രേഖയുടെ കണ്ണുകൾക്ക് എത്ര വയസ്സ്?

സ്വപ്നങ്ങൾ പെയ്തിറങ്ങുന്ന  കണ്ണുമായി ബോളിവുഡിനെ കീഴടക്കിയ രേഖയ്ക്ക് 63 വയസ്! കണ്ടാല്‍ വിശ്വസിക്കുമോ. അത്രയ്ക്കുണ്ട് അഴകളവുകളുടെ കൃത്യത. സ്കിന്നിന്റെ തിളക്കം. കണ്ണുകളിലെ വശ്യത... 1970കളിൽ തുടങ്ങി ഇന്നും ഇന്ത്യൻ ജനതയെ കൊതിപ്പിക്കുന്ന രേഖയുടെ സൗന്ദര്യരഹസ്യം എന്തായിരിക്കും. 

മുഖം: ദിവസവും ക്ലെൻസിങ്, ടോണിങ്, മോയിസ്ചറൈസിങ്. മേക്കപ്പ് പൂർണമായും നീക്കിയ ശേഷം മാത്രം ഉറക്കം. ഇത്രയും ചെയ്താൽ സ്കിന്നിന്റെ കാര്യത്തിൽ പേടി വേണ്ടെന്നു രേഖ. 

സ്പാ: അരോമ തെറപ്പിയും സ്പായുമാണു ശരീരത്തെ ഊർജത്തോടെയും ചർമത്തിന്റെ യൗവനം നഷ്ടപ്പെടാതെയും കാത്തു സൂക്ഷിക്കുന്നത്.

ഹെയർ പായ്ക്ക്: തൈര്, തേൻ, മുട്ടയുടെ വെള്ള എന്നിവ ചേർത്ത ഹെയർ പായ്ക്ക് ആഴ്ചയിലൊരിക്കൽ ഇടും. അതാണു രേഖയുടെ തിളക്കമുള്ള സുന്ദരൻ മുടിയുടെ രഹസ്യം. ഹെയർ ഡ്രൈയറോ കൃത്രിമ ഹെയർ പായ്ക്കുകളോ ഉപയോഗിക്കില്ല. ആഴ്ചയിൽ രണ്ടു തവണ വെളിച്ചെണ്ണ കൊണ്ടു നന്നായി മസാജ് ചെയ്യും. മുടിക്ക് ഉള്ളു തോന്നിക്കാൻ ഇത് ഒന്നാന്തരം വിദ്യയാണ്. 

കണ്ണ്:  ഏറ്റവും ആകർഷകമായ കണ്ണുകൾ സുന്ദരമാക്കി വയ്ക്കാൻ എപ്പോഴും ശ്രദ്ധിക്കും. ഐലൈനറോ കാജലോ കൊണ്ടു കണ്ണുകൾ നന്നായി എഴുതും. വസ്ത്രത്തിനിണങ്ങുന്ന ഐഷാഡോ കൊണ്ടു കണ്ണുകൾ കൂടുതൽ ഹൈലൈറ്റ് ചെയ്യും. മസ്കാര കൂടിയാകുമ്പോൾ കണ്ണുകളുടെ മേക്കപ്പ് പൂർണം. 

വെള്ളം: ദിവസം 12 ഗ്ലാസ് വെള്ളം. രണ്ടു നേരം ഗ്രീൻ ടീ. ഇടയ്ക്കു ഫ്രഷാകാൻ ഫ്രഷ് ജ്യൂസ്. 

വെജിറ്റേറിയൻ: ഒന്നാന്തരം വെജിറ്റേറിയനാണ്.  ജങ്ക് ഫുഡും അധികം വേവിച്ച് വൈറ്റമിനുകൾ നഷ്ടമായ ഭക്ഷണവും വറുത്തതും പൊരിച്ചതുമൊക്കെ ഒഴിവാക്കും. പഴങ്ങളും പച്ചക്കറികളും ഇഷ്ടം പോലെ കഴിക്കും. ഡ്രൈ ഫ്രൂട്സിനോടും നട്സിനോടുമാണ് മറ്റൊരു ഇഷ്ടം.

ചപ്പാത്തി: ചപ്പാത്തി, തൈര്, സാലഡ്, ഫ്രഷ് ഫ്രൂട്സ് ഇവ എന്നും ഉണ്ടാവും ഡൈനിങ് ടേബിളിൽ. ദിവസവും തൈര് കഴിക്കുന്നതു കൊണ്ടു ചർമവും മൃദുവായി തിളങ്ങും. 

ഉറക്കം: ഏഴരയ്ക്കു തന്നെ ഡിന്നർ കഴിക്കും. പത്തു മണിക്കു മുൻപേ ഉറങ്ങും. നല്ല ഉറക്കവും നല്ല ഭക്ഷണവും ചേരുമ്പോഴാണു സൗന്ദര്യം പൂർണമാകുന്നതെന്നാണു രേഖയുടെ പക്ഷം. 

യോഗ: രാവിലെതന്നെയുള്ള യോഗയും മെഡിറ്റേഷനും വർഷങ്ങളായി ജീവിതത്തിന്റെ ഭാഗമാണ്. കൂടാതെ ദിവസവും 10–15 മിനിറ്റ് എക്സർസൈസ്. ഡാൻസ് ആണു മറ്റൊരു ക്രേസ്. വൈകുന്നേരം സ്ഥിരമായി ഡാൻസ് പ്രാക്ടീസ് ചെയ്യും. 

വൃത്തി: വീടും പൂന്തോട്ടവും വൃത്തിയാക്കി സൂക്ഷിക്കുക രേഖയ്ക്ക് ആവേശമാണ്. തോട്ടത്തിൽ പണിയെടുക്കുകയാണു പ്രധാന ഹോബി. അതൊരു എക്സർസൈസ് ആക്കി മാറുന്നു എന്നതു മറ്റൊരു സന്തോഷം.