കവരത്തി: ഓഖി ദുരന്ത ബാധിതരെ സന്ദര്ശിക്കാന് പ്രധാനമന്ത്രി നരേന്ദ്രമോദി ലക്ഷദ്വീപിലെത്തി.രാവിലെ മംഗലാപുരം വിമാനത്താവളത്തില് നിന്ന് വ്യോമസേനയുടെ പ്രത്യേക വിമാനത്തിലാണ് പ്രധാനമന്ത്രി ലക്ഷദ്വീപില് എത്തിയത്.
കവരത്തി ദ്വീപില് സന്ദര്ശനം നടത്തിയ നരേന്ദ്രമോദി ഉന്നത ഉദ്യോഗസ്ഥരുമായി കൂടിക്കാഴ്ച നടത്തി.ലക്ഷദ്വീപ് അഡ്മിനിസ്ട്രേറ്റര് ഫറൂഖ് ഖാന് ഐഎഎസ് ദ്വീപില് ഉണ്ടായ നാശനഷ്ടങ്ങളെപ്പറ്റി പ്രധാനമന്ത്രിയെ ധരിപ്പിച്ചു.
500 കോടി രൂപയുടെ നഷ്ടം ദ്വീപില് ഉണ്ടായതായി ലക്ഷദ്വീപ് എംപി ഫൈസല് പ്രധാനമന്ത്രിയോട് പറഞ്ഞു.ദുരിതാശ്വാസ പാക്കേജ് പ്രഖ്യാപിക്കണമെന്നും ലക്ഷദ്വീപിലെ ജനപ്രതിനിധികള് മോദിയോട് ആവശ്യപ്പെട്ടു.അവശ്യങ്ങള് പരിഹരിക്കാമെന്ന് പ്രധാനമന്ത്രി ഉറപ്പ് നല്കി.
നവംബര് 30 ന് വീശിയടിച്ച ഓഖി ചുഴലിക്കാറ്റില് 88 പേര്ക്കാണ് ജീവന് നഷ്ടപ്പെട്ടത്.കേരളത്തില് 70 പേരും തമിഴ്നാട്ടില് 18 പേരും മരിച്ചതായാണ് കണക്കുകള്.മത്സ്യ ബന്ധനത്തിന് പോയ നിരവധി പേരെ ഇനിയും കണ്ടെത്താനുണ്ട്.
No comments:
Post a Comment