണ് ഈ രോഗത്തെ ഏറെ സങ്കീര്ണമാക്കുന്നത്. ഇതില് നിന്നുണ്ടാവുന്ന കടുത്ത നീറ്റലും വേദനയും ഒരാഴ്ച വരെ നീണ്ടുനിന്നേക്കാം.
മാനസിക സമ്മര്ദമുള്ളപ്പോഴും സ്ത്രീകളില് ആര്ത്തവ സമയത്തിനോടുത്തോ ഇവ കൂടുതലായി കണ്ടുവരുന്നു. അമിതമായി ലഹരിമരുന്നുകള് ഉപയോഗിക്കുന്നവരില് ഇത്തരം മുറിവുകള് വായില് ഉണ്ടായേക്കാം.
സാധാരണ കാണുന്ന വായ്പുണ്ണിന് പലതരം കാരണങ്ങളുണ്ട്. ഇരുമ്പ്, ഫോളിക് ആസിഡ്, വിറ്റാമിന് ബി 12 എന്നിവയുടെ അഭാവംമൂലമുള്ള വിളര്ച്ചയാണ് ഇതില് പ്രധാനപ്പെട്ടത്.
വെണ്ണ, ചിലതരം ധാന്യങ്ങള് എന്നിവയുടെ അലര്ജി മൂലവും വായിൽ വ്രണങ്ങള് ഉണ്ടാകാം. ടൂത്ത്പേസ്റ്റുകളില് അടങ്ങിയിട്ടുള്ള സോഡിയം ലോറൈല് സള്ഫേറ്റും വാനിലയില് അടങ്ങിയിട്ടുള്ള വാനിലിനും വായ്പുണ്ണിനു കാരണമാകാറുണ്ട്.
വായില് കാണപ്പെടുന്ന ബാക്ടീരിയയായ സ്ട്രെപ്റ്റോകോക്കസ് സാംഗ്വിസ്, ഉദരത്തില് കാണപ്പെടുന്ന ബാക്ടീരിയയായ ഹെലിക്കോബാക്ടര് പൈലോറി എന്നീ രോഗാണുക്കള്ക്കെതിരേയുള്ള ശരീരത്തിന്റെ പ്രവര്ത്തനം കൊണ്ടും ഈ പ്രശ്നമുണ്ടായേക്കാം.
പരിഹാരം കാണാം
- വായ്പുണ്ണ് വരുന്നതിന്റെ യഥാര്ഥ കാരണം കണ്ടുപിടിക്കാന് സാധിക്കാത്തതിനാല് ഇതിന് കൃത്യമായ മരുന്ന് നിര്ദേശിക്കാനാവില്ല. എന്നിരുന്നാലും ചെറു ചൂടുവെള്ളത്തില് ഉപ്പിട്ട് കവിള്കൊള്ളുന്നത് വായ്പുണ്ണിന് വേഗത്തില് ശമനം നല്കും.
- ഡോക്ടറുടെ നിര്ദേശം തേടിയതിനുശേഷം ആന്റിബയോട്ടിക് മരുന്നുകള്, മൗത്ത് വാഷുകള്, തുടങ്ങിയവ ഉപയോഗിക്കുന്നത് ഇത് തടയുന്നതിന് ഉപകാരമാണ്.
- അനസ്തറ്റിക് ഓയിന്മെന്റുകള് ഉപയോഗിക്കുന്നതും വേദനയ്ക്ക് താല്ക്കാലിക പരിഹാരമാകും.
- രണ്ടാഴ്ചയ്ക്കുള്ളില് കൂടുതല് കാലം വായില് പുണ്ണ് നീണ്ടുനില്ക്കുന്നതും അടിക്കടിയുണ്ടാവുന്ന വായ്പുണ്ണിനും ഡോക്ടര്മാരുടെ വിദഗ്ധ പരിശോധന ആവശ്യമാണ്.
ഇതിനു പുറമേ മോര് കവിള് കൊള്ളുന്നത്, കറ്റാര് വാഴയുടെ ജെല്ല്, ഗ്രീന് ടീ ബാഗ് തണുത്ത വെള്ളത്തില് മുക്കി വയ്ക്കുന്നത് എന്നു തുടങ്ങി നിരവധി വീട്ടുനുറുങ്ങുകളും വായില് പുണ്ണിന് ഫലപ്രദമാണ്.
No comments:
Post a Comment