ന്യൂഡൽഹി : വിവിധ സർക്കാർ സേവനങ്ങൾ ആധാറുമായി ബന്ധപ്പെടുത്തണമെന്ന കേന്ദ്ര സർക്കാർ തീരുമാനത്തിന് സ്റ്റേ ഇല്ല.കേസ് പരിഗണിച്ച സുപ്രീംകോടതി അഞ്ചംഗ ഭരണഘടനാ ബെഞ്ച്, ആധാർ ബന്ധിപ്പിക്കുന്നതിനുള്ള സമയപരിധി 2018 മാർച്ച് 31 വരെ നീട്ടി. ഡിസംബർ 31 വരെയായിരുന്നു ആധാർ ബന്ധിപ്പിക്കേണ്ട സമയ പരിധി. രണ്ട് ദിവസം മുൻപാണ് കാലാവധി മാർച്ച് 31 വരെ നീട്ടി കേന്ദ്ര സർക്കാർ ഉത്തരവിറക്കിയത്.
ചീഫ് ജസ്റ്റിസിനു പുറമേ, ജഡ്ജിമാരായ എ.കെ.സിക്രി, എ.എം.ഖാൻവിൽക്കർ, ഡി.വൈ.ചന്ദ്രചൂഡ്, അശോക് ഭൂഷൺ എന്നിവർ ഉൾപ്പെട്ട ബഞ്ചാണ് കേസ് പരിഗണിച്ചത്.
ദരിദ്രകുടുംബങ്ങൾക്കുള്ള സൗജന്യ പാചകവാതകമുൾപ്പെടെ 135 ഓളം സർക്കാർ പദ്ധതികൾക്കാണ് ആധാർ ബന്ധിപ്പിക്കേണ്ടത്.പുതുതായി ബാങ്ക് അക്കൗണ്ട് തുടങ്ങുന്നവർ ആറു മാസത്തിനകം ആധാറുമായി ബന്ധിപ്പിക്കണം.
No comments:
Post a Comment